Yu Jiao Ji ( Blue Whisper) မြန်မာဘာသာပြန်စဆုံး

အပိုင်း (၁၁၁) လက်ထပ်ပါ

အပိုင်း (၁၁၁) လက်ထပ်ပါ

ချန်ယီ ငြင်းဆန်စရာအကြောင်းပြချက် ထပ်မရှိတော့တာကြောင့် ခေါင်းလေးကိုညိမ့်ပြလိုက်သည်။ ကျီယွင်ဟယ် သူ့ကို ပွေ့ဖက်ပြီး သူမကိုယ်သူမ သူ့ရဲ့ရင်ခွင်ထဲတိုးဝင်လိုက်တယ်၊ ထို့့နောက် “ကောင်းပြီ”ဟု သူ ပြောလာလေသည်။

“အမြီးကြီးနဲ့ငါး” သူမ ပြောရင်း မျက်လုံးတွေကိုမှိတ်ချလိုက်တယ်၊ “ကျွန်မရဲ့ဆန္ဒကိုဖြည့်ဆည်းပေးလို့ ကျေးဇူးတင်ပါတယ်”

သူမရဲ့ခန္ဓာကိုယ်ဟာ မီးကဲ့သို့ပူပြင်းပြီး ဒီကမ္ဘာပေါ်မှာ သူ့ကို အနွေးဓာတ်ပေးနိုင်တဲ့တစ်ဦးတည်းသောသူကဲ့သို့ ခံစားလိုက်ရသည်။

ချန်ယီ သူမကို လက်လေးတွေနဲ့သိုင်းခြုံရစ်ပတ်ပြီး သူ့ရဲ့ရင်ခွင်ထဲ ဆွဲခေါ်သွား၏။

သူ စကားတစ်ခွန်းမှ မဆိုခဲ့ဘူး။

သူ ပထမဆုံး ဆွန်းသဲရဲ့အဖမ်းကိုခံလိုက်ရတဲ့အချိန်တုန်းက ဆွန်းသဲတစ်ယောက် သူ့ကိုစကားပြောလာအောင် လုပ်ဖို့ နည်းလမ်းပေါင်းစုံကြိုးစားခဲ့တယ်။ သူမ သူ့ကိုနှုတ်ဖြင့်စော်ကားမော်ကားပြောတယ်၊ ကြာပွတ်နဲ့ရိုက်တယ်၊ ခြိမ်းခြောက်တယ်၊ သို့သော် သူကတော့ ဘယ်လိုပဲဖြစ်ဖြစ် ပါးစပ်ကို ဆက်ပိတ်ထားမြဲပဲ။

ယခု သူ့ရဲ့နှုတ်ဆိတ်မှုက ယခင်နဲ့မတူ လုံးဝကိုကွဲပြားနေခဲ့သည်။

သူပြောချင်တဲ့အရာတွေအများကြီးရှိတယ်။

သူ့ရဲ့ခံစားချက်တွေ၊ သူ့ရဲ့ပျော်ရွှင်မှု၊ မရေမတွက်နိုင်အောင်များပြားတဲ့စကားလုံးတွေနဲ့ နှိမ့်ချဖွယ်ကောင်းတဲ့ အမှောင်အတွေးတစ်ချို့တောင်ရှိနေခဲ့သည်။ သူ့ရဲ့ကူကယ်ရာမဲ့မှု၊ ဝမ်းနည်းမှုနဲ့ အားနည်းချက်တွေလည်း ပါရှိ၏။

စကားလုံးတွေနဲ့ ခံစားချက်တွေအများကြီး အတူတူရောထွေးပြီး သူ့ကို နှုတ်ဆိတ်သွားစေခဲ့သည်။ သူ နှုတ်ခမ်းသားတွေကို ကြိမ်ဖန်များစွာဖွင့်လိုက်ပေမဲ့ အဆုံးသတ်တော့ ဘာတစ်ခုမှထွက်မလာခဲ့ဘူး။

ချန်ယီက ပင်လယ်နက်ဆီကကျောင်းရန်တစ်ကောင်ပါ။ အဲ့ဒီမှာ လိုအင်ဆန္ဒတွေမရှိဘဲ သူ့ရဲ့ဘဝကို တစ်ကိုယ်ထီး နေထိုင်လာခဲ့တာ။ သို့သော် လူလောကမှာတော့ မျှော်မှန်းမထားနိုင်တဲ့အဖြစ်အပျက်တွေ အများကြီး တွေ့ကြုံခံစားခဲ့ရတယ်။ သူ ကမ္ဘာကြီးကိုတွေ့မြင်ခဲ့တယ်၊ လူသားနှလုံးသားတွေရဲ့အပြောင်းအလဲ အတက်အကျတွေ၊ တစ်စုံတစ်ယောက်ကို ဆုံးရှုံးခြင်းနဲ့ တစ်စုံတစ်ယောက်ကို ရရှိခြင်း… အစရှိတဲ့အရာတွေအားလုံးကို တွေ့ကြုံခဲ့ရသည်…