Yu Jiao Ji ( Blue Whisper) မြန်မာဘာသာပြန်စဆုံး

အပိုင်း (၅၂) စမ်းသပ်ခံပစ္စည်း

အပိုင်း (၅၂) စမ်းသပ်ခံပစ္စည်း

ဆေးစမ်းသပ်ချက်တွေမှာပါဝင်မယ်လို့ တောင်းဆိုလိုက်တဲ့အချိန်တုန်းက မင်းသမီးဆွန်းသဲ နောက်ပြောင်ပြောဆိုခဲ့တာ မဟုတ်ဘူး။

နောက်ပြီး တော်ဝင်နန်းတော်မှာ နည်းလမ်းတွေလစ်ဟင်းနေတာမျိုးမရှိခဲ့တာ သေချာပေါက်ပဲ။ တစ်လအတွင်းမှာပဲ ကျီယွင်ဟယ် ထိုနည်းလမ်းပေါင်းမျိုးစုံကို ခံစားလိုက်ရသည်။

မိုးနတ်မင်းက သူမကို ဘာအတွက်ကြောင့် အသက်ရှင်လျက်ထားထားသေးတာလဲလို့ သူမ စတင်တွေးတောမိလာခဲ့သည်။

ညှဉ်းပန်းနှိပ်စက်မှုကို လူသားတွေခံနိုင်ရည်ရှိတဲ့အတိုင်းအတာကန့်သတ်ချက်တွေ တိုးမြှင့်လာအောင် ကူညီပေးဖို့အတွက်ပဲလား?

ကျီယွင်ဟယ်၏လက်မောင်းတွေဟာ နံရံမှာချည်နှောင်ပြီး အကြိမ်ပေါင်းထောင်ချီ အဖြတ်ခံခဲ့ရချိန်မှာ နောက်ဆုံးတော့ သူမရဲ့ဒဏ်ရာဟာ အကျက်နှေးလာပြီး အနက်ရောင်သွေးတွေ တစ်စက်ပြီးတစ်စက် ကျဆင်းလာခဲ့သည်။ အနက်ရောင်မိစ္ဆာအခိုးအငွေ့က သူမကိုလွှမ်းခြုံထားဆဲဖြစ်ပေမဲ့ သူတို့လေးတွေက အရင်ကလောက် မပြင်းထန်တော့ဘူး။ အမြီး၉ချောင်းအဖြစ် ပြောင်းလဲဖို့ကိုမဆိုနဲ့၊ သူတို့လေးတွေ ဖျော့တော့သွားတာနဲ့ ပေါလောမျောဖို့ကိုတောင်မှ အနိုင်နိုင်ကြိုးစားနေရရှာတယ်။

သို့သော် ကျီယွင်ဟယ် အသက်ရှင်နေဆဲဖြစ်သည်။

ကပ်ပါးကောင်တွေက သူမရဲ့လက်မောင်းကသွေးတွေကိုစုပ်ယူပြီး အသွေးအသားထဲ ထိုးဖောက်ဝင်သွားတာကို သူမ ခံစားချက်ကင်းမဲ့စွာ ကြည့်နေမိ၏။

ယခင်က သူမ ဖြတ်ကျော်ခဲ့ရတာတွေနဲ့ယှဉ်ရင်၊ ဒါက ဘာမှမဟုတ်ပါဘူး။

သိပ်မကြာခင်မှာပဲ ကပ်ပါးကောင်တွေဟာ သူမရဲ့သွေးအဆိပ်မိပြီး သေကုန်ကြတော့သည်။

မင်းသမီးဆွန်းသဲဟာ လှောင်အိမ်အပြင်ဘက်မှာ မတ်မတ်ရပ်ပြီး ခေါင်းကိုယမ်းခါလိုက်တယ်။ “တော်ဝင်ပိုးကောင်တွေတောင်မှ မင်းကို မနှိမ်နှင်းနိုင်ကြဘူး၊ ကြည့်ရတာ ဒီကမ္ဘာပေါ်မှာ မင်းကိုဒုက္ခပေးနိုင်တဲ့ ပိုးမျိုးမရှိတော့ဘူးထင်တယ်၊ ဒီလိုအရာတွေကိုဆက်မပို့ဖို့ သူတို့ကိုပြောလိုက်၊ သူတို့က သိပ်ကိုအသုံးမကျတာပဲ၊ သူမကို ပြင်ပကလာတဲ့ အဆိပ်ပြင်းသောက်ခိုင်းကြည့်ကြရအောင်၊ တုံ့ပြန်မှုရှိရင် ချမှတ်ထားလိုက်”