_سهم الغرام_♟️🫀
_ب_: 44
مشا لمحل ديالو نيشان وهو كيتخايل ونطق وهو مبتاسم .
تاج دين: الحمد لله ياربي ماخببتينيش عطيتيني بنت ناس وكنواعدك اسيدي ربي عمرني غنضرها .
غفران لي هزات لفلوس لي عطاها حطاتهم فلماريو ديالها فواحد لبواطة خاصة وسدات عليهم تاتحتاجهم وهبطات عندهم وهي كتبتاسم غير بوحدها .
جلسو كيدويو غير لعيالات بيناتهم اما رجال خرجو مشاو كل واحد وفين شد دخلات عند عيشة ولام ديالها كانو فلكوزينة.
غفران: نعاونكم !
عيشة كتدلك لعجين: لا غير رتاحي دبا نتي عروسة ومبقا ليك والو وتمشي لدار راجلك ابنتي .
غفران جرات واحد لكرسي وجلسات: اييه عرفت اعمتي مغنسخاش بيكم وحق الله .
رحمة كتقطع لبصلة فواحد لكوكوط كبيرة: ايوا لابد منها غير هو سمعي ليا اش نقول ليك .
غفران هزات تفاحة كانت تم وحيدات زيف خلاتو غير على عنقها : اهاه كنسمع.
رحمة: لمشيتي لدار راجلك لتبني عيب بينو وبين مو ولو دير فيك لي دارت لاتحافيها جسبيها فمقامي وزيد عليها راجلك لتكتريش عليك وجمعي دارك ولتخلي خيط ريح يدخل بيناتكم ولوستك حتارميها ولاتقللي لحترام عليها ولوسك ميشوف ضروسك ضحك معاه بلقانون ومرتو لقرات عيبك وجرات قشابتك عطيها من شوكك ورمي عليها سمومك تفاهمنا.
غفران ضحكات: وهاد شي عارفاه اماما .
رحمة: ايوا مانعرف دنيا وزمان ماتعرفي تحتاجي كلامي شي نهار ونزيدك داركوم ديما محلولة متقوليش راهم غيجريو عليا نهار يأديوك ويحكرو عليك وراجلك يفوت وقارو معاك جي ابنتي وحنايا نعرفو لحل ومتصبريش على دل لمرة لرجعات مطلقة مهياش زعما تعني لموت بنتنا لبارح وليوم .
غفران: الله يحفظكم ليا اماما .
رحمة: امين ياربي ودبا نوضي ماطي ليا لقصبر وسيري عند مي راهية موجدة ليك شلا تبريمات للوجه ولحمك ديريهم غذا لعقد ديالك ابنتي ولازم عليك تباني بحال نحلة فوق شهدة ماشي بحال ذبانة لبركاصة وانوضي.
غفران ناضت: هه واخة اماما .
يتبع...
