Yu Jiao Ji ( Blue Whisper) မြန်မာဘာသာပြန်စဆုံး

အပိုင်း (၁၀၅) လေပြေ၏အသံ

အပိုင်း (၁၀၅) လေပြေ၏အသံ

အမှောင်ထုဟာ အဆုံးမဲ့ဖြစ်ဟန်တူ၏။ သူမတို့ အချိန်ကုန်ဆုံးတဲ့အထိ ဒီလိုမျိုးလျှောက်သွားရတော့မယ့်အတိုင်း ကျီယွင်ဟယ် ချန်ယီ့ကိုသယ်ပြီး ငြိမ်သက်စွာလျှောက်သွားခဲ့သည်။ ထို့နောက် သူမ လေစီးကြောင်းသံယဲ့ယဲ့ကို ခံစားမိ၏။ ဆွန်းသဲရဲ့ဖွဲ့စည်းပုံဟာ မှော်ပညာ၏အခြေခံစည်းမျဉ်းတွေကို လိုက်နာနေဆဲဖြစ်ဟန်တူ၏။

ဒြပ်စင်ကြီး၅ခု၏တည်နေရာကို ခန့်မှန်းဖို့ရာအတွက် ကျီယွင်ဟယ် လေကြောင်းကို ခွဲခြမ်းစိတ်ဖြာပြီး ဖြစ်နိုင်ခြေရှိတဲ့ထွက်ပေါက်နေရာကို ရှာလိုက်သည်။

မကြာခင်မှာပဲ သူမ နိဂုံးချုပ်နိုင်ခဲ့ပြီး ရှေ့သို့လျှောက်သွားလိုက်သည်။ "တွေ့လား?" သူမ ချန်ယီကို ပြောလိုက်တယ်။ "ဒီဖွဲ့စည်းပုံက ကျွန်မတို့ကို အချိန်အကြာကြီး ပိတ်မထားနိုင်ပါဘူးလို့ ကျွန်မ ရှင့်ကိုပြောခဲ့တယ်" သူ ဘာတစ်ခုမှပြန်ပြောမလာခဲ့ဘူး။ ကျီယွင်ဟယ် ခေါင်းလေးလှည့်ပြီးကြည့်လိုက်တော့ ချန်ယီတစ်ယောက် သူမ၏ပုခုံးပေါ်မှာ သတိလစ်သွားမှန်း တွေ့လိုက်ရသည်။

သူ့ရဲ့ခန္ဓာကိုယ်ဟာ အရမ်းကိုမောပန်းနွမ်းလျနေပြီ၊ နောက်ပြီး သူ့ရဲ့ဒဏ်ရာတွေက ကုသမှုခံယူဖို့ လိုအပ်တယ်...

သူမ၏ခြေထောက်ကအမှောင်ထုဟာ ရုတ်ချည်းလှုပ်ခါသွားတဲ့အချိန်မှာ ကျီယွင်ဟယ် ပို၍စိုးရိမ်လာပြီး ခြေလှမ်းတွေကိုသွက်လိုက်တယ်။ အပြင်ဘက်မှာ ဘာတွေဖြစ်ပျက်နေမှန်းမသိတော့ ကျီယွင်ဟယ် မျက်မှောင်ကြုတ်မိသွား၏။ သူမ ထွက်ပေါက်ဆီကိုပဲ တတ်နိုင်သမျှမြန်မြန် ပြေးသွားနိုင်ခဲ့တယ်။

ဘေးပတ်လည်ကဟင်းလင်းပြင်ကြီး၏တုန်ခါမှုဟာ သူမ လှမ်းလိုက်တဲ့ခြေလှမ်းတိုင်းနဲ့အတူ ပြင်းထန်လာခဲ့သည်။ ဘာတွေဖြစ်နေတာလဲ? ဒါက ဆွန်းသဲလုပ်တာလား?

ဆွန်းသဲက ဖွဲ့စည်းပုံကိုဖျက်ဆီးပြီး သူမတို့နှစ်ယောက်လုံးကို ဒီထဲမှာမြှုပ်နှံချင်တာလား?

ကျီယွင်ဟယ် အကြီးအကျယ်စိုးရိမ်သွား၏။

ထို့နောက် သူမတို့ရှေ့ကအမှောင်ထုဟာ ရုတ်ချည်းပွင့်ထွက်သွားပြီး ကြားမှ အလင်းရောင်တစ်တန်း ဝင်းလက်တောက်ပလာခဲ့သည်။