🌹هن القوارير🌹 (في طور التنزيل )

part101

👑👑 هن القوارير 👑👑
شمس الغريب

الجزء 101:

غير قالت لها الكاتبة دخلي دخلات بابتسامة عريضة بادلاتها نيكول بأخرى مستفزة ووقفات شدات فنوح شدة العمى فالظلمة وهو تالف ما عارف اش يدير وكيشوف فعايدة بعيون حمراء ونظرة حادة لدرجة خوفها ولكن مصرة انها تكشف كل الأوراق على طريقتها الهوليوودية

عايدة: سمحو ليا قاطعتكم.. بغيت غير رقم ليليا اا نوح توضر ليا.. وهي كانت وصاتني على الاخصائية رولاX فاش تكون ففرنسا نعلمها ولحسن حظها انها غادي تجي لهنا هاد الشهر كتنظم لقائات مع مرضاها
لا نوح ولا نيكول فهمو اش باغيا تصنع وهي كانت كتهضر عادي وبحسن نية زعما
نوح باستغراب: علاش مال ليليا مريضة؟ Emir ما قال ليا والو
حركات راسها عايدة بالنفي: لا ماشي مريضة.. رولاX أخصائية حوامل المهم راه معروفة فوسائل التواصل الاجتماعية.. عطيني النمرة راه المقاعد محدودين عندها فالجلسة وهي عليها الطلب وما تجي فين ترجع لفرنسا حتى تولد ليليا
جبد نمرة ليليا كيمليها عليها وهي من تحت رموشها متبعة نيكول لي بعدات شوية بالتيليفون ديالها وعاود رجعات جنب نوح

نيكول: عوض تديري خير فصديقتك ممكن تقلبي حتى نتي على شي واحد وتحجزي لنفسك مقعد
باستفزاز منها مقصود: حتى تحجزيه نتي بعدا لي لقيتيه
دارت فيهم شوفة نارية وخرجات بسرعة من تما ما باغياش نيكول تقولها بلي هي حاملة ودبا عرفات علاش نوح مقندش اذن خبراته ضحكات بسخرية ومشات للطموبيل مقشبة هي وليليا عيطات عليها فعلا وخبراتها على هاد رولاX وخلاتها حتى هي تتواصل معها حيت ليليا واخا صديقتها تقدر تبلزها لراجلها لي بدوره غا يوصلها لنوح.. اللهم قالت ليها بلي راه كاينة واحد السيدة أخصائية وصيفطات ليها الكونطات ديالها ومن تما مشات للدار ديالها حالة الكونطات وكتشوف فالناس لي كيرسلو الميساجات وهي كتقلب غير على الرسالة ديالها وفعلا لقاتها ضحكات بانتصار لانشوبة شدات الطعم مزيان وتمسكت به

نوح باقي على اعصابه واخا جابها معه للدار وهي فرحانة وكتفشش على راحتها وهي كتشكر زاك فخاطرها على الهدية لي عطاها فالوقت المناسب تماما ولكن خاصها تبقى فكلامها أما إلى تفضحات غادي تمشي فيها ديال بصح
كتلبد نيكول فعينيها: نوووه اشنو بان ليك نتعشااو برا
هز واحد الملفات قدام عينيها: عندي الخدمة اا نيكول
تغددات ووقفات بتحدي: أنا مراتك وحااملة بولدك وانت هاملني وكتفكر فوحدة اخرى
نوح ضرب فيها وزاد: نتي غير كتوهمي بووحدك
طلع للبيت دياله وخلاها كتفقص بوحدها ومشات تاني تحاول توصل للاخصائية لأنه الطبيب خبرها بلي الجنين فخطر وهي خايفة لا تخسر هاد البيبي اول مرة عايدة تنفعها فشي حاجة هي هادي
جا صوت زعزعهم كاملين خلاهم مبلوكيين: ااااش هاد الفضييحة عندي هنا (باستهزاء) لا لا طلعو الفوق وحيحو راه الناس خاصاهم غير الفراجة
زهور تلونات وحسات كأنها غلطت فحدسها هاد المرة وبلي بصح هو صاحب ديك الهضرة وبدات كتنفض فبلاصتها غير بوحدها عاد انتابه ليها باستغراب
عتيق: زهووووور!! نتي هنا علاش ما عيطتيش ليا
السيرفور خاف على راسه وسبقها: أنا اتصلت بيكم هنا وقالت ليا لوسيا بلي راك مامسالياش وما باغي تشوف حتى واحد
دار شاف فلوسيا بواحد التخنزيرة خلاتها تخشا فالحيط وهو تقدم قبط فيد زهور جرها من وراه ودخل بيها للكوزينة ومن تما للمكتب لي عنده لتحت خلى الكل يبقى مبلق شكون هادي لي غادي تدخل للمكتب لي لوسيا ما كدخلش ليه.. بالنسبة ليهم لوسيا راه هي الصندوق الأسود ديال عتيق