အပိုင်း (၂၆) အပြောင်းအလဲ
“ဘာအမှန်တရားလဲ?” လင်းဟောက်ချင်း မေးလိုက်တယ်။
လေပြေလေးက လူသူကင်းမဲ့နေတဲ့အပျက်အစီးနယ်မြေကိုဖြတ်ကာ တိုက်ခတ်ပြီး သဲဝါလေးတွေ လွင့်လာစေ၏။
“ငါ့ကိုမြွေတွင်းထဲတွန်းချတဲ့သူက မင်းမဟုတ်ဘူးလို့ ပြောချင်တာဆိုရင်တော့ မင်းကိုတွန်းအားပေးခဲ့တဲ့သူက လင်းချန်းလန်ဖြစ်မှန်း…” သူ ခဏရပ်ပြီး မျက်နှာရှုံ့မဲ့လျက်ဆက်ပြောလိုက်တယ်၊ “ငါသိပြီးသားပါ”
လင်းဟောက်ချင်း၏အဖြေက မျှော်မှန်းထားသလိုမဖြစ်ခဲ့ပေမဲ့ ယုတ္တိတော့ရှိလှ၏။
“ယွင်ဟယ်” အရင်တုန်းက ငါ လူပျော့လူညံ့တစ်ယောက်ဖြစ်ခဲ့ပေမဲ့ မတုံးခဲ့ပါဘူး။ လင်းဟောက်ချင်း ပြောရင်း ခေါင်းပြန်လှည့်ကာ သူမကိုကြည့်လာလေ၏။ “ငါ မြွေတွင်းထဲက အကယ်ခံရပြီးနောက်မှာ အစပိုင်းက ငါ မင်းကိုမုန်းခဲ့တယ် ဒါပေမဲ့ ရက်ပိုင်းလောက်ကြာတော့ ငါ အရာအားလုံးကိုချုံငုံသုံးသပ်မိခဲ့တယ်”
ဟုတ်တယ်၊ လင်းဟောက်ချင်းက မတုံးဘူး။ ဒီနှစ်တွေတစ်လျှောက်လုံး လင်းချန်းလန်၏နည်းလမ်းတွေကို ကျီယွင်ဟယ် ကောင်းကောင်းကြီးသတိထားမိခဲ့တယ်၊ ဒါပေါ့ လင်းဟောက်ချင်းလည်း သတိထားမိမှာပါ။
“ကြီးကြပ်ရေးမှုး မင်းကိုယ်မင်း တော်လှပြီထင်မထားနဲ့” လင်းဟောက်ချင်း တည်ငြိမ်စွာ သူမကိုကြည့်လာ၏။ “ငါ့ကိုပြောင်းလဲလိုက်တဲ့သူက မင်းမဟုတ်ဘူး”
အဲ့ဒီသူက လင်းချန်းလန်ပဲ။
သူမသာ လင်းဟောက်ချင်းကို မြွေတွင်းထဲတွန်းမချခဲ့ဘူးဆိုရင် လင်းဟောက်ချင်းဟာ ပိုဆိုးတဲ့ကံကြမ္မာနဲ့ တွေ့ဆုံရမှာဖြစ်ကြောင်း ကျီယွင်ဟယ်ကိုနားလည်သွားစေခဲ့တယ်။
လင်းဟောက်ချင်းလည်း နားလည်ခဲ့တယ်…
ဒါကြောင့် သူ လင်းချန်းလန်ချထားတဲ့လမ်းကြောင်းအပေါ် ဆန္ဒရှိရှိဆက်လျှောက်ခဲ့ပြီး သူ့အဖေအမြဲလိုချင်ခဲ့တဲ့ သူပုံစံမျိုးဖြစ်လာခဲ့တာ။
လင်းဟောက်ချင်းကိုကြည့်ရင်း သူမ ပြောချင်တဲ့အရာတွေအားလုံး ပျောက်ကွယ်သွား၏။
YOU ARE READING
Yu Jiao Ji ( Blue Whisper) မြန်မာဘာသာပြန်စဆုံး
FantasiaThe Blue whisper (Yu Jiao Ji) ယွီကျောင်းကျီ့ Author 九鹭非香 မြန်မာဘာသာပြန်ဆိုသူ - My Novel Support us : 09965151417 (Wave or Kpay) PDFစာဖိုင်Link (Fontမတူလည်း ဖတ်လို့ရပါတယ်)- https://drive.google.com/file/d/184vOi_CWDae0VpHg_HLhGYTdiKBbtNfV/view?usp=...
