🌹هن القوارير🌹 (في طور التنزيل )

part10

👑👑 هن القوارير 👑👑
شمس الغريب

الجزء 10

رسم ابتسامة بزز ما باغيش يبين بانت ليه غادي تحل الباب اللور فرح فخاطره حتى حل ليها خوها الباب الأمامي مقلق عليها
عمر: ياكما كيصحاب ليك سي عبد الخالق شيفور عندك؟
تبسمات ريحانة وركبات جنبه معتاذرة بهمس ودعو عمر وشدو الطريق لي طويلة نوعا ما وهما غير ساكتين حتى الراديو ما خدامش غير صوت الطموبيل لي كاين حتى وصلو جنب لافاك شكراته ونزلات فرحانة غادي تكمل قرايتها مرتاحة أما هو أول مرة يمشي للخدمة وهو زعفان ما فاطرش وما داش معاه من مأكولات صنع يديها
بعد مشاورات كثيرة هو ودماغه كسرها وأخيرا مصوني على الأم دياله باش يخبرها بالقرار الأخير والنهائي 

فاقت ضياء مشقلبة ما فاهماش علاش ناعسة فالصالون مدة عاد استعقلات ناضت قافزة  شافت الوقت فوتات كلشي صلاتها فطوره gوتي دياله لكن ما حزناتش عليه هي باتت معذبة وضاغي كتبان فيها مشات نيشان للدوش بان تحت من عينيها زرق شوية وعينيها حومر لأنهم اصلا كيضروها صحتها طايحة عليها
مشات قضات روتينها الكامل ووجدات الغدا ودارت التقاطر لعينيها وجلسات كتسناه يجي عارفاه ما يقدرش يدير داكشي لي قال غير لحظة غضب منهم بجوج وغادي يهضرو كما العادة ويحلو مشاكلهم

مر الوقت لي كيرجع فيه ووالو السيد لا أثر ولا خبر سمعات الدقان فالباب وناضت عيانة ليه صايبات فولارها لقات جارتها عند الباب حفيظة ديال ديك المرة
ضياء حاولات تبتاسم: ختي حفيظة لباس
حفيظة ما عاجبهاش الحال: نتي لي واش لباس ساد عليك هنا وهو كيوصل فالبنات بطموبيلته غادي بوحدة وجايبها ونتي ناعسة على ودنك اليسرى
خرجات عينيها ضياء قالت ما يمكنش يديرها البارح ما ظناتش بلي غا يديرها بلى حتى ما يتناقشو فالمسألة
ضبطات صوتها: ااه هاديك غير أخت سي عمر صاحبه مسكينة الكلية بعيدة عليها راه على بالي بلي غا يبقا يديها
عوجات حفيظة فمها: ايوة ياك وصلها علاش ما رجعش لداره
ضياء كاتمة غضبها: عنده شي شغل وصافي

غير الجارة مشات هزات التيلي ديالها كتصوني وتعاود ولا من مجيب شوية ولا كيقطع عليها التيلي هو gاع صدمها بالمعقول قررات تصيفط ليه ميساج

📨 عبد الخالق انا راه ماشي مونيكة تخليني فالدار وتخرج دير لي بغيتي راه حيت عارفة بيني وبين الله وبلي ما خاصنيش نخرج من داري بلا علمك لي راني جالسة وا دبا رجع خلينا نهضرو📨

طلع ليها بلي قرأ الميساج ولكن ما جاوبهاش طلع معاها الفوار وعاود صيفطات ليه واحد آخر 📨 انا خارجة ها أنا علمتك📨 نفس الشيء لا جواب منه واخا قرأه صونات على خوها طلبات منه يدوز يديها معاه بحجة أنه راجلها

غادية هي وخوها كتحاول ما تبينش قهرتها واخا باينة عليها من حالتها بلي ماشي هي  هاديك ولكن ما بغاش يحكر عليها حتى كيتصدم هو وياها ملي وصلو بلي الطموبيل ديال عبد الخالق راه قدام دارهم صرطات ريقها ونزلات مدمعة قبل لا يشوفها خوها لي باقي كيحاول يستوعب
لحسن حظها ما كان حتى حد من غير أمها فالدار تلاحت عليها معنقاها كتنخصص ما بقاتش قادرة تخبي هادشي بوحدها فخاطرها بكات حتى نشفو دموعها وشرف كان جاي داخل غير بانت ليه هكاك اختار انه يبقى بعيد عليها باش ترتاح عارف طبع أخته كيف داير والى دخل ما غاديش تقول حتى لأمه

فاطمة كتمسد على راسها: مالك اا بنيتي قلبي محروق عليك من نهار اختك نعمة
ضياء: ما بقيتش قادرة اا ماما ما بقيتش .... عاودات لها كلشي سوء المعاملة ديال عيالات لواسها وشي مرات لويساتها وديال راجلها فموضوع الأولاد بلا ما يدير حتى شي تحاليل حملها هي المسؤولية ودبا هاد شي جديد لي خرج لها
ضياء: اا ماما صبرت بزاف مرجعين نعمة لي ما كتولدش وانا حتى انا وهو بان ليا هاد المرة غادي معاهم ما جاوبنيش كنت غادي نطرطق اا ماما ملي جات الجارة قالتها ليا جاب الله عيطت على شرف خويا وكذبت عليه بلي هو خدام باش نجي نلقاه هنا حشمت من خووياا اا ماما عمري كدبت عليه 
عنقاتها: اا بنتي حشوميتك الكثيرة وحنانتك هي لي خلاتك هاك اا بنتي صافي نتي دبا غير صبري وارتاحي يحلها حلال

شرف سمع لي عمرو ظنو ف راجل أخته كان قايل مع راسه بلي هو لي مواتي ضياء حس براسه شماتة لي عاطي أخته لدوك الناس هما اليوم الأول عطاوها ليه على قبله هو وعلى قبل الوالدين دياله أما خوتو وخواتاته ونسابهم عارفينهم لا علاقة ولكن حيت كانو عارفين ضياء غادي تعيش بوحدها وزايداها هي عمرها ما شكات قالو الأمور مزيانة ولكن رجع بتفكيرو اللور فين عمر ضياء اصلا تشكات ما بغاش يبقا تما حيت الى شاف عبد الخالق يقدر يتيري فيه على قبل أخته

دخلات راحة لي كانت مع نجاة ونعمة مشاو تقضاو شي حاجات ليها حتى تفاجئو بها جالسة لابسة بيجامة من ديال راحة جاتهم غريبة كتبات غير ملي كتكون شي حاااجة نيت أما عبد الخالق ما يخليهاش خصوصا وأنه طموبيلته كاينة برا

راحة عنقاتها جنب من بعد ما تسالمو: مزيان ملي لقيتك باش تعطيني رأيك فهادشي لي خديت نتي وديك الدبة ما مساليينش ليا دبا هي قال ليها حكم سيري ارتاحي عند امك ونتي حاجرك علينا راجلك
فاطمة نهضات فيها: بعدي من اختك
رجعات اللور راحة: هااا انا اا ختي لا تصدق غاضبة لينا وتراجع على المباتة وهو باقي غير هنا
بحال الى صرفقاتها فين عمرو كيبقا حتى لهاد الوقت وهي بوحدها فالدار بلا ما يصيفط ميساج ولا يصوني يسولها ياكما خايفة ولا علاش ما تسوقش لها فين مشات نهائيا

             💣💣💣💣💣 توقاعتكم وآرائكم 💣💣💣💣💣

اش بان ليكم اا البنات اش غادي دير ضياء؟ وعبد الخالق مالو على هاد الحالة؟