_سهم الغرام_♟️🫀
_ب_: 58
ايلا مت وماحضر حد كنازتي قولو لصحابي ماكنتو صحاب ولحبابي عمركم كنتو حباب نهار وقفت عليكم تمسحو دمعي لهواد كلها صد وعطاني بكتافو كنت راجية غير كلمة نعلي بيها عروق قلبي لي راحو ، ايلا مت مانسمح ليكم تبكيو حيث نهار بغيت نحط راسي عليكم ونشكي كلها فين عطا عضارو وتوجه بخطاويه لدارو ودبا يااويلكم تبكيو ولا تتحسرو عليا حيث لي فات مات وماليه وليا حبيت نقول لميمتي كل يوم سقي روضتي ولاتنسايني فصلاتك حيث انا بنتك غير لموت لي فصلات وماعطاتنا وقت لي نتسامحو دغيا وصلات قولو لخوتي كنت نحبهم بغيت نربي جناحي ونساري بيهم بلحق لموت حن ليا من حر دنيا لي عشت وبغيت نضحي عليهم.
تسمعات زدخة كبيرة فلارض تجمعو ناس وشي قرب من شي لاحو توب على وجها لي غطاه دم كانت سارة لي عيات من دنيا ومارضات بلي عطاها الله لمخدرات خرجو عليها ولمراهقة لعبات فيها ، لاحت راسها حيث مقدرات تعتق مها ولا خوتها ولا توصل للي كتبغي حسات بلي وقتها بدا يكمل وبغات تسالي وترحل.
تسمعات غوتات لاسعاف جاية هزوها وخشاوها فكيس وطلعو سنسلة صاف مشات ولعند ربي وصلات تتعاقب على اعمالها وعلى روحها لي قتلاتها .
تاج دين لي رجع لدار ودخل لقاهم يالله كيحدو جلابتهم وقف وتسند على لحيط موجه كلامو لمو.
تاج دين: لوليدة اش تم كيف بقات.
نصيرة تنهدات: اييه اوليدي بقات فيا لماين اولدي لام ديالها بزاف وقطعات ليا قلبي لطراف اوليدي لبنت راهية فلانعاش حالتها خطيرة وديك شاب بقا يبكي وبغات تجري عليه بلحق رغبة وطلبت على لي قديت حتى رضات اوليدي.
زهرة: اييه مسيكينة وشحال بقات فيا .
غفران: الله يشافيها ياربي .
الكل : امين .
رحمة: بلحق لام ديالها تحلف وتعاود باش بنتها غير تبرا يغبرو من هنا.
تاج دين: ايوا الله يصبرهم.
مشا تاج دين يالله غيدخل عند رجال لصالون وهو يلقا تيليفونو كيصوني كان اتصال من ام سارة جاوب وهو يلقاها كتبكي.
لام: وليدي بنتييي سارة ماتتت اولدي.
تاج دين تصدم: ايمتا هاد شي!
لام: شي شوية اولدي انا دبا فطريق لقديت اولدي سير لسبيطار خرجهاا نعطيك لوكالة اولدي الله ياربيييي وعلى بنتييييي.
خرج تاج دين بزربة شي لي خلاهم غير كيشوفو ركب وكسيرا وصل لمستشفى وهو يلقا لبوليس.
شرطي: سي تاج دين تفضل معانا بغينا اقوالك.
تاج دين: اييه واخة .
خرج ركبو لبوليس فصطافيط وهو تبعهم بطونوبيل للمركز.
يتبع...
