_سهم الغرام_♟️🫀
_ب_: 110
غفران حاسة براسها غطيح شادة فرفيعة لي حتى هي باقية مصدومة ولكن عارفة بلي تاج دين ماشي لخاطرو وبلي مونة هي مولات لخطة شادة فيها.
غفران: ختي شدي ليا طاكسي راه مبقاوش رجلي قادين يهزوني اختي.
رفيعة: شدي فراسك الحبيبة راك واحلة فروحك اختي ومتعصبيش تانعرفو اش كاين.
غفران: سكتي اختي دبا ماشي وقت لهضرة.
شدات رفيعة طاكسي هي وغفران لدار غفران حدها كترعد ومعارفاش اش دير نزلو وتمو داخلين وهي نصيرة تشوف فيهم وهي خايفة.
نصيرة: فين هو تاج دين!
غفران بصوت مرتفع وهي كتبكي: تاج دييين اخالتي تاج دين يااااك راااه مع وحدة اخرى لقيتووو ناعس معاها اخالتييي لقيتوووو معاهااااا.
نصيرة شدات فيها : متبكيش ابنتي رفيعة اش كتقول غفران!
رفيعة شافت فلام ديالها بحزن: لي قالتو صحيح .
نصيرة طلقات من غفران وبدات كضرب ففخاضها: اويلي واستغفر الله ولد لحراام علاااااش علاااااش .
غفران تمات طالعة لبيتها: انا غنجمع حوايجي ونمشي لدار با اخالتي ولدك بيني وبينو لمحكمة ماااايجي مايطلب مايشرح لياااا ماحتى حاجة اخالتيييييي.
نصيرة: طلعي ابنتي شدي فمرات خوك راهية واحلة فروحهااا.
طلعات رفيعة شدات فيها وصلاتها لبيت بزز وهي عيانة وكتبكي جبدات لباليزة كتجمع فيها.
رفيعة: اختي اغفران صافي عادي هضري معاه بلعقل ونتوما دبا بيناتكم لولاد اختي بلاما تمشي خليك وانا بيدي نهضر معاه ونقولها لبابا يهضر معاه انا عارفة خويا ماشي لخاطرو اختي.
غفران كتخشي لحوايج : متقولي ليا والووو ارفيعة والوووو اختي غنمشيييي راه كرشي كتقطع الله ياخذ فيه لحق .
رفيعة شدات فيها: رتاحي رتاحي.
نصيرة دخلات: ابنتي الله يرضي عليك لما انا بيدي غدي نتفاهم معاه ابنتي .
غفران جالسة وشادة على جنب كرشها : خالتي نتي فوق راسي ولكن ولدك صاف تعدا لحدود اخالتي متقوليش ليا ودبا غنمشي.
نصيرة: ليل ابنتي عليك ليل ونتي عيانة ابنتي الله يهديك.
طلع لحاج محمد ملي سمع صداع فدار وقف عليهم.
لحاج محمد: اش واقع ابنتي ياك لاباس!
غفران: اعمي اش نقول ليك مفيها ميتقال.
نصيرة: ولدك سي تاج دين لقاتو هو وواحد خيتي فلبيت فواحد لحركات خانزين الحاج مدار فيها ميصلاح.
لحاج محمد جمع حجبانو وخنزر: وفين هو دبا شماتة!
رفيعة: خليناه تم.
يتبع...
