🌹هن القوارير🌹 (في طور التنزيل )

part126

👑👑 هن القوارير 👑👑
شمس الغريب

الجزء 126:

مدوزة أمورها فالخدمة كلشي عال العال بالحق ممنوعة من شوفته ولا حتى القرب منه طبعا داداها راه عينها وأدنها على كل شيء.. المشروع الرائع لي كانت خدات وبه شركتهم غادي تدخل العالم الشركات الكبرى نوعا ما راه كملاتو ونال إعجاب جل الشركات وبقا غير التدشين دياله لي غادي يكون بحفل كبير تمجيدا لشركتهم طبعا
كانت كتستاعد باش يخرجو هي وفريق العمل يحتافلو بهاد النجاح حتى تحل الباب بلا موجب شرع ودخل وطرق بحال شي ثور هائج بلا سلام ولا كلام قرب منها ودخل معها فاطول وأحسن بوسة شافتها فحياتها دفعها حتى لصقات على الحيط ما بعدش لأنه هي اصلا ما منعاتوش أو رفضاتو بالعكس زيرات عليه حاكماه أكثر

بعد مدة طويلة بعد كيشوف فعينيها وكيفاش كتحاول ترجع النفس لي تحبسات فيها وهي كتشوف فيه بعدم فهم
نوح: حتى حااجة والو ولا شيء يقدر يفرقني عليك من بعد هادشي كله
عايدة ما قشبلات والو: نوووح شنو واقع ياك لباس

حوار الأم دياله معاه مزال باقي شاغله عذبه محنو أصرت باش أنها تعرف واش كانت بيناتهم شي حاجة قبل.. لكن الأسوء انه هي لمحات ليه أنها عارفة بل وعطاته حاجات كل على أنها عارفة بلي عايدة رفضاتو قبل حاول جاهدا انه يشرح ويفسر ليها بلي عايدة كانت مراهقة ولكن هي كانت مصرة انه ما عندهاش فقاموسها بنت ترفض ولدها ومن بعد سنين ترجع كأن شيئا لم يكن وتقول ليه صافي انا وليت كنبغيك
حالها ما كانش احسن منه حتى هي داداها رافضة بالقطع انه تكون بيناتهم علاقة زواج لأنه ماشي بين ليلة وضحاها القلب كيبغي شي واحد لي كان رافضه من قبل عيات من الشرح وتفهمها ولكن هي فكرتها انه عايدة رجعات لنوح غير حيت جلال تزوج بالإضافة انه نوح حتى تزوج وتقولب عاد قبل يرجع لها يعني علاقتهم غير مصلحية
كانو كيصارعو بجوج بيهم حتى من أم نوح ولا دادا قطعو المشية مع بعض يعني كأنهم أنهوا العلاقة لي بين العائلة بسبب هاد المشكل

نوح بعد مغزف: واااش عاااجبك هادشي لي كيديرو لينا باغيين يتدخلو فحياتنا هاا؟
بدات كتبكي وتشهق: كلشي بسبابي انا.. جميع الأسباب لي كيقولو ملي كنرجع نقلب فالاصل ديالهم كنلقا انا لي مني لافوت
عنقها بحرارة: هوووش ششش.. صافي علاش كتقولي هاد الهضرة.. ما كاينش هادشي نتي ما عندك حتى ذنب
عايدة زيرات عليه اكثر: نوووح انا والله الى بصح كنبغيك ماشي حيت تزوج جلال عاد شفت جهتك.. والله اا نوح ما كاينة ديك الهضرة
زاد عنقها: يكفي نتي تايقة فمشاعري وانا تايق فمشاعرك.. صافي ششش.. غا نلقاو حل غير صبري
عايدة: غادي تكون ف الحفل اليوم؟
نوح: اكيد حفل تتويج حبيبتي ونجاحها وما نكونش.. مستحيل 
من نهار ريشات سعاد صح ما يتمكن وهي مراقبة عماد ماشي زعما لا يكون كيخونها مراقبة العنصر النسوي لي كاين فحياته ها لي معه فالشركة جيرانو فريزيدونص وجيرانه فالفيلا لي اصلا هي لي نايضة عليها قربالة
عرفات من عماد بلي سعاد ضرباتها بورثة ما كانت حانة ولا ضانة بيها وجات سكنات فديك الفيلا ومن نهار شافت عماد وهي هادي خاسرة هادي تهرسات وهو عمرو كمل لها الرجا ودخل لدارها كيكتفي بالاتصال بشي مصلح يجي عندها وهي اصلا السمعة عندها تحت الصفر خارباها تما فداك القنت وطبعا عماد راه مستحيل ومستحيل يغلط غلط بحال هذا هي تقتها فيه عمياء بالحق فالعيالات لا لا
  
الكاتبة: مسيو عماد.. مدام نهيلة كتسناك
عماد هز عينيه: خليها تدخل
بقا هاز راسه كيتسناها تدخل يشوف باش دايرة السبة هاد المرة حتى بانت ليه داخلة هازة فيديها بزاف ديال الكتالوج ديال الاثواب نشراتهم فوق الطبلة الطويلة لي عنده وشدات جنابها كتشوف فيهم عاد قربات لجهته هبطات سلمات عليه بلابيز وجراتو
نهيلة: اجي تشوف اش جبت
عماد كيحقق فدوك الثوابات عارفها دايراهم غير سبة قرب كيشوف معها: شي حملة ديال المراقبة هادي ولا كيفاش
غمضات عينيها ديما حاصلة وهزات وجهها خدودها موردين: علاش اشمن مراقبة بغيت غير نوريك الثواب ديال الصالونات باش تختار معايا

هز راسه الفوق كيبتاسم وعاود هبطو عندها: مممم المهم الاجتماع ديال اليوم مع مدام خديجة غادي تحضريه بثوابات الصالونات.. الاجتماع جاي جيبي ليا ديال التكاشط راه قلت ليك العرس هو الاول ونعيشو فلاباغطومون والفيلا بشوية بشوية
خرجات عينيها كتنفي كل ما قيل: لااا انا حتى ما عارفاش واش كاين شي اجتماع اليوم ولا لا.. جيت غير صدفة
عماد حط يديه على فمه كيشوف فيها بمعنى واحد واش من نيتك فينما سمعات حس امرأة كتجيب شي سبة وتجي وهو دائما كيكون فانتظار قدومها.. دخلات تاني الكاتبة علماتو بقدوم السيدة خديجة هزات عينيها هي مراقبة الباب تشوف هاد خديجة لي جاية شكون وكيف دايرة وعلاش جاية حتى تصدمات حلات فمها على حدو

كانت هاد خديجة هي مصممة معروفة فالمدينة وكتصمم للعريسات كبيرة فالسن تقدمات عندهم سلمات عليهم وضايفها عماد عاد جلسو كيتناقشو على اللباسي لي تلبس نهيلة حتى أنه عماد كلفها بكلشي بما انها عندها قاعة وتريتور وكلشي من الأحسن تتكلف هي بكلشي .. نهيلة لقات راسها أمام الأمر الواقع وكتحلف على عماد غير بعينيها وهو عاطيها الابتسامة المستفزة فقط.. ما كلفش راسه يعلمها حيت عارفها غا تجي لراسها
بالخلعة والتفتيفة وهو كيصوني جاوبات وهي وجهها مزوق ما غسلاته ما نقصات من داكشي ما قالت راه شاف سطوريات ما والو
غير جاوبات بقا هو غير كيشوف فيها كيطلع ويهبط فيها كان باين غير وجهها وعنقها الطويل المزين بسلسلة ذهبية بحال الحوالق لي فودنيها شعرها جامعاه بمشيطة زوينة حك نيفه بصبعه الابهم هو كانت ليه مشهد رقيق جميل أما هي كان هو بالنسبة ليها مشهد مرعب عنقه كله عروق بارزة جبينه مزين ب 1111 كما العادة وحبات عرق مستفة الفوق بونية على فمه كيبعدها شوية ويعاود يضرب وزفيره بحال زئير الاسد كيتسمع فودنيها مكمل المشهد لا هو تكلم ولا تململ تقول مبلوكي
والأخت واقفة أمام باب الدار ما غادي يدوزو غير واحد الرباعة ديال البراهش.. زهر الاخت زينة جميل جدا

البرهوش1: هاد الدار فيها غير التوووت اا صاحبي
البرهوش2: والله اا زين إلى قتلاتني الوحدانية بالله

ما عرفات واش تدخل ولا تبقا واقفة حتى قفزها بالغوات: ااااش باااقي واقفة كديري تما.. دخلي دخلي من بعد ونتفاهمو غير بلاتي.. باغيا تهبلي جد مي فهاد نهار
دخلات كتفتف ما لقات قدامها غير الطواليط دخلات وطرقات عليها: راااه عرس عمي.. صاحب عمي.. العروسة كتجيني من العائلة
باينة ما تابتش فبلاصة وحدة وكيهضر من شي مكتب عامر بصور الملك ورايات المغرب
خليفة: وتلواز وشطيح وااااجب عليك فهاد العرس اااه.. ومعااامن تشااورتي بعدا هاا معامن؟ يالاه هضري جاوبي
تا اش غا تجاوب راه جنون لي فالطواليط علقو ملي سمعو غواتك انت يا المصيبة
خليفة: نتي فالطواليط ياك (حركات غي راسها) مسحي داك الزبل وانا كنشوف.. مسحي السطوريات وداكشي لي فوجهك يالاه سربي.. وحدا ماماك تنبتي

أوامره أوامر طبعا حيت هادو ماشي طلبات نفدات كلامه بالحرف وتخبات دارت ماكياج خفيف ضريف عاد وراتو وجهها هو ما قشبل والو حيت كانت دايرة ماكياج ثقيل ملي خففاته بزاف ما دا ما جاب مسحات السطوريات ولا واحد بقا عاد قطع معها مشات تخشات جنب أمها ولا باقي تزعزعات ولي سولها كتقول ليه واحد السيدة ماتت فالكلينيك كانت عزيزة عليا انا لي كنت مقابلاها ودوز الكلام والغصة واحلة لها فالحلق

              💣💣💣💣💣 توقاعتكم وآرائكم 💣💣💣💣💣

الله عليك يا خليفة