_سهم الغرام_♟️🫀
_ب_: 79
سًـآكتُفُيّ
بّـجَ ـمِلَتُيّنِ
عَ ـشّـقَتُك مِنِ آلَبّـدُآيّةّ
ًسًـآحً ـبّـك حًتٌـى أّلَنِهّـأّأّأّأّأّأّيِّهّـ
هبط لقا عليهم سلام وجلس جابو ليه لفطور شوية تمات هابطة غفران لابسة بيجامة فلبيض وفيها وريدات فلغوز وزيف فلغوز وتقيشرات لقات عليهم سلام وجلسات وهي نصيرة تمشي ليها كتعنق وتبوس فيها هي ورفيعة.
غفران: متخافوش عليا انا دبا وليت بيخير.
نصيرة: الحمد لله ابنتي طيرتيها منينا خلعة.
رحمة جايبة صينية: اييه ابنتي ولحق يتقال.
كوثر كتحط فلخبز: اييه ولكن دبا الحمد لله ملي دبا بيخير .
حطات امينة تقيوتات واش كيكون فلفطور: كيف كتحسي اختي!
غفران تبسمات: دبا الحمد لله بيخير.
بدات كتفطر هي وتاج دين حتى ناض لحاج ميلود ورجال خرجو قالوها لتاج دين قال بلي غدي يسافرو كملو لفطور ناضت غفران تجمع وهي تحبسها اسية.
اسية: سيري جمعي حوايجك البهلة متنسايش بلي باقة عروسة.
نور: حمقة طلعي لبيتك راه راجلك فاتك للبيت.
طلعات غفران لقات تاج دين متكي على ناموسية شاف فيها وتبسم.
تاج دين: يالله دغيا باش نمشيو.
غفران: امم واخة .
جلسات على زربية حيدات زيف وحطات لباليزة لي خواوها ليها وستفوها بدات كتحط شوية وهي تهز شوميز دونوي باش تحطو تاحيدو ليها تاج دين من يدها بخفة وجلس قدامها.
تاج دين: وهذاا علاش حاطاه هناا!
غفران: ديالي ههه.
تاج دين: امم عرفتو ديالك ولكن لمن غتلبسيه!
غفران: هههه ليك .
تاج دين: ايوا دبا غاديين غير لبلاد ازين ديالي مكاين لاش ديريه هزي حوايج طوال وتقيشرات وايلا خاصاك شي حاجة نديها ليك فطريق.
غفران: امم خاصني.
تاج دين قرب لحداها: اش خاصك ابلارتي !
غفران ذبلات عينيها بغات تبكي.: واحد لكريم ديال وجهي تقاضا ليا .
تاج دين: عمرييي انا تبكيلي نشري ليك كارطونة اكبيدة لي نكساب انا.
غفران: امم مزيان ملي غتشريه ليا.
تاج دين: اه نشريه ليك.
بدات كتجمع وهو حداها مرة يضحك معاها مرة يطنز عليها مرة يدوي معاها نيشان .
تاكملات جميع وناضت تلبس حوايجها لي ختارهم ليها هو .
يتبع...
