_سهم الغرام_♟️
_ب_: 108
بعدما رتاحو هبطات غفران وتاج دين لتحت لقاو غير نصيرة فصالون مشات غفران توجد لكوطي بينما جات رفيعة لي مشات تتصخر .
تاج دين قرب لحدا نصيرة وشاف فيها: الوليدة عندي ليك شي كلام وبغيتك تقولي ليا !
نصيرة: اييه اولدي اش كاين الله يسمعنا خير!
تاج دين تبسم: خبار لخير اميمتي دبا كيف كتعرفي مراتي حاملة واش نبقاو معاكم فدار ولا نمشي لداري !
نصيرة: اوليدي منقولك بقا منقولك سير .
تاج دين: لا الوليدة غير قولي ليا.
نصيرة: هانتوما معانا اوليدي على لاقل غير بينما ولدات مراتك دبا شقا عليها غيكون قاصي وراك اوليدي عارف اش كاين نعاونوها انا وختك بينما جا راجل ختك وتمشي رفيعة بعدا تكون ولدات.
تاج دين: صافي تاهذا كلام اميمتي .
مشات غفران جابت كتحط وعاد تمات مدخلة رفيعة معاها لبتيبان ولكومير وجايبة وليداتها معاها كضحك حطو وبداو كياكلو ويتهاودو ويضحكو .
زهير لي خرج من لقهوة وهو حاس براسو مقهور حدو مشا لدار دخل لقا عليهم سلام .
زهير: لوليدة غذا ان شاء الله غنمشي عند خالي لبلاد.
نصيرة: واش لهاشمي ولا لعربي!
زهير: لا عند لهاشمي غندفع دعوة ونمشي.
نصيرة: ولخدمة !
زهير: عندي دراري مقابلين ليا معندي مناش نخاف.
رفيعة: سير اخويا بدل لجو ورتاح.
زهير: ان شاء الله .
يتبع...
