🌹هن القوارير🌹 (في طور التنزيل )

part9

👑👑 هن القوارير 👑👑
شمس الغريب

الجزء 9

الطريق كلها وهي كتهضر مع راحة فالتيلي الكلام لي ما كملوش على اش خاصها تبدأ توجد من دبا باش ما يدركهاش الوقت لأنه معاذ غادي يزرب عليها باينة وهو مخو ما معاهش نهائيا دازو من جنب عمر لي عيا يشير ليه ووالو ما شافوش
حركاته ضياء من كتفه: عبد الخاالق ... اا عبد الخالق (انتبه ليها) شوف راه صاحبك كيعيط عليك سي عمر
هز عينيه فالمراية ورجع مارشاريير حتى وقف مبعد شوية وهبط على رجليه مخلي ضياء مكملة كلامها مع اختها لي كتساءل على عبد الخالق مالو
ع.الخالق: السلام اا صاحبي والله ما رديت البال
عمر: كنت غادي نصوني ليك بنتي ليا ما بغيتكش ضيع عليك واحد القصرية ديال الرفيسة دايزها الكلام
ع.الخالق: جزاك الله خير ولكن والله الى خاصني نمشي للدار نرتاح
عمر: والله اا سي ما انت غادي وها انت معك المداام نيت حتى هي تجي والله ماني طالق منك اليوم

ما قبل ليه حتى شي عذر بزز منه خلاه مشا قال ل ضياء تنزل غادي يطلعو لعند عمر حتى هي ما بغاتش ولكن قالها راه لصقني ما قدرتش نرفض مزال مشاو معاه فعلا ريحة الرفيسة عاطية فالدروج كانو دايرينها فدار زوجته الأولى ومجموعين تما عيالات بزوج وأمه هي لي ناصباها واخته لي غادي تقرا عنده واخته وحدة اخرى كبيرة وباه كاين فبيت آخر معزول دخلوها هي عند العيالات وهو داه عند باه وراجل الاخت دياله

ضياء ما ارتاحتش ملي دخلات وهما خاضيينها كل وحدة تشوف فيها من قنت أما مراته الأولى راه فايتة شايفاها شي ثلاثة المرات مرة عرضو عليهم هما من بعد رجعو ليهم العراضة وشي مرة فالسوق تلاقاو فقط
زوجته الاولى بحسرة: ايوة مزال ما جاب ليك الله شي وليدات بحالي
حركات راسها ضياء: مزال هاد الساعة
أم عمر: المشكل منك ولا منه؟
اش هاد التدخلات فحياة الناس كاملة: ما عارفينش
زوجة عمر الثانية: اييه ولكن على حسب علمي انا نتي عندك ف عائلتك شي حد عقيم راجلك لا
ضياء بحال الى ضرباتها بفردي خاوي كيفاش هاد المعلومة لي اصلا غالطة واصلة عندهم حسات بمصارنها تقلبو وما بقاتش هضرات مزال ولا جاوباتهم وأخيرا هما فهو راسهم وسكتو مخليينها كلها كتغلي من الداخل ما حطو ديك الرفيسة حتى كانت غادي  تهرب من تما

شكراتهم معصورة على الضيافة ملي سمعات عمر علمهم باش يدخلو حيت الراجل دايز قادات حالتها وهبطات هي والاخت دياله لي باقي كتقرى باش ما تهبطش بوحدها فالدروج ضياء نسات موضوعها أما الأخرى بقات كتعبير فيها ملي دخلات كتشوف هاد الجمال والأناقة ديال هاد البنت وعاد شدها الفضول تعرف راجلها لي ركبات معاه داك النهار كيف داير واش يستاهل ضياء وحسنها ولا لا
وداكشي لي دارت ملي شافت ع.الخالق ما بقات هبطات عينيها من عليه بقات مثبتة بان ليها رجل بكل ما تحمل الكلمة من معنى وعرفات دبا علاش ضياء كتبان بديك الفخامة كاملة لأنه ف كتافها راجل كيف هداك حتى تصدمو بجوج

عمر: شكرا اا خويا عبد الخالق ملي ريحتي الواليد بلي غادي تبقا توصل ريحانة

ديك شوية ديال الطريق لي بقات حس بيها ماشي هي هاديك غير كتصوط ومعصبة عرف بلي ما كانش عليه يتاخد داك القرار ولكن حشروه ملي طلبه الاب ديالها نيشان حيت عرف بلي هاديك هي طريقه للخدمة ما قدرش يقول ليه لا

غير وصلو بلا ما تسناه حلات الباب ومشات طايرة للدار  تبعها حتى هو بسرعة ساد الطموبيل وباب العمارة لقاها يالاه كتحيد صباطها لي تعكس وهي معصبة ما رداتوش لبلاصته لأول مرة ومشات للبيت كتحيد حوايجها بالزعفة وهو متبع حركاتها وكيجمع من وراها عارف بلي ليلتهم ما غاديش دوز ساكنة
ع.الخالق: ضياء واش نقدرو نهضرو بهدوء ؟
ضحكات مفقوصة: اييه نهضرو بهدوووء (نزلات نبرة صوتها) كتامر بشي حاجة اخرى
ع.الخالق: الاب ديالها حطني فموقف صعيب طلبني وهو عارف بلي طريقي هاديك
ضحكات مرة ثانية مغبنة وصوتها مغنغن: ااه والأب ديالها هو لي طلبك باش تقوليه بلي اختي ما كتولدش ياااااك
خرج عينيه مصدوم هو الآخر هو فعلا هضر فهاد الموضوع مع عمر زمان وعاود ليه ولكن عمرو ما ظن بلي غادي تقال ليها
كملات عليه هي: عرضوني باش يسبوني بالعاقرة وتفوح عليا بحملها (بعصبية) وانا ما عارفاش حتى واش بصح عاقرة ولا راجلي لي عاقر
هز فيها عينيه حومر عمرها وصلات معاه لهاد الدرجة حس بيها طعنات رجولته: كيفاش باقي كطرحي هاد السؤال من ديما ما كنبغيش نجرحك راه باينة نتي لي فيك ديفو
نزلو دموعها ووجهها مبتسم قمة التناقض: ااااه ما عمرك جرحتيني ياك لا راك ديما جارحني غير هاد المرة خرجتي ليها نيشان
عاود رفع صوته: يااااك وانا لي اليوم كنساير عائلتي على قبلك هما لي باغييني نتزوج باش ندير ولادي وانا هاااز بيك قدامهم
ضياء كترد جلابتها للعلاق تزادتها فقصة فوق فقصة: اهاااه ودبا تراجعتي غادي تقول ليهم وافقتي؟
حس بيها استفزاتو ولا ما نعرف اصلا كيقلب على السبة باش ما يهزش صخط امه: ايييه غادي نتراجع ونقول لهم يقلبو على العروسة
هزات مخدة و مانطة من البلاكار خارجة من البيت منهارة وما باغياش تبين: علاش يقلبو ها هي عروستك غاتبقا توصلها ل لافاك
ما فاق من شنو كان كيقول غير وهي خارجة من البيت خلخل صباعه بين خصلات شعره معصب لأبعد الحدود ما توقعش غادي يقول ولا هي تخرج داك الكلام ولكن عطا لراسه الحق فالاخير بدعوى أنها استفزت رجولته

أما ضياء دموعها عمرو المخدة والنعاس حلف لا زار جفونها ولكن بقات سامرة ففراشها كتمنى يكون غير حلم ودايز ما قادراش تخيل بلي راجلها اعتارف ليها بلي باغي يتزوج عليها ما نعسات حتى قرب يأذن الفجر ولأول مرة يفوتها وفوتات حتى وقت خدمته ما وجدات والو
بانت ليه ناعسة مغمغمة كاملة ما قالش بلي راه ما ناعساش الليل كله وداتها عينها قال نيشان بلي باغيا تعاقبه وزاد تغدد بقا فيه الحال مشا هكاك ناسي بلي راه غادي يلقى لالة ريحانة فالطريق كتسنى هي وخوها بابتسامة عريضة

               💣💣💣💣💣 توقاعتكم وآرائكم 💣💣💣💣💣

تكايسو على سي خلوووق