🖤Theories of LOVE♥ 🖤Season-3♥ Final chapters

🖤Freedom-13♥

(Unicode)

🖤Theories of LOVE♥

🖤Season-3♥

🖤Freedom-13♥

နှလုံးသားကိုကြိုးလိုထုံး အကြင်နာတွေသီကုံးပါရစေ...

🖤♥🖤♥

နူးညံ့အိစက်ခြင်းထဲနစ်ဝင်နေရာကနေ မျက်လုံးတွေဖွင့်ကြည့်လိုက်တော့ မြင်နေကျကိုယ့်အခန်းရဲ့မျက်နှာကြက် က ဆီးကြိုနေသည်...

နာကျင်မှုအရှိန်မြေ့မြေ့ကျန်နေသေးတာကြောင့် စိတ်သွားတိုင်းလူကမပါနိုင်...

ထချင်ပေမဲ့ လူကအိစက်နေတဲ့မွေ့ရာပေါ်မှာ နစ်ဝင်နေရာကနေ လှုပ်ကိုမလှုပ်နိုင်သေး...

" သား နိုးလာပြီလား..."

ဆံစတွေကို သပ်တင်ပေးပြီးကြင်နာစွာမေးတဲ့လေသံကြောင့် လည်ပင်းကိုဖြည်းဖြည်းချင်းလှုပ်ပြီး စောင်းငဲ့ကြည့်တော့ ဖေဖေ့ကိုတွေ့ရသည်...

♥ ဟုတ်ကဲ့ ဖေဖေ........သားအကြာကြီးအိပ်ပျော်သွားတာလားဟင်...

" ဟုတ်ပ အခု ညနေစောင်းနေပြီ... ထ ရေလေးသောက်လိုက်ပါဦး..."

ဖေဖေ ထူမပေးတော့ ဖေဖေ့ကိုဖက်တွယ်ပြီး အားပြုထရသည်...

ဒီဟာလုပ်ပြီးတိုင်း အားပြတ်သလိုဖြစ်ကျန်ခဲ့တဲ့ကိုယ့်ဟာကိုယ်လဲအားမရ....

ဖေဖေပေးတဲ့ရေခွက်ကိုယူသောက်တော့ ကိုယ့်ညာဘက်လက်ကကောင်းကောင်းတောင်မဆုပ်ကိုင်နိုင်တော့....

ကိုယ့်နာကျင်မှုကို ကိုယ့်ဘာသာအံတုရင်း လက်ဖဝါးတပြင်လုံး ခြစ်ရာရှရာလိုမျိုးဒဏ်ရာလေးတွေ ပွနေပြီလေ....

မဖြစ်ဘူး ကိုကိုကပြန်လာတော့မှာ....

ရေသောက်ပြီးတာနဲ့ ဖေဖေ့ကိုဆေးထည့်ပေးဖို့အကူအညီတောင်းရတော့သည်...

♥ဖေဖေ သားလက်ကိုဆေးထည့်ပေးပါလားဟင်....

ဖေဖေ့ကို လက်လေးထိုးပြရင်းပြောတော့ စုတ်တသတ်သတ်နဲ့ ကျွန်တော့်လက်ကလေးကိုကိုင်ရင်း စိတ်မကောင်းဖြစ်သွားပုံရသည်....

" ငါ့သားရယ် ခဏလေးစောင့် ဖေဖေဆေးသေတ္တာသွားယူဦးမယ်နော်.."