🌹هن القوارير🌹 (في طور التنزيل )

part80

👑👑 هن القوارير 👑👑
شمس الغريب

الجزء 80:

مع تكسر الباب طاحت وطار التيلي من يديها بخوف رجليها البويض تسرحو والبينوار طلع على فخيضاتها شعرها المكريبي بسبب الدوش مطلوق وغطا وجهها وشادة البينوار على صدرها لي كيطل على العالم بلا ما يشعر حيد لافيست مغوبش ورماها عليها غطاها كلها ورد الباب لي مكسورة ليه الساقطة وشاف فالسكيريتي وقاليه تقدر تمشي ودور معه وشكرو

دار لقاها باقي فوضعيتها كلها كتغزل بخوف حلقها نشف فمها بياض دخل للكوزينة عمر كأس ديال الما وجابو ليها هبط على ركابيه هز يديه باش يبعد شعرها من على وجهها خدات منه الكاس بالنترة وبعدات ليه يديه بجهد نزلات على داك الكاس فدقة وهي باقي فحالتها كتنهج ومرتعشة

شافت فيه عايدة بحدة وغوتات: بعد مني.. اشنو بغيتي مني؟
نوح عروقه منفوخين ودنيه ونيفه حمارو وهي عارفة اشنو كيعني هادشي: علاش ما حليتيش الباب؟
رمات عليه لا فيست وهزات تيلي لي تخسر عيات تحاول معه ووالو قادات البينوار ديالها زيراته لا تصدق مشوهة أكثر من هاد الشوهة مشات للباب وحلاته هو لي بحال باب الحومة ما بقاش يتسد
عايدة: تقدر تمشي بحااالك.. علاش غادي نجاوبك.. واصلا علاش جاي عندي وفهاد الوقت.. ماشي خاص تكون مع خطيبتك؟
صغر فيها عينيه كما العادة كأنه كيقراها: جاي عندك اصلا على هاد السبب على قبل خطيبتي.. وملي ما جاوبتيش خفت حيت نتي أخت صاحبي وبس.. قلبي فهاد الهضرة ما غاتلقايش راسك اصلا

صرطات الغصة وقربات منه أكثر حتى توثرت: اااه ما كايناااش فهاد الهضرة ونقدر ما نكونش حتى فشي بلاصة أخرى عندك.. بالحق أنا لي كاينة فهاد الدار.. وإلى ما حليتش ما عندك حتى حق تهرس عليا الباب.. وعلى قبل خطيبتك.. وحيت انت صاحب خويا ما غاديش نعيط على البوليس.. قلب فهاد الهضرة ما غاتلقاش راسك اصلا

جاه الفو غيغ بقا كيضحك على كلامها شنو زعما كترجع ليه الصرف ولا كيفاش بقا كيشوف فيها وجا دفع الباب مسكين حتى لصق وشد ذقنها بين يديه وعيونه بحال جمر

نوح: شنو باغيا علاش جاية هنا مممم؟ علاش كتقلبي؟
بعدات عايدة منترة: بغيييييت تخرج ليا من داري
باقين فمشادات دخل جون كيشوف فالحالة ديال الباب ومن وراه السكيريتي لي جاب مصلح وجا كيعتاذر من عايدة هو ملي جا نوح وطلع وما جاوباتوش عيط على السكيريتي لي خلا التيلي لتحت هي الوقت لي كانت كتاصل بيه عايدة فديك الوقت هو كان كياكد على نوح بلي راه دخلات وما عاودش خرجات هنا تخلعو بجوج عليها وقررو يفرعو الباب بواحد اللعيبة كيستخدموها لبحال هاد القضية وهذا ما كان
جالس كل من جلال وعماد مع بعض ونهيلة مع ضياء لي حشمانة السيدة جاية عندها ضيفة صدقات هي لي كتوجد الضيافة
ضياء: سمحي ليا والله.. راه غير جلال كيزيد فيه
نهيلة: اش كتقولي الله يهديك.. غير بلاتي حتى انا نتزوج بعماد ونحمل وديك الساعة اا ختي نتفشش عليك  حتى انا
ضياء تبسمات ليها: الله اودي بالفرحة اا ختي.. دبا ياك الأمور رجعات مزيان بيناتكم
نهيلة: واا ختي حنا بيناتنا راه مزيااان.. بالحق عماد مزال ما هضر مع باه وعايدة اصلا راه عارفة بقات فيا الزغبية نفات راسها.. كل لي كانو كيبغيوها خلات فيهم كية وتقلقو عليها كاملين اا صاحبتي
ضياء بقات فيها: مسكينة اييوة اا ختي قولي لهاد عماد ديالك يسربي راحنا موحشين الأعراس والنشاط
نهيلة: واا تي غا بلاتي يتبت ليك البيبي فكرشك علاه نتي قادة على قوام شي عرس دبا غير قولي ليا