Yu Jiao Ji ( Blue Whisper) မြန်မာဘာသာပြန်စဆုံး

အပိုင်း (၆၇) အမှတ်အသား

အပိုင်း (၆၇) အမှတ်အသား

ကို့ယို့ကားယားဖြစ်ရပ်လေး လျင်မြန်စွာဖြစ်ပျက်သွားပေမဲ့ ကျီယွင်ဟယ်တစ်ယောက် အချိန်အတော်ကြာကြီး တွေးတောစဉ်းစားနေမိ၏။

ချန်ယီက မိန်းမတစ်ယောက်ရဲ့ဆွဲဆောင်မှုကို တစ်ခါမှမခံဖူးဘူးလို့ သူမ ချန်ယီကို စနောက်ခဲ့ပေမဲ့ သူမလည်း ယောက်ျားတစ်ယောက်ကို တစ်ခါမှမဆွဲဆောင်ဖူးဘူး။ သူမရဲ့ပထမဆုံးဆွဲဆောင်မှုလေးကနေဖြစ်ပျက်ခဲ့တာက တကယ့်ကိုမမျှော်မှန်းနိုင်စွာနဲ့ စိတ်ပျက်စရာဖြစ်သွားခဲ့တယ်။

ရှက်ရွံ့ခြင်းတွေ ပြေလျော့သွားတာနဲ့တပြိုင်နက် ကျီယွင်ဟယ် ဒီကိစ္စအကြောင်းတွေးပြီး တကယ့်ကို ရယ်မောစရာကောင်းတယ်လို့ ခံစားမိသွား၏။ သို့ရာတွင် အရယ်တွေ ပျောက်ပျက်သွားပြီးနောက် တစ်စုံတစ်ရာက အနည်းငယ်ထူးဆန်းနေတယ်လို့ သူမ ခံစားရပြန်သည်။

ချန်ယီက ဘယ်လိုလူစားမျိုးလဲ? သူ သစ္စာအဖောက်ခံရပြီး ရက်စက်ကြမ်းကြုတ်တဲ့တစ်စုံတစ်ယောက်အဖြစ် ပြောင်းလဲသွားတယ်ဆိုရင်တောင်မှ သူ ဒီလောက်မိုက်မဲမသွားသင့်ပါဘူး။

သူက သူမကို ဆရာတော်ကြီးဆီကနေ ကယ်ထုတ်ပြီး အပြစ်ဒဏ်ပေးဖို့ပြန်ခေါ်လာမယ့်အစီအစဉ်တွေကို ၆နှစ်လုံးကြံစည်နေမှာတော့ မဟုတ်လောက်ပါဘူး။

သူက သူမ လုပ်ခဲ့တာတွေအပေါ် ခွင့်မလွှတ်နိုင်သေးတာကြောင့် သူမကို အကျဉ်းကျထားပြီး နှိပ်စက်နေတာ…

သူက အမြဲခေါင်းမာလွန်းတယ်လေ။ ဒီလိုခေါင်းမာလွန်းတဲ့ငါးကြီးက နှစ်ပေါင်းရာချီ စောင့်စည်းခဲ့တဲ့ သူ့ရဲ့မျိုးနွယ်စုစည်းမျဉ်းတွေကို ရုတ်တရက်ကြီးစွန့်လွှတ်ပြီး သူနဲ့တစ်ဘဝလုံးစာအတွက် ကတိသစ္စာမပြုရသေးတဲ့လူတစ်ယောက်ကို ရဲရဲတင်းတင်းနမ်းတယ်တဲ့လား?

လက်စားချေဖို့အတွက်ပဲလား? ဒါမှမဟုတ် သူမကို အရှက်ရစေဖို့ပဲလား?

သူ သူမကို တစ်စုံတစ်ခုဖုံးကွယ်ထားတာပဲဖြစ်ရမယ်လို့ ကျီယွင်ဟယ် ခံစားမိနေရ၏။

သူမ ဒီအကြောင်းကို အများကြီးမစဉ်းစားချင်တော့ဘူး၊ ဒါကြောင့် သူမ နောက်နေ့ ထမင်းစားချိန်တဲ့အချိန်ထိ စောင့်လိုက်တယ်။ ခေါင်းမာလွန်းတဲ့ငါးကြီးကတော့ သူ့ရဲ့ကိုယ်ပိုင်စည်းမျဉ်းတွေကိုလိုက်နာပြီး ကျီယွင်ဟယ် စားသောက်တာကိုစောင့်ကြည့်ဖို့  ခေါင်းမာမာနဲ့ရောက်လာခဲ့တယ်လေ။