🖤Theories of LOVE♥ 🖤Season-3♥ Final chapters

🖤Coffee Love-22❤️

Unicode

🖤Theories of LOVE❤️

🖤Season-3❤️

🖤Coffee Love-22❤️

ခင်ဗျားပြုံးဖို့ဆိုရင် ခါးသီးခြင်းတွေတောင် လိုက်ပြုံးပေးစေချင်တာမျိုး...

ခင်ဗျားဝမ်းနည်းရင် ကျွန်တော့်ကမ္ဘာကကြယ်တွေကုန်သွားတဲ့အထိကြွေပစ်ဖို့ ဝန်မလေးတာမျိုး

မတတ်နိုင်လို့ပါလို့ပြောတဲ့အခါ ပြုံးနေပေးရင်ပဲ ကျေနပ်ပါပြီ...

ဒါကပဲ ကျွန်တော့်ရဲ့အချစ်ဖြစ်ပါသည်ပေါ့..🖤❤️

🖤❤️🖤❤️

မနေ့ညက သောက်တာများသွားပြီး မူးသွားတယ်ဆိုတာတော့သိပြီး နောက်ပိုင်းဘာတွေဖြစ်လဲ မမှတ်မိတော့။

ခေါင်းကို တူနဲ့ထုခံထားရသလိုနာကျင်နေပြီး ရင်ထဲကလဲ နာကျင်မှုကိုခံစားထားရသလိုမျိုး အသက်ရှူလို့တောင် မဝချင်။

တစ်ကိုယ်လုံး စိတ်ရောလူပါ နာကျင်ကြေမွမှုကိုခံစားနေရပေမဲ့ ရင်ခွင်ထဲက အသက်ရှူသံနွေးနွေးလေးကြောင့် ကျွန်တော်ပြုံးလို့ရပါသေးသည်။

ရင်ခွင်ထဲ မြုပ်နေတဲ့ ပါးဖောင်းလေးနဲ့ အသက်ရှူနေတဲ့လေငွေ့နွေးနွေးလေးကတင် သူကကျွန်တော့်ဘဝကြီးဖြစ်ပါတယ်လို့ ပြောပြဖို့ လုံလောက်နေတာမျိုးပေါ့။

🖤 baby .....

တိုးဖွဖွခေါ်ရင်း သူ့နဖူးလေးငုံ့နမ်းတော့မှ ကိုယ်လဲ မျက်လုံးပွင့်တော့တာပါ။

မျက်လုံးပွင့်တော့မှ မြင်ရတဲ့ မြင်ကွင်းက ကြေမွနေပြီးသားအမည်မသိနာကျင်ခြင်းတွေကို အမှုန့်ဖြစ်သွားစေတော့သည်။

ရင်ခွင်ထဲက မျက်နှာလေးက နဂိုပြည့်ဖောင်းတာထက်ကိုပိုပြီး မျက်ခွံလေးက မို့အစ်နေတာ နှာခေါင်းလေးက ရဲတွတ်နေတာ။

ညက ဘာတွေလုပ်ခဲ့မိလဲဆိုတာကို အပြေးအလွှားစဥ်းစားမိတော့မှ တရေးရေးပြန်ပေါ်လာတဲ့ ပုံရိပ်တွေ သူ့မျက်ရည်တွေ ကျွန်တော့်ရဲ့အသုံးမကျတဲ့ အကြောက်တရားတွေ။

တိုင်နဲ့ ခေါင်းနဲ့ ပြေးဆောင့်ချင်စိတ်က အလုံးနဲ့အရင်းနဲ့။