🖤Theories of LOVE♥ 🖤Season-3♥ Final chapters

🖤Coffee Love-2❤️

(Unicode)

🖤Theories of LOVE❤️

🖤Season-3❤️

🖤Coffee Love-2❤️

ခါးသီးခြင်းကဘာလဲလို့ အဖြေရှာနေကြတာလား...

စိတ်ထင်ရာအတိုင်းအရောင်ရင့်လို့ရပါတယ်..

ကျွန်မအတွက်ကတော့ ကော်ဖီစေ့ခပ်နက်နက်တွေနဲ့ ထောင့်တစ်နေရာမှာ အငွေ့ပျံနေရုံပါပဲ☕️

🖤❤️🖤❤️

ဒီနေ့ သင်တန်းစတက်ရမဲ့နေ့....

မိုးလင်းတည်းက တက်ကြွနေတဲ့ babyကိုကြည့်ပြီး ကျွန်တော်ပါသူနဲ့အတူ စိတ်လှုပ်ရှားနေသလိုခံစားရသည်။

သူ့ဘဝတစ်ဆစ်ချိုးအတွက် သူဖြစ်ချင်တဲ့ ဆန္ဒတွေအကောင်အထည်ဖော်ဖို့ ပထမခြေလှမ်းမို့လို့နေမှာပါ။

❤️ ကိုကို ခေါ်နေတာကို ဘာတွေတွေးနေတာတုံး...

Necktieချည်ပေးနေရင်းနဲ့ မေးနေတဲ့ ခပ်ပြုံးပြုံးနှုတ်ခမ်းလေးကို စူးစူးစိုက်စိုက်ကြည့်ရင်း အကြည့်တွေက ကျွန်တော့်ရှေ့ ခြေစုံရပ်နေတဲ့ သူ့ခြေဖမိုးဖွေးဖွေးပေါ်ရောက်သွားသည်။

ကြမ်းပေါ်ခင်းထားတဲ့ အနက်ရောင်သားမွှေးကော်ဇောပေါ်မှာ ဖွေးဥနေတဲ့ ခြေထောက်လေးက နှစ်လိုဖွယ်ရာခံစားမှုအဖြစ်ရင်ထဲတိုးဝင်လာပြန်ပြီ။

❤️ ဘာတွေငုံ့ကြည့်နေတာလဲ ကိုကိုရဲ့....

ကျွန်တော့်အကြည့်ကို နားလည်ရခက်စွာ မေးနေတဲ့ ချစ်ရတဲ့ကလေးလေးကို ခါးကနေဆွဲဖက် မြှောက်ချီလိုက်တော့ ကျွန်တော့်လည်ပင်းကိုဖက်ရင်း မျက်လုံးပြူးလေးနဲ့ကြည့်လို့။

ခါးကနေမြှောက်ချီထားရာကနေ ဖြည်းဖြည်းချင်းအောက်ကိုလျှောချပေးလိုက်တော့ သူ့​ဖဝါးပြင်နုနုလေးဟာ ကျွန်တော့်ခြေဖမိုးပေါ်အလိုက်သင့်ကျလာသည်။

🖤 ကိုယ်ကိုဖော့မထားနဲ့လေ babyရဲ့ မတ်တပ်ရပ်လိုက်ပါ

ကျွန်တော်နာမှာစိုးလို့ ခြေချောင်းလေးတွေကုပ်ပြီး ကျွန်တော့်လည်ပင်းကို ဖက်တွယ်မှီခိုထားတာလေးက မြတ်နိုးခြင်းတွေပိုပိုတိုးစေတဲ့ သူ့စိတ်ထားကလေးပေါ့။