_سهم الغرام
_ب_: 7
خرجات من لبيت ولحيرة شاداها وهادشي لي دارت معرفات فين غيلوحها غامرات براسها وقالت لي بغاها الله هي لي تكون وخاصني تاانا نولي بحال لبنيات بداري وبراجلي وان شاء الله بوليداتي ، دخلات لبيتها تخمم وتفصل كل فصل من لهم تشوف اينا طريق لي تبعها .
هبط لحاج ميلود وجلس حداهم حنحن بصوتو لي دازت عليه كلام وكلام ، كلهم شافو فيه سكتو وحطو لودنين عليه .
لحاج ميلود : بنتي غفران جاو فيها لخطاب ، ان شاء الله سيمانة جاية تكون لخطابة نبغيكوم توجدو من راسكم لساسكم وناس لي جاين راهم عزاز وعندهم قيمة .
رشيد[اب غفران]: شكون هاذ ناس ابا لي بغاو بنتي !
لحاج ميلود: لحاج محمد لجزار هو ليبغاها لولدو تاج دين تاجر رزين .
رشيد[تبسم ]: الله يتمر ويعمر ناس همة وشان وتاداك شاب باخلاقو وحقو معروف.
محسن: اييه لحق يتقال نتمناو متحاشمناش مع ناس كي شتي هي راسها حجرة .
نوفل: ولو غير تجبدو ليها زواج يرطاب وتولي باغية غير سايسو معاها لبغاها وبغاتو معلينا غير نقراو لفاتحة .
نور دين[عم غفران]: اييه وتابنتنا همة وشان ولاخلاق ديالها سابقينها وكلامها رزين ومتحشمش بينا .
زهرة: اممم نتمناو حيث هاديك نخاف من نهارها تشري لعداوة مع مالين دارها.
رحمة: هذاك لي لقيتيني فيها نخمم اخالتي هه.
امين[ولد عمها]: لالا هي مكتجبدش ناس هكذاك لي قرب ليها كتوريه علاش قادة.
كوثر: اييه هي ماشي هيماجية .
امينة: ولحق يتقال هادي ثلت سنين ملي جيت عندكم عمرها لحقاتني بشي كلمة وخا انا لوحم جاني صعيب وبعد لمرات كنت مضرها بلحق هي كانت كتقولي غير الله يفكك على خير.
اسية[بنت عمتها]: لالا غفران متاعت عيب.
نور[بنت عمتها 2]: اييه خاطية راسها والله يسهل عليها.
رقية[عمتها]: امين ياربي.
عيشة[عمتها ]: متخافوش عليها قادة براسها ودير كولشي تبارك الله عليها.
يتبع...
