🖤Theories of LOVE♥ 🖤Season-3♥ Final chapters

🖤Chromatophilia-12❤️

Unicode

🖤Theories of LOVE❤️

🖤Season-3❤️

🖤Chromatophilia-12❤️

ကိုကိုအိမ်ကနေထွက်သွားတည်းက အတွေးတစ်နေရာက နင့်နင့်သည်းသည်းခံစားချက်ကဘယ်လိုမှဖျောက်မရ။ ဘာရယ်တပ်အပ်သေချာမသိသော ဝေဒနာဆန်ဆန်ခံစားချက်ကို အရင်းအမြစ်လဲမရှာရဲ။ ရှာမိရင်လဲ စိုးရိမ်ပူပန်ကြောင့်ကြခြင်းတွေသာ တစ်သီတစ်တန်းထွက်ကျလာဦးမည်။ ယောကျာ်းရင့်မာကြီးတစ်ယောက်ကို စိတ်ပူရတာစိုးရိမ်ရတာလဲ ရယ်စရာတော့အကောင်းသားဆိုပေမဲ့ ကိုယ်နဲ့ကလေးတွေကအိမ်ထဲမှာ လုံခြုံရေးအပြည့်နဲ့ နေရပြီးသူကအပြင်မှာလေ။

မပြောကောင်းမဆိုကောင်း ကလေးတွေကို cover ယူပြီးသူ့ကိုအဓိကတိုက်ခိုက်ချင်တာများလား။ ခုချိန်မှာ Mikeကိုယ်တိုင်လဲ သူ့နားမနေနိုင်ပဲ အဲ့ကိစ္စနဲ့ နပန်းလုံးနေရတာဆိုတော့....

မီးခိုးကြွက်လျှောက်အတွေးမျှင်က နှလုံးသားကို မီးစွဲလောင်စေပြီမို့ ကလေးတွေနားထိုင်ပြီး စိတ်ကယောက်ယက်ခတ်စပြုနေပြီ။ သူ့နောက်ပဲ​ခုချက်ချင်းပြေးလိုက်ရမှာလား ဖုန်းပဲဆက်ပြီး အိမ်အမြန်ပြန်လာခိုင်းရမှာလားတွေးနေတုံး ရင်ထဲလှပ်ခနဲ ဖြစ်သွားတော့ ရင်ဘတ်ကိုဖိထားလိုက်ရသည်။

"သား ဘာဖြစ်လို့လဲ"

ကျွန်တော့်ပုံစံမြင်တာနဲ့ ဖေဖေက မေးလာပြီ။

❤️ ဘာမှမဖြစ်ပါဘူး ဖေဖေ ရုတ်တရက်ရင်ထဲ တစ်မျိုး ဖြစ်သွားလို့ပါ

ဖေဖေ့ကို စိတ်မပူပန်စေဖို့ပြောဆိုပြီး ဖုန်းတော့ခေါ်မှဆိုတဲ့စိတ်နဲ့ ရှေ့ကစားပွဲပေါ်တင်ထားတဲ့ ဖုန်းကိုယူဖို့လက်အလှမ်း ကျယ်လောင်စွာထမြည်တဲ့ဖုန်းသံကြောင့် ကျွန်တော့်တစ်ကိုယ်လုံး ထိတ်လန့်ခြင်းနဲ့ ရပ်တန့်သွားရသည်။

တချို့သော တိုက်ဆိုင်မှုတွေဟာ မမျှော်လင့်ခြင်းနဲ့ ထပ်တူကျရင်သိပ်ကိုကြောက်စရာကောင်းလွန်းတယ်လေ။

"သား ဖုန်းကိုင်လိုက်လေ "

ဖေဖေသတိပေးမှပဲ ဆူညံနေတဲ့ဖုန်းကိုကောက်ကိုင်လိုက်တော့ ကြားရတာက အန်ကယ်Non အသံ။