🌹هن القوارير🌹 (في طور التنزيل )

part146

👑👑 هن القوارير 👑👑
شمس الغريب

الجزء 146:

جمعات حوايجها وهزات تحاليلها والاغضونونص ديال الطبيب لي عطاها الأدوية والفيتامينات لي خاص تبع.. لكن هي ماشي بحال ضياء اكتفت بملابسها فقط هزات أي حاجة ثمينة معها سواء فالكوزينة أو الصالون أي حاجة عيطات على اختها لي راجلها عنده كاميو كبير كينقل الخضرة وكانت لالة ومولاتي عارفة كلشي عكس ضياء لي كان خاشي فالدار عندها النماري ديال أي واحد تقدر تحتاج عيطات على جوج حمالة ووقفات كتعطيهم التعليمات اش يهزو واش يخليو جمعات لي عجبها ولي حبات خاطرها ولي ما لقات لها جهد دارت المزاد قدام الدار وباعتها للجارات لي كانو يشوفو داكشي فدار ضياء ويتمناوه فدارهم ها هي فرصة ومناسبة جات حتى لبين يديهم ولاو هما كيقولو لها اشمن ماعون بغاو بالضبط كاين شي ماعن هي عمرها شافتهم حتى قالوها لها الجارات وكتمشي وفعلا كتلقاه نهار دخلات ضياء ماعنها وفاش كتجيب شي حاجة وحتى إلى ذوقاتهم خزنة عليه من شي اكلة هادشي كله ما نساوهش

اختها: واش متأكدة تسنايه بعدا.. السيد باه عاد مات
حمرات فاختها: تموت تريكته كاملة.. هاد السيد راه مريض.. مزال عقله مع طليقته أما القلب باش يبغي راه محال واش عنده.. صبرت عليه بزاف لا راه دبا ينساها الولف ضاغي كيزول وهو ولا على باله.. حتى انا عييت ومليت ندمت على حاجة وحدة
الاخت خافت على اختها من هاد الحالة لي هي فيها: شنو هي؟
ريحانة: فاش كان محروق عليها وكان باغي غير يفقصها ندمت لي ما خليتوش يكتب ليا الدار فاسمي
يالاه غادي تنهيها اختها عيط عليهم راجل الاخت لي صافي كلشي تهز فالكاميو ومشاو هما بجوجات ركبو حداه
زوج الاخت: عمر فراسه؟
ريحانة: لا وما بغيتش نقولها ليه حتى نمشي راه صاحبه وغادي يبقى يصبر فيا.. وانا صافي مليت يا أخي
اختها غير كتشوف ما عارفة اش تقول لها: اش غادي ديري دبا

ريحانة: ابي وأمي ملي قلت ليهم من اش كنعاني.. من زمان قالو ليا اجي لداركم غير انا كنت مصبرة راسي وبلي كلشي غادي يولي مزيان.. بالحق دبا صافي غادي نمشي لعندهم.. ابي غادي يعطيني السفلية غادي ندفع للتعليم وعلى ما يوصل الوقت غادي ندير رياض الأطفال والسوايع فالمgازة
اختها: واش متأكدة ابي قالك يعطيك السفلية
ريحانة ما بقاتش كتوزن من عاشر قوما ....: نتي عاونك شريتي دارك.. عمر هو لي شرا ليه الأولى.. خواتاتنا كاملات عاونهم وأخي زهير عطاه الدار لي الفوق وانا قال ليا اجي خودي لي لتحت فيها المgازة ديري فيها السوايع
اختها حشماتها مع راجلها لي حتى هو بانو فيه الألوان: ممم مزيا

خرج من الدار من ورا ديك المكالمة لي كانت من معاذ عاود صونا عليه لأنه كانت حداه ما قدرش يتكلم على راحته
جلال: شرح ليا كيفاش البلان اا معاذ ما فهمتش؟
معاذ: شي مقاطع فيديوهات دايرين الشوهة اا صاحبي ديال خواتات هداك خينا.. وهما واقيلة سباب باهم حتى مات.. ملي مشا داك السيد صاحبي على قبل ديك المرأة وبنتها لقا السيدة بعدا تكوانسااات ما بقات لا كتهضر لا والو والمهم راك عارف حالة الموت
جلال حك رقبته وتنهد: لا حول ولا قوة الا بالله العلي العظيم
معاذ حرك راسه: واييه اا صاحبي دبا راه مضاربين التقنيين معايا غير مع دوك الفيديوهات حيدوهم من جدر بالحق باقي كيبارطاجيوهم الناس لي تيلشارجاوهم
جلال ما بقا ليه ما يقول: لا حول ولا قوة الا بالله العلي العظيم.. واا ترييييكة هادي
معاذ: غا تجي فالويكاند على قبل زينة؟
غوبش فالبلاصة: ما نحضرش لحاجة بزز على أميرة الدار