🌹هن القوارير🌹 (في طور التنزيل )

part25

👑👑 هن القوارير 👑👑
شمس الغريب

الجزء 25:

فالعشية كلشي مقاد الحالة كلشي موجود واللعابات لتحت عاطيين للمناسبة حقها برزة العروسة فالصالون الكبير باللون الاخضر كتاكد على أنه يوم حناء والمراح لي كان مجموع فيه غير طبلة طويلة مزينة من داكشي الرفيع بالابيض والذهبي والورود فكل مكان توحي على أنه تما غايتكتب عقدهم وموعد العرس بعد ثلاثة أشهر كلشي كيشوف ف الزينة والتنظيم لالة فاطمة ديما عندها التأويل ومناساباتها كيدوزو واعرين عاد عريساتها وبناتها ديما خاطفين الأضواء ولكن ضياء هاد المرة كانت غير المرات وكأنه الزواج كان غابنها كانت ما كتوجدش معاهم وما كتكملش ديما مناسبات عائلتها غير يعيط عليها طير عنده شحال من مرة كيكون سبوع ولاد خوتها عاد حامي كيديها لدارهم تبقى تما كتسمع الفرح فدار باها وهي بحال الى ما معروضاش

الناس فرحو لطلاقها أكثر ما حزنو ولي عندها شي ولد همة وشان بغاتها ليه كتسناها غير تكمل عدتها لأنهم عارفين عائلة ضياء وعرفوها هي معدنها من خلال زواجها الأول العيون كلها كانت عليها كلشي حاضيها اية ف الجمال طلقات عاد زاد بان زينها وجمالها ماشي كانت خايبة قبل فاش كانت مزوجة وراه كانت زوينة بزاف ولكن دبا الراحة لي كتحس بيها فقلبها هي لي انعاكسات على وجهها ولا نور على نور كيسطع منه وهي ولا على بالها بالوشوشات لي عليها وكلهم ايجابيين

رحيمة ونعمة لي طالقين السطولة يعمرو كيسمعو ويضحكو بيناتهم أما نجاة كانت مع الزيانة وراحة فالبيت كما عادتها زوجة الاخ والاخت الكبرى ليهم كاملين 
وهي كانت فالباب ديال بيت العروسة كطل لتحت على المعروضين لابسة قفطان فالبلو سييل طخو شاغجي ولكن واتاها وطالقة ابتسامة عريضة للناس كانت باقي ما لحقات تلبس الفولار ديالها حيت خاصها تحاول تخلي شعرها ليس باش يتقاد لها الزيف كتسناهم يكملو للعروسة باقي بشعرها هكاك غافلة على التيليفون لي كيصورها من باب دارهم وكيضحك الشخص

الولد دار والجرية لي جرا تضرب فشي مصيبة كحلة وجا على عين قفاه والتيليفون فيديه قارم عليه وقف كينفض فحالته حتى هو مزيز يمكن من المعروضين شاب يكون فعمر 14 سنة هكاك
الولد كان باغي يعاير غير بانت ليه ديك العظمة والهيبة: اا و اا صاحبي غير بشوية او
طير ليه التيلي من يديه: ااش كنتي كتصور اا البرهوش
طلع تصاور لانه التيلي ما لحقش يسدو باقي اخر حاجة وهي الصورة الاخيرة وهو يتصعق ملي بانت ليه هي واقفة بشموخ وشعرها زاد سطاه كان كيشوفها بالزيف دبا ملي شاف كلشي قال مع مخه هي من حقه واخا يعرف يفرقها على راجلها كالا البرهوش بينه وبين الحيط ما مخليهش منين يدوز دوز الصور بلا ما يعيق من عنده لتيلي دياله ومسحهم من جدر فين عمرو باقي يرجعهم ولا يحاول يديرها لأنه فورماطا ليه التيلي وارتاح يالاه غادي يطلقو

حكم: جلال مااا طلقوووش شد شد البرهوش
غير شاف حكم الولد جاب شي جهد ما عرفش منين هو براسه ومع جلال كان حاضي حكم طار سامح فالتيلي عاد وصل حكم عروقو خارجين
حكم: اش لقيتيه كيدير غير قول ليا خليني نمشي نقتل شي حد فيهم اليوم
جلال خدام كيكالمي فيه وشرف مامساليش غير كيطلب ف جلال باش ما يغفلش عليه لا يدير شي مصيبة

جلال بفضول كبير لأنه المسألة كتهمو دبا: واا غير قول ليا اش كاين بعدا
حكم: داك البرهوش ولد أخت طليق اختي باينة كان كيدير شي مصيبة هما لي غايكونو مصيفطينو وداير العرس اليوم غير جكارة ومزال رأسه فاختي
كان غير حكم لي عروقه باينين أما دبا جلال لي ولى كيفور هو كان باغي يطلقها من راجلها صدقات هي مطلقة وكتعاني منه دبا شرف خاص يجيب شي دورية كاملة يالاه تقابلهم ليه بجوج كيفاش طلقها وباغي تصاورها

مسح على وجهه بعصبية ملي سولو حكم اش لقاه كيدير: لا واالو البرهوش لقيتو كيصور لداخل راه فورماطيت التيلي واصلا هرب وخلاه كون عرفت كون قبرت مو هنا
حكم شد داك التيلي وصيفطو حتى تزلع فالهواء قبل ما يطيح للارض خلى الولد لي مخبي بين الزناقي ينزلو دموعه وطار لعند أمه لي ورطاته هي وخالاته وحتى عبد الخالق لي قالك بغاو يشوفوها حيت غاتكون مكوية وحالتها ملي شافتهم دازو باش يتبدل حالها حيت كانت كيف النوارة فاش دازو بغاو زعما تنغص دبا

شداتو أمه فالباب وجا عبد الخالق: كيف كانت ملوية فشي عكفة ياك  
بدا كيهلل: والله وما تجبدو ليا تيليفوني حتى نريب عليكم هاد الحفلة وااا هي كيف القرطااااسة حتى الزيف حيداتو ولات بحال شي عارضة أزياء كلشي حال فيها فمه كيتكم نتوما ومن فوق هادشي ترزيت فالتيلي ديالي

               💣💣💣💣💣 توقاعتكم وآرائكم 💣💣💣💣💣

يالاه بردوووو
جلال غير بشوية لا تصدمشااااي