🌹هن القوارير🌹 (في طور التنزيل )

part110

👑👑 هن القوارير 👑👑
شمس الغريب

الجزء 110:

كيتسناو فيه على طابلة مشكلة ديال الكاسكروط بعدما تأكدت منه ضياء انه راجع وبلي هو بخير لأنه عقلها بقا معاه وجبدات الهضرة هي وخالتها فمواضيع مختلفة
زهور بتذكر: علاه ماشي قالت ليا نعمة ديك العائلة الزينة لي كنتي عروسة عندهم ساقو ليك الخبار حاملة؟
ضياء عاد تفكرات قضية صابرين وضربات على وجهها: ويلي يا خالتي نسيت ما قلت لجلال بلي صابرين صيفطات ليا ميساج.. قالت لك أمها ندمات وبغاتني نسمح ليها
زهور خنزرات فيها: ياكما تصرفتي من دماغك بلا ما تقولي والو لراجلك
ضياء هزات عينيها بخوف من ردة فعل جلال ملي يسمع: ما بغيتش نبرزطو وقلت لها المسامحة باش بلا ما تبقى تبرزطني.. ونيت ما بقات صيفطات والو

يالاه غادي تجاوبها تحل الباب وزهور باقي كتحلف على ضياء لي وقفات وقربات من جلال مرمية فالحضن دياله كأنها كتعتاذر بلا ما تتكلم وهو حس بعناقها ماشي عادي وعاق انه ضميرها تحرك لأنه اصلا ظن أنها قاصدة تخبي عليه حاوطها بين يديه داير فيها ضبع وما كيفهمش
جلال كيبوس راسها الفوق: مال الأميرة ديالي
ضياء: حليتي المشكل؟
جلال: كنظن والى ما تحلش ما عنديش مشكل نعاود نحلو
ما فهمات والو وبقات فحضنه غاديين للطبلة حطها فكرسيها ومشا يغسل يديه عاد يجي يسلم عليهم مزيان وهو راجع من الحمام سمع بدون قصد حوارهم المهموس

زهور هازة عليها موس بتهديد: شووفي اا ديك المشعككة.. راااجلك قوليها ليه
ضياء كتحلف وتعطي لقلبها: والله حتى كنت غادي نقولها ليه اويلي واش أنا نخبي عليه حاجة بحال هادي.. غير نسيت والله
زهور: ااش وصل نمرتك عندها اصلا
ضياء كتخشي فوجهها كانت مهولة عليه ملي بان ليها صافي بردات: ماا عرفتش اا خالتي واش أنا يصحاب لك طولت معها فالهضرة.. اعتذرت قالت لك أمها طالبة السماحة قلت لها المسامحة وبس
زهور رمات داك الموس على الطابلة: ايوة من صابرين لكحل العفطة ديال خوها
ضياء شافت فيها بجدية وثبات: واخا يتستفو رجال الدنيا والدين قدامي ما نختار غير جلال ديالي اا خالتي زهور

دار الحس ودخل كان معصب منها ومن كلشي ولكن العفريتة غير بجملة وحدة قدرات تطفي بركانه الهائج وكأنه عمرو كان
هزو قدام وجهها وهي بحال الى مبنجة متبعة حركة يده وصرطات ريقها الناشف حسات بيه تجرح تقدمات بخطوات بحال الزومبي كتشوف فيه بترقب وخوف مدات يديها تاخد التيلي ولكن معامن هي زير عليه ظنات انه غادي يتقسم
عايدة بترجي: عنداااااك.. الله يخليك فيه شي حوايج مهمين
نوح بفضول: بحالاش؟
صرطات ريقها وعينيها عكس عينيه كيشوفو غير فالتيلي أما هو مراقب عينيها والتوتر لي بادي عليها وشحال واضح جات بغات تخطف ثاني التيلي  بعدو عليها لكن اختل توازنها ومالت عليه وهو حتى هو ما شاد التوازن وجا مليوح فوق الفوتوي وهي فوقه وشعرها غطاهم بجوج دور يديه على خصرها محاوطها وهي داخت وسط حضنه عمرها كانت بهاد القرب كله منه حسات بإحساس رهيب اجتاح كيانها