_سهم الغرام_♟️🫀
_ب_: 43
لفجر بدا كيودن ناضت غير بلحس كتتخطاهم وهوما ناعسين غير بشوية لبسات عليها جلابتها وحلات باب دار غير بشوية وخرجات وسداتها وراها وهادشي داز على عينين مغنية لي فاقت تصلي لفجر .
وقفات قدام باب دار لي ياجورها باين وسيمتها لي مقشرة دقات جوج دقات وحل ليها لباب لقات صف قدامها ديال لعيالات جالسين وفلوسط كان راجل حداه مباخر وعقيق وقراعي صغار وكبار وجهو لي مباينش لايحزعليه توب فلاسود . جلسات كتساين نوبتها حتى وصلات مدات ليه دوك الملابس الداخلية وشوية ديال شعر بقا كيقرا بكلمات ممفهوماش من بعد عطاها قرعة صغيرة تقريبا فيها قطرة وهي دوي وحدة جالسة حداه.
***: تشربها مرة وحدة .
خرجات وهي هازة لقرعة فيدها وتبسمات وهي تخشيها مع حوايجها وتمات غادية كتزرب دازت للمخبازة لقاتهم يالله كيحطو خدات لكومير ولبتيبان ومشات لدار وهي فرحانة .
وصلات دخلات لقات زهرة ورحمة والحاج ميلود وتاج دين ومحسن وامينة فايقين كيصليو لفجر تاج دين لي فاش كان هباط شاف غفران لي لايحة كل رجل وفين ولكن مغطية بواحد لغطا غوز .
تاج دين جلس حداهم بعدما صبح عليهم: لحاج كايخصني نمشي.
لحاج ميلود طبطب ليه على ركبتو: والله متمشي اولدي تاتفطر ماشي من عوايدنا .
تاج دين تبسم: الله يكبر بيك الحاج .شاف فمحسن: كيف بقا البطل .
محسن تبسم: شوية اش نقول ليك .
تاج دين: الله يزيد فراحتو .
غفران لي بعدما فاقو كلهم هي يالله فاقت طلعات باش دخل لبيتها شعرها لي طايح على عينيها ووجها لي منفخ بنعاس شافها تاج دين وتبسم شاد ضحكة ، جمعات شعرها ودارت زيفها بعدما صلاة صلاتها وخرجات عندهم لقات عليهم سلام وجلسات وهو بنوض تاج دين من بلاصتو.
تاج دين ناض من بلاصتو: الله يكثر خيركم اسيادي سي الحاج الله يطول ليا فعمرك نتا ولحاجة نشوفكم فساعة لخير خاصني نمشي.
لحاج ميلود: مرحبا بيك اولدي دبا نتا واحد منينا ودار دارك وعمرك تقول هاد لكلام.
تم غادي وهي تنغز رحمة غفران ونطقات بصوت هامس.
رحمة: نوضي الكلبة صدري مع راجلك.
ناضت غفران وهي معارفة اش تقول ليه حدها ضحكات .
غفران : الله يوصلك على خير.
تاج دين تبسم ودخل لبيتها يهز حوايجو: امين دخلي عندي ليك شي كلام.
غفران سدات لباب وشافت فيه: اش واقع ! خبار لخير ان شاء الله.
تاج دين جبد شي فلوس من جيبو ومدهم ليها: هادو ليك اغفران دبا وليتي محسوبة عليا واي حاجة قوليها ليا نجييها ليك.
غفران : ءء لاا لا .
تاج دين : شدي اغفران بلا فهامة دبا حاجتك حاجتي ونوصيك قللي من لجلاس مع جماعة بزاف حيث منبغي حد يحفض تفاصيلك من غيري انا .
تم خارج من لبيت هبط وهي معاه سلم عليها بلوجه وتبسمات ركب فطونويلتو ومشا.
بتبع....
