Yu Jiao Ji ( Blue Whisper) မြန်မာဘာသာပြန်စဆုံး

အပိုင်း (၅၄) အလောင်းအစား

အပိုင်း (၅၄) အလောင်းအစား

ကျီယွင်ဟယ်အပေါ် ကျူးလင်ရဲ့ရိုက်နှက်မှုက အာလူးဘုသီးငယ်လေးလောက်ပဲ ဖြစ်သည်။

အဆုံးသတ်တော့ သူက တကယ့်လက်တွေ့စစ်ပွဲကို တစ်ခါမှမရောက်ဖူးတဲ့ အလိုလိုက်ခံထားရသော ကလေးငယ်လေးတစ်ယောက်သာပဲဖြစ်တယ်။ သူ့ရဲ့နံဘေးမှာ ကျီချန်ယွီကလည်း အဆက်မပြတ် နားပူနားဆာလုပ်နေတော့၊ ကျီယွင်ဟယ် သိပ်မခံစားလိုက်ရဘူး။

သို့သော်၊ ထိုနေ့မှစ၍၊ မင်းသမီးဆွန်းသဲရောက်ရှိလာတဲ့အချိန်တိုင်း သူမ သေတာထက်ဆိုးဝါးတဲ့ ညှဉ်းပန်းနှိပ်စက်မှုကို ခံစားခဲ့ရသည်။

ကျီယွင်ဟယ် သည်းခံစောင့်စားနေခဲ့တယ်။ မင်းသမီးကို တစ်ချက်တည်းနဲ့သတ်နိုင်မယ့် အကောင်းဆုံးအခွင့်ရေးကို သူမ စောင့်စားနေခဲ့တာ။

သို့သော် မင်းသမီးဆွန်းသဲရောက်လာတဲ့အချိန်တိုင်း ဆရာတော်ကြီးက နံဘေးကနေ အမြဲစောင့်ကြည့်လေသည်။ သူက ကျီယွင်ဟယ်ရဲ့ရည်ရွယ်ချက်ကို သတိပြုမိတဲ့ပုံပဲ၊ သို့သော် သူ ထိုအကြောင်း ထုတ်ပြောမလာခဲ့ဘူး။ သူက သူမရဲ့ခန္ဓာကိုယ်အတွင်းမှာဖြစ်ပျက်နေတဲ့ အပြောင်းအလဲတွေကိုပဲ စိတ်ဝင်စားတာ။

ကျီယွင်ဟယ်ရဲ့ခန္ဓာကိုယ်က ထပ်ပြီးပြောင်းလဲမသွားခဲ့ဘူး။

၃လကြာပြီးနောက်၊ မင်းသမီးဆွန်းသဲတစ်ယောက် ယခင်ကထက်ပိုတဲ့အမျက်ဒေါသတွေနဲ့ အကျဉ်းထောင်ဆီ ရောက်လာခဲ့တယ်။

သူမက ကျီချန်ယွီရဲ့အကြံပြုချက်ကို နားမထောင်သလို၊ ဆရာတော်ကြီးရဲ့အရောက်ကိုလည်း မစောင့်ခဲ့ဘူး။ သူမ လှောင်အိမ်တံခါးကိုဆွဲဖွင့်ပြီး ဆူပူကြိမ်းမောင်းတော့သည်၊ “မင်းတို့သစ္စာဖောက်တွေ…” သူမရဲ့မျက်လုံးတွေက ဒေါသကြောင့်နီရဲနေပြီး၊ အံကြိတ်ကာ ကျီယွင်ဟယ့်ကိုဝါးစားမတတ်ကြည့်လိုက်တယ်။ မင်းသမီးဟာ လက်ထဲမှာကြာပွတ်နီတစ်ချောင်းကိုင်ပြီး လှောင်အိမ်ထဲသို့ ခြေဗလာနဲ့ဝင်ရောက်လာခဲ့တယ်။ “မင်းတို့အားလုံး သေသင့်တယ်!” သူမ ကြိမ်းမောင်းရင်း ကျီယွင်ဟယ်၏မျက်နှာနဲ့ ဦးခေါင်းကို ရက်ရက်စက်စက် ရိုက်နှက်လိုက်သည်။