Yu Jiao Ji ( Blue Whisper) မြန်မာဘာသာပြန်စဆုံး

အပိုင်း (၅၆) ထပ်မံတွေ့ဆုံမှု

အပိုင်း (၅၆) ထပ်မံတွေ့ဆုံမှု

မင်းသမီးဆွန်းသဲနဲ့ပြိုင်တိုက်တဲ့တိုက်ပွဲမှာ ကျီယွင်ဟယ် အနိုင်ရဖို့မလွယ်ကူပါဘူး။

၆နှစ်နီးပါးအကျဉ်းကျခံရပြီးတဲ့နောက်၊ သူမရဲ့လက်တွေနဲ့ခြေထောက်တွေဟာ အရင်တုန်းကလောက် သွက်လက်ပြီး လျင်မြန်မနေတော့ဘူး။

မင်းသမီးဆွန်းသဲက ဆရာတော်ကြီးရဲ့အချစ်ရဆုံးတပည့်ဖြစ်တာမို့၊ သူမရဲ့ဂုဏ်သိက္ခာကိုထောက်ပံ့ပေးမယ့် အရည်အချင်းများစွာရှိတယ်။ ဘေးနားမှမိစ္ဆာဆရာတွေရဲ့အကူအညီကြောင့်၊ ကျီယွင်ဟယ်တစ်ယောက် များစွာသောဒဏ်ရာတွေရရှိခဲ့ပြီး သွေးတွေလှိုင်လှိုင်ထွက်လာတော့သည်။ ကံကောင်းစွာနဲ့၊ သူမက ဒီနှစ်တွေတစ်လျှောက်မှာ နာကျင်မှုတွေကိုအရမ်းကျင့်သားရလာခဲ့ပြီမို့၊ ဒီဒဏ်ရာတွေက သူမကို တစ်စက်လေးမှ ဖြုံမသွားစေခဲ့ဘူး။ သူမ အားသွန်ခွန်စိုက်ပြန်လည်တိုက်ခိုက်ပြီး ခုခံဖို့အတွက် တစ်စက်လေးမှ မလုပ်ဘဲ၊ သူမရဲ့အဆုံးသတ်ပန်းတိုင်ကိုသာ အာရုံစိုက်နေခဲ့တော့သည်။

နောက်ဆုံးတော့၊ မိစ္ဆာဆရာတွေအားလုံး ရှုံးနိမ့်သွားတယ်၊ မင်းသမီးဆွန်းသဲလည်း မောဟိုက်လာတယ်။ ကျီယွင်ဟယ် ဒီအခွင့်ရေးကိုအသုံးချပြီး သတ်ဖို့ဦးတည်လိုက်တယ်။ မမျှော်လင့်စွာဘဲ၊ မင်းသမီးဆွန်းသဲဟာ သူမရဲ့ရှေ့သို့ မိစ္ဆာဆရာတစ်ယောက်ကိုဆွဲခေါ်ပြီး သူ့ကို လူသားတံတိုင်းအနေနဲ့ အသုံးပြုခဲ့တယ်။ ကျီယွင်ဟယ်၏ဓါးဟာ သူ့ရဲ့ပုခုံးသားထဲထိုးဖောက်သွားစဉ်မှာ သူ ကြောက်ကြောက်လန့်လန့် ဟစ်အော်လာခဲ့တယ်၊ “မင်းသမီး…!”

မင်းသမီးဆွန်းသဲဟာ သူ့ရဲ့အော်သံကိုလစ်လျူရှုပြီး သူမရဲ့ကြာပွတ်ကိုအသားကုန်လွှဲကာ၊ ကျီယွင်ဟယ်နဲ့ သူ့ကိုအတူတူချည်နှောင်ဖို့လုပ်တော့သည်။

ထို့နောက် သူမ ဓါးရှည်တစ်ချောင်းကိုကိုင်ကာ မိစ္ဆာဆရာရဲ့နောက်ကျောထဲသို့ ထိုးသွင်းလိုက်သည်။

ဓါးက သူ့ရဲ့ခန္ဓာကိုယ်ထဲကနေ ဖောက်ထွက်ပြီး ကျီယွင်ဟယ်၏ရင်အုံကို သွားစိုက်၏။

တီးတိုးညည်းတွားသံလေးနဲ့၊ သူမကိုချုပ်နှောင်ထားတဲ့ကြာပွတ်ကို ကျီယွင်ဟယ် ချက်ချင်းဖြတ်တောက်ပြီး သေစေနိုင်တဲ့ရိုက်ချက်ကိုရှောင်ရှားဖို့ နောက်သို့၃လှမ်းဆုတ်လိုက်တော့သည်။