🌹هن القوارير🌹 (في طور التنزيل )

part87

👑👑 هن القوارير 👑👑
شمس الغريب

الجزء 87:

لبسات حوايجها ومشات لبيت خالتها لقاتها لبسات جلابة مخزانية فالاسود فيها طرز بالضوغي لي كان فيه لون الفولار والحذاء وصاك اسود مكحلة العوينات ودايرة عكر خفيف رشات من عطرها وتبدلات 360 درجة رغم أنها ما دارتش شي حاجة ولكن لأنها ماموالفاش كدير عاد وجهها منور بالفرحة حتى هي تعرضات وفمطعم راقي حيت قالت لها ضياء صاحب جلال ومراته خدامين وما لقاو كيف يديرو وعرضونا برا بحكم تزوجنا غير قريب وما كتابش يحضرو عاد لي زايد ففرحة زهور أنه جلال خبرها بلي غادي يمشي معاهم عبد العالي ولدها حتى هو يبدل الجو

صونا التيلي ديال ضياء فصاكها: يالاه اا خالتي زهور.. غادي يكونو وصلو
هبطو بجوجات كل وحدة وزينها وحروفها وكل وحدة وفرحتها فشكل وحدة غادي دخل لمطعم واحد من لي شاف الكبار لي ياما كان مثل أعلى ليها وغادي تشوف إلى خلاها جلال مطبخ ديال عمل شاف أما الثانية فرحانة مسكينة غير حيت معروضة لمكان راقي بلا ما ينكدها عليها شي حد ورفقة ولدها لي غير شافها هبط كيجري عنقها وهي خشاته فحضنها مزيرة عليه لابس مزيان ونقي فحالته وهو الآخر فرحان بتغير أمه الواضح من نظافة ولباس وراحة نفسية انعكست على وجهها

ركبو جماعة هي وخالتها فالخلف وعبد العالي جنب جلال وانطالقو للمطعم لي جا فواحد الشوكة شاد 3 واجهات وكيبان ما ناقصو والو من برا من غير الافتتاح كان عتيق فانتظارهم بلباس عادي استقبل جلال بالاحضان وعبد العالي لي عرفو عليه جلال تقدمات ضياء جنب جلال وعبرات على فرحتها واحترامها وتقديرها ليه وشكراته على الدعوة كذلك تقدمت زهور مسكينة ما عارفاش بلي هو مول الحريرة شكراته على العراضة ودخلو مجموعين الدنيا كتصفر بالحق المطعم نقي ومجهز بأحسن واحدث التجهيزات سواء لراحة الزبون أو العامل

زهور همسات لضياء: باسم الله ما شاء الله ويااختي كاينين غير حنا؟ وفين مراته؟
باقي كتسولها خرجات واحد السيدة جميلة جات مقربة ليهم كتبتاسم باين واش أنها ماشي مغربية ومن كلامها قدرات ضياء تعرف بلي طاليانية بالحق ما عرفاتش واش مراته أو صديقته ولا اش تكون ما هضراتش هي وجلال على حياته العاطفية
عتيق داهم لطابلة موجدة بطريقة فنية من تحضيره: مرحبا بيكم اول ضيوف عندي فهاد المطعم (مع كمل بدات ديك المنيكة كتهضر كملات وهو يهضر) حتى هي كترحب بيكم عندنا وفرحات بمجيئكم.. جلسي اا لوسي

عبد العالي عجبو الحال هو وأمه مع بعض فعراضة مخمخة بحال هكا.. كانو جالسين كل جوج جنب بعض جلال وضياء- عبد العالي وزهور- عتيق ولوسي والطبلة الوسط فيها اتاي وعصائر ومملحات وحلويات كلشي من تحضير عتيق وضياء حط ليها اطباقها بوحدها لوحدة حامل.. عتيق كيرحب بيهم ويقرب ليهم وفلحظة شاف فزهور ونطق

عتيق: هي نتي مولاة الحريرة؟
حلات فمها وشافت فضياء لي وحل ليها داكشي لي كانت كتاكل  الباقي من غير جلال حتى واحد ما فاهم شي حاجة هو دار يديه على فمه وكيطلب من الله أنه عتيق ما يقول فحق ديك الحريرة والو
عتيق: الصراحة ديك الحريرة عمري شربت بحالها.. بالحق ....
قاطعاته زهور بيديها وقادات الكرسي: مالها الحريرة.. الحريرة المغربية هي هاديك إلى كنتو كتهضرو على شي حريرة محرفة ما نعرف.. ولي بغا ينعس خفيف يشرب الصوبة ويزيد عليها شي دانون مسوس ويبعد من الطياب البلدي
عبد العالي مال على جلال لي بدوره قرب منه: واش شي حد قال على طياب ماما شي حاجة؟
حرك ليه جلال راسه وعبد العالي صرط ريقه ودور دراعه الصغير على حضنها كيكالمي فيها عارف بلي تقدر تقلب من انسانة لطيفة لشرسة فغمضة عين