🌹هن القوارير🌹 (في طور التنزيل )

part35

👑👑 هن القوارير 👑👑
شمس الغريب

الجزء 35:

جلال: راني هضرت معاك من قبل ... واخا واااخ واا راه قلنا وااخااا ... نتي لي ما كتسمعيش الهضرة لوكان كنتي كتسمعي ما نوصلوش لهادشي ... هممم اه كنسمع
اييه حتى ضياء كتسمع وترمي عليها وقيدة تفرقع كلها حمرة وواحد الإحساس عمرها جرباته خمس سنين وهي مزوجة وعمرها حسات بيه العافية طلعات معها مزيج بين الغضب والصدمة وبزاف ديال الأحاسيس ارتبطت مع بعض وعطات داك الخليط العجيب

طلع معاذ جنبه وراحة جلسات من ورا معاذ طلع حتى هو بلاصته وهو مزال كيتكلم تسناوها هي لي حاسة بالدموع باغيين ينزلو ولكن هيهات خدات نفس عميق ورجعات دوك الدموع لي كيلخصو خيبة أمل كبيرة ما باغياش تبين لحتى شي حد هاد الإحساس ما باغياش تعتارف حتى لراسها
حلات الباب بهدوء تام جلسات مزيان وهي تجر داك الباب بواحد السم ما عرفات منين تسلط عليها هادشي ما باغياش تبين 💣💣💣 بوووم كلشي سد عينيه أثر ديك الخبطة ديال الباب جلال دار كله شاف فيها وحركات ليه عينيها الجميلتين بعصبية وفمها مغززاه كامل وراحة كتنغز فيها لأنه جلال كان مخنزر ومتفاجىء من تصرفها

رجعات جلسات براحة على الكوسان وشافت فراحة مخرجة عينيها وهامسة: ماااالك
راحة قربات منها: اويلي فكرتيني فيك ملي كنا باقين كنقراو اش هاد العناد اا ختي والعصبية من لا شيء
ما جاوباتهاش بل تزادت حموريتها وتقنديشها ملي سمعات جملته وتاكدو شكوكها
جلال رجع للتيلي دياله من بعد هاد الصدمة: ... لا والو غير الباب ... من بعد ونكمل معاك اا عايدة ... إنشاء الله تهلاي فراسك

باقي ما فهمش طبيعة التصرف واش حيت ما بغاتش يوصلها مرة أخرى أو حيت حضر معاهم اليوم ما طاحش فباله احتمال التيلي لي داير هاد البلبالة بقاو عينيه معلقين كيشوف فيها غادي طير شفايفها هي كضغط عليهم وهو كيضغط على البنزين ولاو كيطيرو لوكان ما معاذ
معاذ: باغيين نوصلو حيين ااا شريف.. شكون فيكم لي قالت باغيا تنتاحر
لقا راحة هارب منها اللون اما ضياء يمكن ما حاساش بالسرعة باش غاديين مرفوعة السيدة وقف الطموبيل قدام دار معاذ وخنزر فيه
جلال: دااااركم
نبرته ما كانش فيها نقاش حتى راحة خافت هاد المجية كانت غريبة ضارت عند ضياء لقاتها باقيا بنفس الوضعية عينيها على النافذة ما حساتش بالطموبيل واش وقفات هي ما حساتش بيها حتى فاش كانت كطير بقا غير دبا بغات تودعها غير بانو ليها عينيه نزلات شادة فمعاذ لي ماد لها يديه

راحة بخوف على اختها غادية وكدور تشوف فالطموبيل باغيا ترجع ومعاذ كيجرها: عنداك يدير لها شي حاجة ما يغوتش عليها واخا كان فيها تخراج العينين شحال هذا ولكن راه ما بقاش واصلا خوااافة هي
معاذ معنقها كيضحك: وانا كنقول لمن كتشبهي فتخراج العينين والجهد والو.. واصلا هي آخر وحدة يدير لها شي حاجة
راحة هزات فيه عينيها مستغربة: وعلاش ؟
بقا كيدور فعينيه مدة عاد هضر: كتفكرو فامه الله