🌹هن القوارير🌹 (في طور التنزيل )

part93

👑👑 هن القوارير 👑👑
شمس الغريب

الجزء 93:

خرج خليفة من بعدما تأكد انها بخير وعلى خير ومشا بحاله ياله بغا يخرج من باب المصحة وقفو عليه عماد هاز نهيلة على كتافه والمحققة والمحقق كيسايسو معاه عقد خليفة غوباشتو كيتسائل فنفسه على هذا لي هازها بحال شي عبرة ديال الزرع

خليفة: يااك لباس؟
عماد: الله يخليك إلى صافي ساليتو خليوني ندي خطيبتي راه هادشي ما يبغيه لا ربي ولا عبده.. حشووومة
خليفة طل على نهيلة لقاها خاشية راسها فظهر عماد واضح أنها تشاطره الرأي: نطلب منكم طلب واحد؟
عماد بحال الى ما هاز والو: تفضل
خليفة: عطيني غير هاد اليوم.. ما نمشيش نرتاح نمشي نتأكد لكم من قضية فواز واجي خود خطيبتك براحة
عماد: من دبا ل الليل ؟
بحال الى عماد كيتحداه هكا خليفة كيقرى الناس ولف انه حتى حاجة ما خاص تكون مستحيلة خاص يلقى الحل لأي شيء وطبيعي لأنه شبل من أسد كبير ومعروف فالساحة الأمنية الوطنية هادشي عقد حياته أو هو معقدها على راسه باغي يخلي اسمه يكون فأعلى قمة ويتجاوز نجاحات الاب دياله باش حتى واحد ما يتجرأ يفكر انه غير حيت ابن مخابراتي كبير بانجازاته راه داكشي باش وصل لما هو عليه.. الحاجة الثانية لي مخلياه بهاد الشخصية المركبة هو الاب دياله مرة أخرى دائما كان قاصح معاه سواء فالتربية أو المعاملة والهدف انه يخرج منه هاد الشخص لي هو عليه بالحق واش نجح آب خليفة فانه يكون الاب المثالي كما هو مخابراتي مثالي؟ هادشي لي غانشوفو مع خليفة

خليفة دار نظاراته مخبي بيهم الإرهاق لي واضح تحت عينيه وخرج والمحقق تبعو بقات غير المحققة مع نهيلة لي معانقة هي وعماد عناق حار ما فرقاتهم غير بالكشايف عاد تبعاتهم هي وياها ركبو ومشاو تحت نظراته عاد مشا حتى هو كيجري ويجاري باش يوجد راسه قبل المساء
أما هي كانت متبعاهم من الخلف وفاش جبد نظاراته ما انتابهش لشي حاجة طاحت من جيبه مشات بخطوات سريعة هزاتها لقاتها بطاقة ماشي ديال التعريف ولكن فيها الاسم والنسب دياله * خليفة الرفاقي * وبعض المعلومات ولكن ما عرفاتش لاش صالحة خرجات كتجري ما لحقاتوش بان ليها غير عماد لي ماشافتش وجهه كان عاطيها بالظهر وحتى هو ركب سيارته ومشا بسرعة ايوة وحصلات فيها ديك البطاقة رجعات ثاني من بعدما تفكرت ديك الغرفة اللعينة لي لقاته قدامها تما كاين البوليس وغادي يعاونوها طبعا وقفات على واحد فيهم ما قرباتش للجنب الغرفة

الممرضة الغريبة: الله يخليك ممكن نسولك ؟
البوليسي: تفضلي اا بنتي
الممرضة: بغيت نسولك على سي خليفة الرفاقي فين ممكن نلقاه عندي شي حاجة دياله خاص نعطيها ليه
البوليسي مستغرب: اشنو عندك.. اا بنتي الشاف الرفاقي راه ما غاتلقايهش فكوميسارية ولا فاي مركز.. أري ليا اشنو عندك
ما بغاتش ما تاقتش: لا لا واش يقدر يكون غدا هنا
البوليسي: والله اا بنتي ما نكدب عليك.. هو راه خاص يكون اليوم كيرتاح عنده أسبوع عطلة بالحق هو فالعطل كيخدم.. شفتي خليفة هو الثلث الخالي ما كنعرفو اش فراس
فيلا كبيرة على شط البحر وصل ليها كتبان بحال شي قصر من قصور الزمن الجميل بالاضواء لي شاعلة فيه بحكم الليل داخل بالطموبيل دياله بصرامة معتادة تقول ما جايش للدار تفتح الباب والدار فيها السكيريتي بزاف لأنه ماشي شخص عادي لي ساكن فيها حل الباب ديال الدار ودخل لقاها بقميصها وزيفها كتمشي تجي امرأة فنهاية الخمسينات قربات منه وهو وجد ليها حضنه ترمات فيه كتنخصص