🌹هن القوارير🌹 (في طور التنزيل )

part60

👑👑 هن القوارير 👑👑
شمس الغريب

الجزء 60:

شافت فيها راحة: مااالك؟
ضياء قلبات عينيها للشيفور: عفاك غير شي بلاصة هنا
بحال الى قالت ليه غدا العيد ضرب الفران وسط الشانطي باغي يتفك خلصاته ونزلو وراحة مزال غير كتشوف فيها
راحة: واااا مااالكي
ضياء بترجي: شوفي جاوبي معاذ.....
قاطعاتها: وعلاش نتي خليتيني ااا ختي
ضياء: واا غير سمعي جاوبيه وقولي ليه يعرف ليا جلال فين كاين بالحق ما يقوليهش بغيتو حيت بغيت نديرها ليه مفاجأة
ضحكات راحة مجننة: اويلي ااا ضياء فين ختي لي بعقلها كانت تجي بكيتها وضحك معنا ونقولو حنا راه عايشة السعادة.. واش كتشكي اا ضياء فجلال ما يمكنش اا ختي والله اويلي والله الى كلشي عارفو مشروط عليك

بعدات ضياء كتاخد نفس ورجعات شافت فيها: شوفي اا راحة راه ماشي جلال لي فيه المشكل البنات لي فيهم المشكل.. واش باغياني نموت بالفقصة ؟
حركات راسها راحة بالنفي وديك الساعة صونا ليها معاذ ثاني
ضياء: يالاه جاوبي

راحة: الو معاذ
معاذ: ياك لباس علاش ما جاوبتيش؟
راحة: كنت فالطاكسي.. حبيبة بغيت نطلبك طليبة!!
معاذ: نتي تامري اا العمر
راحة دارت مكبر الصوت: ضياء بغات دير مفاجأة لجلال ولكن ما عارفاهش فين كاين ولا فين كاينين المحلات دياله
معاذ: ممممم سعدات العميم.. وا هو الصراحة ما كيتشدش حيت غير كيمشي يراقب والى حتاجوه فشي حاجة ولا خاصة شي سلعة يمشي ليها ولا عاد يبقى.. المهم انا نصوني ليه نقوليه راني باغي نشوفك ونشوف فين كاين ونرد عليك
راحة: يخليك ليا ااا الحبيب
معاذ: حنا ما نستاهلوش شي مفاجأة ممم.. تعلمي من ضياء
راحة كدور فراسها: لهلا يوريك (قطعات معاه) إلى درتي شي كعية وندير لحبيبي مفاجآت هما ماشي غير وحدة

بقاو واقفات شي خمسة دقايق وصل لراحة العنوان هي طرونسفيراتو ليها غير شافتو ضياء هزات راسها كتقلب على طاكسي
راحة: خليني نمشي معاك ؟
ضياء ما جاوباتهاش بان ليها طاكسي وقفاته وشافت فيها: يالاه طلعي
طلعات راحة ومشات ضياء بحال الى غادي تركب القدام: عفاك وصلها ل *****
خلصاته وخلات راحة كتجدب مالها هي درية صغيرة راه تعرف تمشي لراسها بقات كدعي مع جلال فخاطرها ربي يوقف معاه
شدات هي الأخرى طاكسي وقالت ليه العنوان جبدة ديال الطريق وهي غير كتفكر كيفاش تجبد ليه الموضوع ما كتفكرش هي فردة الفعل ديالو ملي يشوفها تما قدامو
حطها الطاكسي فشارع كبير كله محلات تجارية كبرى بقات كدور فعينيها جبدات العنوان ثاني لي كان صيفط ليهم معاذ بان ليه اسم المحل كان خاص بالزليج البلدي والعصري بدات كتشوف هنا وهنا حتى قشعاته جاي فالشوكة

عاد حسات بالخلعة من ردة فعله وكيف تكون خصوصا ملي بانت ليها الطموبيل دياله مباركيها تما بدات كتقرى الأدعية فنفسها وقربات من المدخل بان ليها عامر شوية والدنيا مخلطة زيرات على الصمطة ديال الصاك كتردد وتزعم راسها حتى لقات راسها وسط المحل