🌹هن القوارير🌹 (في طور التنزيل )

part102

👑👑 هن القوارير 👑👑
شمس الغريب

الجزء 102:

ما عليها ما بيها جالسة هي وياه حتى كيوصلها ميساج فالواتساب والنمرة هي عاقلة عليها مزيااان تلونات غير بوحدها

📨📨 السلام ضياء بخير.. عارفة بلي نتي بخير وبزااف عاد وعارفة بلي حنا ظلمناك بزاف بالحق والله مي مسكينة ندمات وباغية غير تشوفك وتطلب منك السماحة أما خويا عبد الخالق ما نقولكش اا ختي راه غير خواتاتي لي الله يهديهم تدخلو فيكم  📨📨 

ضرباتها الساكتة المسكوتة وجلال كان حداها هي كتفرج وهو خدام وقدامهم زلافة متوسطة مليئة بطروفة ديال الفواكه كينقبو فيهم كان سمع صوت رنة الميساج وهز راسه فيها ماشي متسائل غير حيت قطعات الحس لأنه قبل كانت كتفاعل مع التيفي
جلال: ضيااااء.. مالكي؟
قفزات وطاح التيلي من يديها: اااه.. نعام ما سمعتكش
جلال زاد تعجبه اكثر: قلت لك مالكي
هز التيلي من الأرض ومدو ليها فيه ما يقلب ولكن ما بغاش خلاها هي تقول ليه على خاطرها خداته منه وحطاتو جنب
ضياء: لا واالو بقيت ساهية مع المسلسل وقفزتيني
صغر عينيه فيها: والميساج؟
ضياء شافت فالتيلي: غير واتساب

سكتو بجوج هو ما بغاش يحكر عليها واخا حس بأنه داك الميساج هو السبب وهي ما بغاتش تعكر ليه صفوه لأنه ماشي مهم لوكان مثلا عبد الخالق كانت تقوليه ملي غير صابرين ما تسوقاتش وما جاوباتش بقات غير كتفكر السبب لي خلاها طيح ليهم على البال اشنو هو
شوية عاود وصلها ثاني ميساج طلات غير بعينيها تحت نظرات جلال وبانت ليها هي نيت ما هزاتوش وبقات كتفرج وحتى جلال صافي قلب خلاها على راحتها عارف بلي حتى الهرمونات لاعبين عليها وقف جلال يجيب شي أوراق وهزات التيلي

📨📨 إلى كنتي ضياء.. الله يخليك جاوبيني غير نهني ميمتي راه عيانة وكتقول غير اسمك.. النمرة راني شحال بقيت نطلب فواحد السيدة باش تعطيها ليا عفاك 📨📨

بعد تفكير عميق بينها وبين نفسها وهذا خطأ فحقه طبعا قررت بمفردها انها تجاوبها وترتاح ونيت ما تبقاش تصيفط لها

📨📨 ضياء: المسامح كريم📨📨

هادشي لي صيفطات وتقطعات الهضرة صافي هي قرأت الميساج وضياء حيدات الويفي وجلسات كتكدد فصباعها كتسنى الفرصة المناسبة فين تقولها لجلال ملي رجع بالحق حداها وهو من مكالمة لمكالمة حتى كتقول صافي سالا ويعاود يهضر ثاني
حتى تسمع صوت الدقان كانت بغات تنوض وحبسها بيديه وناض هو لقا المطعم ديال عتيق هو لي مصيفط ليهم اطباق لشخصين ومنهم الطبق لي كانت كلات ضياء غير بان لها داكشي نسات الموضوع ودخلات هي وجلال فموضوع خالتها كيضحكو على خطتها
جالسة مشبحة فوق الكنابي حتى وصلها تقريبا 10 ميساج من نيكول ضحكات بشر وناضت تقادات فالجلسة
عايدة: ايوة دبا اجي نبداو ااا اللفعة.. ونوريك المغربيات علاش قادات