🖤Theories of LOVE♥ 🖤Season-3♥ Final chapters

🖤A Million Dreams-2❤️

Unicode

🖤Theories of LOVE❤️

🖤Season-3❤️

🖤A Million Dreams-2❤️

ဝှါးးးးးးးးးး

မနက်မိုးလင်းစမှာ ဝရန်တာထွက်ပြီး ခြေညောင်းလက်ဆန့်နဲ့ တဝှါးဝှါးသမ်းနေရတာ ရယ်ချင်စရာတော့ကောင်းသား။ တစ်ညလုံးလဲ တရေးမှမနိုးအိပ်ခဲ့ပြီး အခုနိုးလာတော့လဲ ပါးစပ်မစိနိုင်ဆိုတော့ baby သိရင် မီးသွေးခဲကြီးဆိုပြီး နားရင်းပြေးအုပ်ချင်အုပ်နေမှာ။

ဒီအသည်းအသက်ကလေးက ကြင်နာရင်လဲသူ မထင်ရင်မထင်သလို လုပ်တတ်ပြောတတ်တာလဲ သူပဲ။ သူ့အမွေကို အပြည့်အဝဆက်ခံတာကတော့ ဟို ဝက်ပေါက်လေး Smileပေါ့။ မနေ့ကပဲ ကြည့်ပါလား လူကို နှာခေါင်းတွေလဲအပေါက်ချဲ့လိုချဲ့ ဆံပင်တွေလဲ ဆွဲဆန့်လိုဆန့်နဲ့။ ဒီကြားထဲ သားတော်မောင်ကပါ တလွဲတွေလုပ်တာ ကံကောင်းလို့ တလွဲမဖြစ်တာပေါ့။

❤️ ကိုကို မျက်နှာသွားသစ်လေ ဘာလုပ်နေတာလဲ ဝရန်တာထွက်ပြီး ပါးစပ်ပြဲကြီးနဲ့

သမ်းနေတယ်ပြောရင်လဲ မျက်လုံးထောင့်ကပ်ကြည့်ရင် အလကားနေရင်း နှလုံးသားက ဝိတ်ပိနေမယ်လေ။ အဲ့တော့လဲ ချော်လဲရောထိုင်အလိမ္မာသုံးပြီး ရှောင်ရရှားရမှာပေါ့။

🖤သြော် ပါးစပ်ပြဲတာ မဟုတ်ဘူး babyရဲ့ ဒါ လေ့ကျင့်ခန်း တစ်မျိုးပဲ အဆုတ်ထဲကို လေဝဝရှူသွင်းတာပေါ့ မယုံဒီမှာကြည့်

ပါးစပ်ဟပြီး အစမ်းလုပ်ပြမလို့ရှိသေး ကျောကုန်းကိုချထည့်လိုက်တာများ ဖြောင်းခနဲ။

❤️ ကိုကိုက လေရှူဖို့လိုတာ မဟုတ်ဘူး ဖုန်ခါဖို့လိုနေတာ အခု baby ခါပေးလိုက်ပြီနော် လာ မျက်နှာသွားသစ်ရအောင်

🖤 မင်းကကွာ ငါ့ဆို အရမ်းနှိပ်စက်တာပဲ အားကြီးနဲ့ ရိုက်တယ်

❤️ ချစ်လို့ အားပါသွားတာပါ ကိုကိုကလဲ စိတ်မဆိုးနဲ့ မုတ်ဆိတ်မွှေးရိတ်ပေးမယ် သွားလဲတိုက်ပေးမယ် မျက်နှာလဲသစ်ပေးမယ် လာ လာ

စိတ်ဆိုးချင်ဟန်ဆောင်တော့ တစ်ပတ်ပြည့်အောင်မလည်တဲ့ baby တို့ တကယ်ထင်ပြီး ပြာပြာသလဲတွေဖြစ်နေပြီ။ကိုယ်လဲ ဟန်ကိုယ့်ဖို့ဆိုတဲ့အတိုင်း မျက်နှာကို မဆိုစလောက်လေး တည်ပြီး သူဆွဲခေါ်တဲ့နောက်လိုက်သွားလိုက်သည်။