_سهم الغرام_♟️🫀
_ب_: 112
ليل فات وصباح شمسو بانت ووضحات تاج دين لي نعاس مزارش جفونو وغفران لي عينيها تنفخو بلبكا اما مونة كانت معاها لورقة رابحة .
غفران ناضت جمعات شعرها دارت زيفها: ختي رفيعة بسلامة عليك وسمحي ليا ايلا درت فيك شي حاجة ولا
رفيعة كتمسح دموعها: متقوليش هكذا كنتمنا متنتاهيش قصتكم هكذا اختي وترجعو ومتطلقوش .
غفران: مكنضنش حيث لعيب جا منو هو .
رفيعة: الله يدير لي فيها لخير ودار دارك اي وقت مرحبا بيك .
غفران : شكرا اختي وحتى نتي.
تعانقو بجوج وتوادعات مع نصيرة ولحاج وحتى زهير اما تاج دين كان باقي فبيتو مسايق خبار ، وصلها زهير تالباب دار دقات وحلات ليها سوسن ودخلات.
هبط تاج دين زربان وعينو كتقلب عليها وجوهم شاحبة وسكات فدار حاطين لماكلة وكولشي ساكت.
تاج دين: صباح لخير فين هي غفران!
نصيرة: هه قالك غفران خليتي نتايا شي غفران امم مخليتي لا غفران لا والو ديكشي علاش سير تجلس ولبنت مشات لظار بابها .
لحاج محمد: سير لمحكمة قدم ورقة طلاق لبنت طلبات طلاق ولازم نعطيوها حقها.
تاج دين جلس وجسمو فشل عليه: واش مشات بوحدها.
رفيعة: وصلها زهير.
تاج دين:وعلاش اناااا مكاينش ولا شنو!
نصيرة: بلاما ترفع صوتك دبا نوض طلق لبنت حيث متستاهلاش هي تستاهل ديك لمسخة لي كنتي معايا يالله تكعد.
تاج دين: وفهموني رااه منقدرش راه هي كولشي.
لحاج محمد وقف وخنزر فيه: انا ساخط عليك ايلا مطلقتيش لمرا وعطيتيها حقها ايلا بغاتك هي غترجع ليك وديك ساعة بينك وبينها.
تاج دين شد على راسو من كلام باه: اش كديرو فيا اش حشومة عليكم.
خرج وزدح لباب بجهد وركب فطونوبيلتو وكسيرا قاصد لمحكمة حيث معرف اش يدير معليه غير يتخلا عليها حيث بصح لغلط منو هو .
يتبع..ظ
