အပိုင်း (၃၄) မင်းသမီးဆွန်းသဲ
“ရှင် လင်းချန်းလန်ကို အိပ်ရာပေါ်သွားတင်လိုက်၊ သူ့ကို အရင်အိပ်နေကြပုံစံအတိုင်းထား၊ နောက်ပြီး ဘီးတပ်ကုလားထိုင်ကိုလည်း နေရာတကျထား၊ အမှားအယွင်းတစ်စက်မှမရှိဘဲ အားလုံးကို နေရာတကျပြန်ထားစေချင်တယ်၊ ကျွန်မ ကြမ်းပြင်ပေါ်ကသွေးတွေကို သွားသုတ်လိုက်ဦးမယ်”
ကျီယွင်ဟယ် အပေါ်ဝတ်ရုံကိုချွတ်ပြီး စားပွဲပေါ်ကလက်ဖက်ရည်တွေထဲ နှစ်ထည့်လိုက်တယ်။ “ကျွန်မတို့ အားလုံးလုပ်ပြီးသွားတာနဲ့ ရှင်နဲ့ ကျွန်မ ကိုယ့်အိမ်ကိုကိုယ်ပြန်ပြီး အဝတ်အစားလဲ၊ မျက်နှာသစ်ပြီးရင် မင်းသမီးဆွန်းသဲကိုသွားတွေ့ကြမယ်”
“ငါတို့ သူမကိုသွားတွေ့ရမှာလား?”
“ဟုတ်တယ်၊ သူမကို သွားတွေ့ကြရအောင်” ကျီယွင်ဟယ် ကြမ်းပြင်ပေါ်ဒူးထောက်ပြီး သွေးအိုင်တွေကို လိုက်သုတ်လေသည်။ “တောင်ကြားသခင်ကြီးက မနေ့ညက ရုတ်တရက်ကြီး သေလောက်ပေါင်းလဲ ဖျားသွားတာမို့ အခုအိပ်ရာထဲမှာ လှဲနေရတယ်၊ သူ့ရဲ့အသက်ရှုနှုန်းက လွန်စွာမှအားနည်းနေတယ်လို့ မင်းသမီးကိုသွားပြောကြရအောင်”
ကျီယွင်ဟယ် နံရံထောင့်ကိုသုတ်နေစဉ်မှာ ချင်းဆူးချန်ရစ်ခဲ့တဲ့ သဲမှုန်အစုဝေးလေးကို တွေ့လိုက်ရသည်။ သူမ လက်ဖဝါးတွေထဲ သဲမှုန်တွေစုယူပြီး အနီးနားကပန်းအိုးတစ်ခုထဲ ဖြူးထည့်လိုက်တယ်။
“မြန်မြန်ရွှေ့” သူမ လင်းဟောက်ချင်းကို ခေါင်းလှည့်ကြည့်လိုက်တယ်။ “ကျွန်မတို့ အချိန်ဖြုန်းနေလို့မရဘူး”
ကျီယွင်ဟယ်နဲ့ လင်းဟောက်ချင်းတို့ လင်းချန်းလန်၏အိမ်တော်ကို ရှင်းလင်းတာပြီးစီးသွားတဲ့အချိန်မှာ သူမတို့ တစ်ခြားသူတွေကို ရှောင်ရှားပြီး အဝတ်အစားတွေလဲလှယ်ဖို့ အလျင်အမြန်ထွက်ခွာသွားကြတယ်။ သူမတို့ ပြန်ဆုံကြတဲ့အချိန်ကတော့ မိစ္ဆာတောင်ကြား၏ပင်မတောင်ဝင်ပေါက်ရှေ့မှာဖြစ်သည်။
နွေဦးပန်းလေးတွေ ကြွေလွင့်သွားပြီဖြစ်တာမို့ မြင်ကွင်းအပြည့် စိမ်းလန်းမှုလေးတွေသာကျန်ရစ်ခဲ့သည်။
YOU ARE READING
Yu Jiao Ji ( Blue Whisper) မြန်မာဘာသာပြန်စဆုံး
FantasyThe Blue whisper (Yu Jiao Ji) ယွီကျောင်းကျီ့ Author 九鹭非香 မြန်မာဘာသာပြန်ဆိုသူ - My Novel Support us : 09965151417 (Wave or Kpay) PDFစာဖိုင်Link (Fontမတူလည်း ဖတ်လို့ရပါတယ်)- https://drive.google.com/file/d/184vOi_CWDae0VpHg_HLhGYTdiKBbtNfV/view?usp=...
