_سهم الغرام_♟️🫀
_ب_: 124
ناضو غفران بغات تعاونهم ولكن مبغاوش حيث هي عيانة وزيد هاد شي لي واقع ليها .
سوسن: غير هاد لحلوة لي نجيب ولفاكية.
زهرة: وايه ابنتي غير هادو.
غفران: تسناي لبس عليا مونطو ديالي ونمشي معاك منها نيت نطلق رجليا.
سوسن: واخا نيت محد شتا فاترة .
غفران: اه واخة تسنايني .
طلعات غفران قادات زيفها وقادات وجها لي كان شاحب ولبسات لمونطو ديالها لي فايت ركابيها فلاسود وصبادرين فلبيض هبطات لقاتها كتسناها خرجو هي وياها ومشاو يشريو اش غادين يحتاجو عيطو لكوثر فيتيليفون وامينة لي غيجيو فصباح .
بقاو كيضورو خداو لحلوة وشي مكياج كان خاص لسوسن ورجعو لدار مع اذان لمغرب ، حتى كيلقاو لحاج ميلود تم داخل باسو ليه يديه وهو يتبسم.
لحاج ميلود: باجدي غيجيو فيك لخطاب الله يكملك بعقلك ويكمل عليك بلخير ابنتي.
سوسن تبسمات: امين اباجدي الله يخليك ليا.
لحاج ميلود: امين ابنتي .
دخلو كلهم وجلسو فصالون وبقاو كيديو تاسمعو دقان فباب دار ناضت سوسن حلات لقاتها بهية دخلات كتعنق وتبوس فبنتها ومشات لصالون كتبوس وتعنق فيهم وهي حاسة براسها ندمانة على اش دارت مع غفران .
بهية: مبروك عليك ابنتي .
غفران: الله يبارك فيك.
بهية: الله يكبرو فعزكم.
غفران: امين.
بقاو هكذاك كيدويو حتى جات وقيتة لعشا تعشاو طلعات غفران لبيتها وشعلات ضو وجبدات تصاورها ديال لخطابة وديال لحناء وبدات كتشول فيهم وكتبكي .
غفران: دبا انا علاش كنبكي ياك صافي مبقاش راجلييي ، هو صافي خاني وطلقني ولكن علاش علاااااش.
حسات براسها تخنقات حلات سرجم مع شافت بانت ليها طونوبيلتز حابسة وهو فيها بقات هي كتشوف فيه وكتبكي وهو كيشوف فيها ؛ بدا كيصوني تيليفونها ولكن مبغاتش تجاوبو فلخر هزات تيليفون وجوبات.
تاج دين: متبكيش اغفران غتصعري مييي غنطلع لمك لبيتك وغنديك غير صعريني راني باقي صابر.
غفران: علاش جيتي اش باغي !
تاج دين: جيت وغنبقا نجي وديييما بلاصتي لي مفيهاش نتي مبغيتهاش ولهواء لي كنتنفس لمدخلش من نيفك بلاما نتنفس اناااا اغفران.
غفران: بعد منييي.
تاج دين: علاش نقدر انا نبعد امم علاااش خليتي ليا وقت راااه قلبي فيه نتي وعمرو يبعد عليك.
غفران: خليني نعس وسير بحالك .
تاج دين: لا مغاديش .
غفران بلاما يكمل قطعات عليه وسدات سرجم ومشات لبلاصتها وطفات ضو وشدات تصويرتو كتبوس فيها عنقاتها ونعسات اما غفران ملي شاف ضو مولاش شعل عرفها نعسات وكسيرا ورجع لدار.
يتبع...
