🖤Theories of LOVE♥ 🖤Season-3♥ Final chapters

🖤A Million Dreams-29❤️

Unicode

🖤Theories of LOVE❤️

🖤Season-3❤️

🖤A Million Dreams-29❤️

ရင်ခွင်နွေးနွေးထဲ အိပ်စက်ပြီးနိုးထရခြင်းက ရီဝေဝေအသိမှာတောင် ကျေနပ်စရာအတိ။

ဒီဒီ ....... ပါပါး

တိုးရာကနေ ကျယ်လောင်ပြတ်သားစွာကြားလာရတဲ့အသံတွေက ကျွန်တော်နဲ့ကိုကို့ကိုခေါ်နေတဲ့ အသံတွေ။ ထမယ်ကြံတော့ ကိုကိုက ကျွန်တော့်ကိုတင်းတင်းဖက်ထားရင်း တိုးတိုးလေးပြောသည်။

🖤 မထနဲ့ အိပ်ချင်ယောင်ဆောင်နေဦး

💛 ဟာ ထတေးဘူး မိုင်း ဟိုဘက်ကတက်

🖤 တွေ့လား မဟာဗျူဟာမှူးက အကြံတွေထုတ်နေပြီ

ကိုကိုက လေသံတိုးတိုးနဲ့ပြောလာပြန်တော့ ရယ်ချင်တာကို အောင့်ပြီး ကိုကို့ရင်ခွင်ထဲသာမျက်နှာဖွက်ထားမိတော့သည်။

🕊️ အင့် ဗိုက်က သယ်နိုင်ဘူး တိုတို ရာပါဦး တွန်းတင်ပေး

ကုတင်ပေါ်တက်ဖို့ ဗိုက်ခံနေတော့ သူ့အကိုကို လာတွန်းတင်ခိုင်းတာတဲ့။ နှစ်ယောက်သား အတွင်းကြိတ်ရယ်ပြီး အူတွေပြတ်ကုန်တော့မယ်။

💛 ညီမရေးကို ပြောတားပဲ များရီးစားနဲ့ရို့ အီးးး

🕊️ အီးယား တိုတိုရဲ စားတာပဲဟာကို ရပြီ ဟီးဟီး

နောက်ဆုံးတော့ Smile  ကုတင်ပေါ်အောင်အောင်မြင်မြင်ရောက်လာပုံရသည်။

💛 အင့် ဆွဲတင်ဦး တိုတို့ကို

သူ့ညီမကို ဆွဲတင်ခိုင်းတော့ မယ်ဗလက အားသွန်ခွန်စိုက်ဆောင့်ဆွဲလိုက်လေသလားမသိ ဘုတ်ခနဲ အသံကြားလိုက်ရပြီး Smile ရဲ့ စွာတေးလန်အသံလေး ထွက်လာသည်။

🕊️ တိုတို့ကိုယ်ရုံးကြီး အင့် ဖယ် မီး အတက်ရှူဦးမယ်

💛 အမရေး နာရိုက်တာ  ဒီဒီ ပါပါး ထတော့ ဖိုးရီးက ထကြတော့တဲ့ ပြောနေတယ်

🕊️ ဒီဒီရေ ပါပါးရေ ထတော့

နှစ်ယောက်သား ကျွန်တော်တို့ပေါ် တက်ခွပြီး မြင်းစီးသလို ခုန်နေတော့ မျက်လုံးဖွင့်မကြည့်ပဲ မနေနိုင်တော့ပါဘူး။