🌹هن القوارير🌹 (في طور التنزيل )

part89

👑👑 هن القوارير 👑👑
شمس الغريب

الجزء 89:

مع 19:00 نيشان كانت أمام بواط فيه غير الشباب وقفات سيارتها ولمحات نيفين صديقتها الفرنسية واقفة مع شاب كضحك هي وياه قربات عايدة وغير شافتها نيفين طارت عندها معانقين واضح انه مدة ما تلاقاوش والشاب بقا واقف بعيد كيشوف فيهم بابتسامة ككل الناس لي تما واضح انهم صديقات من زمان

نيفين: توحشتتتك اا صاااحبتي ونتي ما كتسوليش
عايدة: أنا يصحاب ليا بقيتي فاسبانيا مع بابات ولدك
حركات راسها بسرعة بالنفي: لا لا ولدي بقا مع باباه وانا رجعت لفرنسا
عايدة ما استغرباتش بزاف وهي عارفاهم كيف دايرين بالحق ما تصرطاتش ليها كيفاش تقدر أم تخلي ولدها وعايشة حياتها وهي عارفة بلي الاب دياله كيبيع الممنوعات بالحق ما عطاتش للأمر أهمية أكثر.. جراتها نيفين قرب الشخص لي كانت واقفة معه

نيفين: كنعرفكم على بعض عايدة.. روبرت .... روبرت.. عايدة
تسالمو وعايدة بحال الى ما عجبهاش الحال وما ارتاحتش بوجود هاد روبرت وما عرفاتش اصلا شكون هو وعلاش هو هنا وهي طلبات انهم يتلاقاو بجوج منين خرج هاد روبرت خداو مكان بعيد على الزحام والشطيح والروينة وجلسو
روبرت: أنا نمشي نطلب المشروبات
نيفين اعترضت: لا لآ لا.. انا نمشي حيت عايدة ما كتشربش الكحول.. نطلب ليك عصير اا عايدة ياك؟ (حركات ليها غير راسها) وانت اا روبرت ***** كما العادة
روبرت: طبعا

مشات نيفين كيشوفو فيها حتى غبرات على الأنظار وعايدة جالسة بلا راحة وروبرت كيشوف فيها بابتسامة خفيفة على شفايفه حتى بانت لهم نيفين جاية هي لي هازة المشروبات ما تعطلاتش وكضحك ليهم من بعيد حطات لكل واحد المشروب دياله وبقاو كيهضرو فمواضيع مختلفة بالحق غير على الخدمة وعايدة كتحاول تقنع نيفين تربي ولدها ما تخليهش للاب دياله وهي كتفكر بأنها تدير بكلام عايدة لأنه منطقي وحتى روبرت اتفق مع عايدة فكلامها

ماشي بعيد عليهم ملي دخلات وهو مراقبها وقدر يشوف شي حاجات ما شافتهمش هي وكان كيتسنى غير الوقت المناسب باش يتحرك وفهاد اللحظة بان ليه انه هذا هو أحسن وقت كانت نيفين وروبرت كيضحكو وعايدة أكثر منهم كأنها دخلات فهستيرية من الضحك وكتمايل مع الموسيقى بطريقة ماشي طبيعية ونيفين وروبرت كانو كيستاعدو باش يخرجو هما وياها حتى وقف عليهم

بملامح ممحية وعينيه غير عليها: لفين بالسلامة؟
نيفين خرجات فيه عينيها: وانت مالك صاحبتنا فوتات فالشراب وحنا كنعاونوها
الشخص: ملي باغيا تعاونيها علاش ديري ليها الكحول ونتي عارفاها ما كتشربش.. يا غاتحيدو بجوج بيكم وتخليوني نتكلف بعايدة ولا نحسب ربي ما خلقكمش بجوج
جاتو بونية عوجات ليه حنكه ما كانش معول عليها وتصدم منها هي لي كتموت بالضحك وكتغوت بالدارجة
قلباتها دارجة ملوية بفعل الدوخة والكحول لي لوا ليها اللسان هي كتشوف البوليس دخلو لقاو القبض على نيفين وروبرت والشخص لي كان عارفها كلا بونية من نوح والشخص كان هو زاك لي كان مراقب كلشي من الاول أما البونية جاتو من نوح لي وصل فالدقيقة 90 ملي عيط عليه الشخص لي مكلف باش يراقبها وعلمه بكلشي لي شاف ولي قدر يعرف
روبرت من زبائن نيفين لي كانت كتبيع بنات لليلة بعلمهم أو لا وهاد روبرت كانت شهوته فبنت مغربية تكون عزبة وزوينة وما جا فبالها غير عايدة لي كانت شافتها فشي جريدة مؤخرا على قبل المشروع لي كان مع نيكول.. أما زاك كان تابع عايدة وملي شاف الفلم كله كانت نيته واضحة بحيث اتصل بشي فندق وخدا غرفة يعني داكشي لي كان باغي يدير روبرت كان باغي ينقدها منه بالحق يكمل هو الخطة بالحق جا نوح دخل ليه كروشية للوجه وهي بدات كتغوت وتخربق فالهضرة وتقول اسمه واسم خوها باها جلال ضياء نهيلة جبدات كلشي