🌹هن القوارير🌹 (في طور التنزيل )

part33

👑👑 هن القوارير 👑👑
شمس الغريب

الجزء 33:

لقات راحة فالباب كتسناها: صافي اا راحة انا غادي نشد طاكسي من هنا
زيرات لها على دراعها: مالك ااا ختي مصخوطة فهاد الشتاء ها معاذ غا يجي ليا وكما كتوصليني نتي ديما
يالاه غاتجاوبها صونا التيلي ديال راحة ووقفات طموبيل ما غريباش عليها: الو .. آه صافي واخا .. ها هو قبالتنا (قطعات) يالاه جلال يوصلنا حيت معاذ خرجات ليه شي جريمة من شي قنت.. ويلي الناس يقولو خرجات ليه خدمة وانا نقول جريمة

ضياء كتشوف فراحة باغيا طير عليها وفيه هو لي داير راسه بريء كيتسناهم يطلعو مايمكنش دبا تبرهش وتقول لا بغات تركب اللور ودفعاتها راحة
راحة: اويلي بغيتيه يحيح داير فينا خير ونردوه شيفور والله حتى يأكل معاذ بحوايجو 
حلات ضياء الباب مفقوصة وهمسات: بغيتو ياكلك نتي ومعاذ بحوايجكم
ربتات راحة على كتفه: خويا جلال لباس عليك.. ما كتجينيش نقولك عمي وانت مزال شباب تبارك الله
هي كتهضر وهو عينيه على ضياء معقودين تقول واكلة ليه الورث في حين هي معصبة مع السانتير ما تقادات ليها حتى غفر لها الله الذنوب دارت لقاته مخنزر فيها تبسمات ببلاهة ودارت شافت ف راحة وعاود شافت فيه لقاته باقي بنفس الوضع

ضياء: السلام !؟؟
أما هو فخاطره قال "فين غاديا طواسلك بهاد الزين" ديمارا منرفز: وااا عليكم السلام
قلب عينيه للمراية لراحة لي باينة مكونيكطيا مع معاذ وكيتعنب عليها غير من العضة لي دايرة لقنانفها
جلال: راحة نلوحك فداارك؟
باغيا تجاوب دارت عندها ضياء كلها كتقول لها قولي لا ويالاه معايا للدار بحال الى زعما هو ما كيسمع ما كيشوف يالاه بغات تجاوب حتى قفزها ثاني مغوت بلعاني عارفها كتخاف منه
جلال: رااااااحة راني سولتك واش ندور؟
مالها على حالتها ما توصل حتى يقتلها بالخلعة صرطات ريقها متجاهلة توسل ضياء: اااه اااه اا جلال ديني لداري اا خويا

ضارت من جنب ضياء وهمسات: سمحي ليا اا حبيبتي ولكن انا راه يقدر يسكت ليا القلب فأي لحظة والله
ضياء ما حسات براسها حتى غوتات: وانا ما يسكتش ليا
راحة: ما تخافيش نتي راه كيحتارمك انا دبا عنده بحال معاذ كيقدر يغوت عليا
ما حسو براسهم حتى كان فرانا وابتاسم لراحة: هاا نتي وصلتي على سلامتك
نزلات وهي كتشوف فضياء لي ما لقات لها جهد اصلا هي كانت باغيا تمشي لدارهم اليوم ولكن الخلعة وما دير صدقات فدارها

ضياء حلات الباب: احمم.. صافي شكرا.. اصلا انا قربت.. غادي نتمشى شوية على رجلي
رما يديه جهتها جر داك الباب سادو: ما عندناش العيالات لي يمشيو فالزنقة
تحرك من تما اول مرة يتمشى بهاد البطء فحياته يمكن غادي بشوية هي وتفقصات بديك السرعة البطيئة باش غادي
ضياء: واش الطموبيل فيها شي مشكل
حرك ليها راسه وخرج صوته المبحوح الرجولي: أنا لي لقيت فراسي المشكل ومزال ما لقيت الميكانيك لي يصلحني.. كيف غاديا مع القراية؟
تبسمات: بخير مزيان.. الصراحة شي حاجة أكثر من مزيان.. واش ممكن تحطني غير فالشارع؟
عرفها ما بغاش جيران يهضرو عليها وقف الطموبيل فاقرب بلاصة مضرقة: مرة أخرى انشاء الله
اكتفت أنها تحرك ليه راسها
همس وهو متبعها غادية: المرة الجاية غاتركبي فيها عروسة انشاء

                                     ** دار الطفولة **

هكا كان مكتوب على الباب ديال البناية لي يمكن كانت فيلا قبل وتحولات لدار خاصة بالأطفال المتخلى عنهم مساحتها كبيرة فيها جردة وبناية رئيسية وجنبها بنايات ثانوية كانو هما لابسين ملابس لي شاف القسم لي هي فيه كانو تقريبا 15 شخص بنات وأولاد كلهم لابسين لباس موحد ومقسمين على خمس صفوف كل واحد فيه ثلاثة وحداهم المستلزمات ديال المطبخ وكل واحد قدامه مقادير الحلوى لي اختار وسبورة صغيرة جنبهم فيها قصة ديك الحلوى ومعلقين جنبها مطبوعات باش لي بغا تبقى عنده نسخة من القصة ياخدها كانت فكرة ضياء
والوليدات جالسين على كراسي وحتى الجمعية لي منظمة هادشي جالسين كضيوف وجايبين ها مول الصوفة ها مول الgلية وكلونات كيدورو عليهم حاطين ليهم ملابس جداد وأخرى مستعملة وهدايا العاب أي حاجة خاصة بالأطفال شي جابتو الجمعية وشي الآخر طلبة الصونطر

كانت واقفة هي ومعاذ لأنه لي بغا يحضر من الصونطر يمكن ليه والأغلبية جاو كتدمع ليه وهو كيسكتها كل مرة ويهدنها ويقول لها بلي راه خاصك تقويهم ماشي تحطميهم
راحة: علاش كيتخلاو على وليدات بحال الملائكة ؟
معاذ: صافي اا راحة شوفي ديك البنية كيف كتشوف فيك مسكينة
راحة: علاش جلال كان فاش جينا
معاذ: فينما تسمعي شي جمعية باغيا دير بحال هادشي عرفي جلال حاط فلوسه فيها
راحة: وايلي واش منخرط فهاد الجمعية
حرك راسه بلا: ما منخارط فحتى جمعية غير فاش كيسمع بلي باغيين يديرو شي حاجة كيعاونهم ماديا واصلا هو نهار الجمعة خاويه غير باش كل مرة يمشي يا عند وليدات صغار ولا دار العجزة ولا يوقف قدام شي صبيطار المهم هو فشكاااال داك العم
راحة تبسمات: سعداتو.. انا غادي نمشي عند دوك الوليدات

الوقت لي كان عندها قليل باش توجد شي حاجة مزيانة وكثيرة داكشي باش عاونات حتى بالشراء هي وضياء جمعو فلوس كثيرة من عائلاتهم حتى من خالتهم لي فبرا المغرب صيفطات لهم 3000 درهم عاد خوتهم باهم أمهم نساب راحة كلشي ساهم جمعو مبلغ مزيان قسموه على جوج ضياء دات النصف للفريق لي معاها لي بدورهم جمعو وشراو العاب وكتب قصص وبعض الحاجات الضرورية وراحة اصلا كانت ساهمت مع قسمها داكشي لي جمعات مشات شرات اثواب وصايبات بيهم ملابس ديال شخصيات كرتونية محبوبة بحال كساوي الاميرات والأمراء وكملات شرات من سوق جملة ملابس زوينة وجديدة باش تكون كمية كثيرة

جلسات كتبسم ليهم من بعيد وجاو لعندها حلات ليهم الكارطونات ديال الحوايج لي عازلة فيه كل شكل بوحدو لي جا عندها كتعطيه الطاي دياله وكتخليهم هما يختارو وكضحك معاهم وتعرفات على أسماءهم وحتى هي عرفاتهم براسها الحاصول بحالها بحال اسمها ضاغي ارتاحو لها وجلسو مجمعين معها دارو دوائر وهي متوسطاهم كتعاود لهم على الحياة بلي زوينة وبلي ربي مخبي لهم حاجات زوينين غير يتيقو به

                💣💣💣💣💣 توقاعتكم وآرائكم 💣💣💣💣💣

           💖💖 لي قادر انه يساعد اخوه المسلم عافاكم ما يترددش 💖💖