Dear Diary,
Ang babait ng mga amo ko. Nakilala ko na sila kanina at talagang all smile sila samin. Kahit na ang masungit na si Noris ay humahanga sa mag asawa.
Ipinakilala na ko bilang bagong kasambahay at inalam nila ang buhay ko na para bang normal lang iyon.
Si Madam ay talagang nakakatuwa. Naalala ko ang nanay ko sa kanya. Pareho silang maganda, mabait at masayahin.
Kinumusta pa niya ang kalagayan ko kung nahihirapan ba ako dito. Hindi ko mapigilang maluha ng itanong niya yun. Nataranta siya at inakalang pinapahirapan ako sa mansyon nila pero umiling ako.
Sinabi kong ngayon na lang kasi ulit may nag alala sa kalagayan ko bukod sa best friend kong si Marie.
Ngumiti si Madam na parang sinasabi na all is well. Napakaswerte ng mga anak nito dahil nagkaroon sila ng magulang gaya nila.
-Cory
BINABASA MO ANG
Dear Diary
ChickLitAko ay isang babaeng may simpleng pangarap, ang makapagtapos ng pag-aaral at makahanap ng magandang trabaho. Hindi ko naman lubos akalain na sa pag-abot ko nito ay may makikilala akong tao na siyang magiging bagong pangarap ko.
