🖤Theories of LOVE♥ 🖤Season-3♥ Final chapters

🖤A Million Dreams-7❤️

Unicode

🖤Theories of LOVE❤️

🖤Season-3❤️

🖤A Million Dreams-7❤️

အေးစက်နေတဲ့ အခန်းထဲမှာ ကိုယ့်ရင်ဘတ်ကို မှီထားတဲ့ ခေါင်းလုံးလုံးလေးတွေဆီကရနံ့သင်းသင်းလေးကိုရှူရှိုက်ရင်း သူတို့နဲ့တူတူ ကာတွန်းကားထိုင်ကြည့်ဖြစ်နေတာ ကြာပြီ။

ဖန်သားပြင်ထဲက လှုပ်ရှားနေတဲ့ပုံရိပ်ကိုကြည့်နေရင်း လူကညောင်းညာလာသလို ခြေမထိပ်ကလဲ တဆစ်ဆစ်နာကျင်ခြင်းက တိုးလာသလိုလို....

ပုစိပေါက်စ၂ကောင်ကတော့ သူတို့ပါးလုံးလုံးကြီးတွေကို ကျွန်တော့်နှလုံးသားထဲထိနစ်ဝင်အောင်များလုပ်နေကြသလားမသိ။ လူကို အားရပါးရခွဖက်ရင်း ပါးလုံးကြီးတွေကျွန်တော့်ရင်ဘတ်မှာနှစ်ကာ TV ကြည့်နေကြတာ ငြိမ်လို့။ ကိုယ့်မှာသာ သူတို့ကို စက္ကန့်နဲ့အမျှ အသည်းယားနေရလို့ အားရှိသမျှ ဖြစ်ညှစ်ပစ်ချင်စိတ်တွေကို မနည်းမျိုသိပ်ထားရတာပါ။

💛 ပါပါး

❤️ ဘာလဲ သားလေး ပြော

💛 တားတားကို ရေခဲမင်းတမီး ဝယ်ပေး

❤️ ဘာလဲ Elsaကို ပြောနေတာလား

သူတို့ကြည့်နေတာက Frozen ကာတွန်းမို့မေးတော့ ခေါင်းညိတ်ပြတာများ ပြုတ်ထွက်မတတ်....

❤️ သူ့ကိုဘာလုပ်ဖို့ လိုချင်တာလဲ သားရဲ့

💛 တူက ချစ်ဖို့ကောင်းရို့ ရေခဲတွေရဲရုပ်တတ်တယ် တားတားကြိုက်တယ်

❤️  ကဲ ပါပါးကဝယ်ပေးပါပြီတဲ့ သူနဲ့တွေ့ရင် ဘာလုပ်မှာလဲ ပြောပါဦး

💛 တူနဲ့တွေ့ရင် ရေခဲနန်းတော်ကြီးရီး ရုပ်ခိုင်းမယ် ပြီးရင် ဆော့မယ် တူနဲ့နေရင် တားတား အေးနေမှာ

ပူတဲ့ရာသီဥတုကို မုန်းတဲ့သားကြီးက သူ့အကြံသူ့အတွေးနဲ့သူတော့ ဟုတ်သား။

🕊️ ဟင့်အင်း ဝယ်ပေးနဲ့

စူထော်ထော်နှုတ်ခမ်းလေးနဲ့ ငြိမ်နေတဲ့သမီးငယ်ကဝင်ပြောလာတော့ သူ့သဘောထားကိုမေးရတော့မယ်လေ။

❤️ ပြောပါဦး ပါပါးအသည်းလေးက ဘာဖြစ်လို့ မဝယ်ခိုင်းတာလဲ