_سهم الغرام_♟️🫀
_ب_: 53
حبسات طونوبيل ديال تاج دين فلباب دق وهي تحل مونة شافت فيهم لقات سلام على وجوهم لاحت وجها بكل شمئزاز على غفران وخلاتهم دخلو هي دعي فيهم.
مونة: الله يفرتك ليكم الشمل ياااربي تعطيكم طلاااق الله يغربك فيها وتغرب هي فيك الله يجعل هاد لباب لدخلاتكم مرا خرا تريب طفووو.
مشات تابعاهم وصلو وهي تشوف فيها نصيرة وخنزرات .
نصيرة: بنتي مونة جيبي معاك شي كويس تاعت لحليب لختك كيف راكي تشوفي عروسة جديدة رفيعة تسكت فولادها اما هي كون جابتهم.
مونة: اييه اخالتي هي لي متعاودش علاش شحال عندنا حنايا من غفران .
مشات لكوزينة وبدات تقلب ومبان ليها فراسها غير بلان ودارتو هزات كاس دارتو فلفريكو ومشات جبدات لحليب وسخناتو مزيان تاولا يغلي جبدات كاس ديال زاج وحطات فيه لحليب وتسمع طااق تشق نصو وطار منو نص من فمو حطاتو فلبلاطو ودارت لاخر صحيح وحطات تمر ومشات كضحك هزات بيدها ومدات لغفران كاسها ومدات لتاج دين كاسو غفران غير حطات فمها تجرحات ليها شنافتها ديك ساع ودم بدا يجري.
غفران كتبكي وشدات على فمها: اييي فمييي.
تاج دين حط لكاس وناض عندها بزربة كيحيد ليها يدها على فمها : ماالكي غفران اشنووو!
غفران حيدات يدها وهو دم بدا كيقطر بدات كتهضر بزز : فمييي اتاج فمي.
ناض بزربة وجرها حط يدو على فمها باش يحبس دم وصلها لحمام بدا كيغسل ليها ففمها وخرج جاب كنينينيكس ودارو ليها على فمها باش تحبس دم ورجع جلس وهي حداه معرف اش وقع ليه.
نصيرة: بنيتي كيف بقا فمك الحبيبة ابنتيييي.
غفران كتنشف دم: بدا كيهدن .
تاج دين: شوفي فيا نشوف .
شافت فيه وهو يحط يدو وعقد حجبانو: الله ياربي فمك كان مشا مناقص من شي حليب حنايا.
جاية كتمختر وبدات كتمتل دور ضحية: ختييي حبيبتي اش اش وقع ليك الله ياربي عوينة وقاصتك.
رفيعة من وراها: يبعدو عليها غير لي قراب ليها غتكون بيخير وكيف كيقولو لفعة شحال مابقات كتموت بسمها .جلسات
عمتها لي جاية بعدما كانت ناعسة: بنتي رفيعة هذا ماهو كلامك اش تم.
رفيعة سمعات دقان فلباب وناضت: لكلام بزاف اعمتي ولمعنا غيعرفو مولاه .خنزرات فمونة لي صفارة معرفات اش تقول.
يتبع...
