🌹هن القوارير🌹 (في طور التنزيل )

part85

👑👑 هن القوارير 👑👑
شمس الغريب

الجزء 85:

خبر حملها داع رغم أنهم كانو محتاطين ولكن كل عزيز عنده عزيزه حتى تنشرات فالحومة وكلشي فرح ليها حقا إلا هما وصلاتهم الخبر من طرف وحدة من عريساتهم لي كتشفى فيهم لأنهم ما جابوش اختها عروس لعبد الخالق
العروسة1: ايييوة اا خالتي تاااجة ما كملات حتى شهر هزات الكرش تبارك الله
العروسة2: ربي شكون قالها ليك؟
العروسة1: خرجي غير جنب الباب كلشي كيهضر على ضياء بنت فاطمة وكيقارنو حياتها مع عبد الخالق مع خو الحاج محمد قالك معيشها كيف الأميرة

دخل على هاد الجملة وكملاتها زوجة اخوه الثانية: ايه ما شفتيش النقاشة اش قالت يا ختي.. قالك جاب لها برزة ديال الحناء وعاود ليها ديك الليلة غير هو وياها فشي فيرما ايوة وعاود عيطو على عائلتها وعائلته وقالت لك كيف ولات ضياء
تاجة حازمة راسها بزيف حياتي ومضوراه بالحامض نادمة لي تبعات كلام بناتها وما رداتش لولدها العقل وخسرات عروسة بحال ضياء

ضربات على الطبلة حتى زعزعاتهم: ياك ما كاين باس والله وباقي تجبدو ليا حسها فالدار حتى نصدركم كاملات انا باغيا ولادي عزااارة اش بغيت بالعرايس
عبد الخالق حس بالخنقة وريحانة كتكون حياتها فدارها مزيانة مؤخرا بالحق غير تجي عندهم ضروري يقربلوها معها كتحسهم باغيين يديروها تحت الصباط ويحكموها حتى فعلاقتها مع راجلها وملي تجي وهما يسمعو غير قصص ضياء وزواج ضياء.. الساعة ها هما جاو على غفلة ولقاوهم كيهضرو عليها تعصبات بالمعقول بالحق ما لقات اش دير زيرات على دراع عبد الخالق لي تصمقل حس براسه تنفخ قبل لا بداو فشي موضوع
غير شافتهم راضية حمرات عينيها فالكل حتى بناتها باش يقلبو الموضوع على قبله هو

ناضت ليها أخت عبد الخالق الكبرى لي كيف سمعات خبر حمل ضياء تجننات: ايوة يا لالة إلى كنتي جاية باش كل مرة تبوزاي علينا بلبسة وها أنا نجحت فالعام الأول باقي الثاني.. راه ضياء كانت خير لينا منك.. حنا زوجنا خويا غير على الأولاد
ريحانة عيات تسنى الدفاع منه ووالو: أنا اا لالة وخوك مفاهمين نتي اش خشاك فينا.. وزايدون شي حوايج بين الراجل ومراته كيبقاو بيناتهم.. ونتوما إلى كان بينكم وبينها شي حاجة سيرو لعندها هي لاش جايين ليا انا
نقزات أخته الأخرى باغيين يحيدو تهمة انهم هما سباب طلاق ضياء على ريوسهم: ايوة نتي يا ختي لي قلبتي الراجل على مراته.. بقات فالزيف ضلي طوطحي نتي وياه فالطموبيل فينا شرع شفتيها
حسات ريحانة بالخنقة علاش تظن فيها السوء هي بصح بغاتو بالحق ماشي جرات فطلاقه مع مراته هي كانت تقبل حتى بالتعدد ولكن هاد الدورة ديال الخاتم لي دارو ليها حتى الجلوس ما جلساتش كتشوف فالراجل لي خاص يدافع عليها مكون والندم والحسرة باقيين ياكلو فيه غير كيخبي عليها باش ما يجرحهاش ولكن غير يتلاقا بعائلته كتبان عليه حالة الندم