🌹هن القوارير🌹 (في طور التنزيل )

part143

👑👑 هن القوارير 👑👑
شمس الغريب

الجزء 143:

أصبحنا وأصبح الملك لله.. كيف فاق وهو فالدار فاق على خبر خلاه مصدوم وجاب ليه الضحك من كثر ما تعصب وجاه فالوقت هذا لي هو زعما محتاج غير الراحة ويصفي دماغه.. ما عارفش علاش كاين واحد النوع من البشر لي كيكون ما تايقش فراسه وغير الريح لي جا كيمشي معاه
المحامي: مسيو جلال.. انا عيط عليا المحامي ديال هاد السيد هو لي خبرني بهاد المسألة.. بالحق راه ما تخافش راه انا نقدر نوقف هادشي
باعتراض: لا لا خلي المسطرة القانونية تاخد مجراها.. بالحق والله حتى نتحاسب معاه وحدة وحدة غير بلاتي
ناض من بلاصته مكره على الصباح يسمع هاد الخبر كيف الزفت.. هو بالنسبة ليه عنده قدرة للتحمل بالحق هي لا غادي تنهار ملي تسمع هاد الخبر.. كان بإمكانه يخلي المحامي يحبس هاد القضية ويجمدها بالحق باغيه نيت يعرف الحقيقة.. وقدما الإنسان   كيكون متأكد من شي مسألة أو باغي غير يعذب بيها الطرف الآخر هو لي كيرجع عليه العذاب باضعاف مضاعفة

مع وصوله للمصحة طلب انه يشوف بنته لأنه غير تشوفو ضياء تطلب صورتها تشوفها وخداته الممرضة من خلف الحاجز وراتها ليه كانت ما واضحينش ملامحها بزاف وفحركة مستمرة لقات التواسع عاجبها الحال تبسم لحركاتها وخدا لها صور وفيديو بعدما خدا الاذن من الممرضة عاد توجه لعند مالكة قلبه لقاها فطرات ومبدلة حوايجها وخلاوها تتمشى شوية الممرضة بمساعدة زهور باش يدور الدم فجسمها
غير دخل هو سلمات عليه زهور وخرجات نيت عتيق غا يدوز من وراها على قبل بعض النواقص فالبيت ديالهم غا يديها هي وعبد العالي ويختارو كعائلة
قرب منها جلال بايس فمها بحنان: كيف صبحات الأميرة ديالي؟
تبسمات ليه وعاودات ليه البوسة: خاصك تبقى تحدد راه ولاو عندك جوج
بقا فوضعيته وجهه على وجهها مد يديه وجبد التليفون مده لها بصور ليها متعددين وفيديو خلاها هي كتتأمل بعون متلألئة بفرح وهو كيبوس خدها وأدنها متع نفسه بجانبها الأيسر من وجهها كما هي اكتسحت جانبه الأيسر من جسمه

ضياء دورات وجهها على غفلة ما جا فمها غير على فمه خدا المسألة على أساس طلب ما رفضوش عطا لنفسه وليها عالم لي ولفوه لكن لذته هي لي كتتغير كل مرة
فمه كان على فمها ما فصلوش القبلة ويديه كانت كتحرك على وجهها بحنان مرورا لاذنها لأنها من أكبر نقاط ضعفها ولي اكتشفت معاه لذة مداعبتها أما هي يديها لي فيها المصل كانت متشابكة مع يديه الثانية ويدها الثانية هي كانت خلف راسه كتلعب بشعره بحركات مثيرة
وأخيرا بعد كيشوف فيها وبصوت مبحوح باللذة: توحشتك
هبطات عينيها وحمارو خدودها وعينيها ذبالو: حتى أنا
يالاه كان ناوي يرجع يكمل حتى دخلات الطبيبة دير ليها كونطرول عاد بعد منها جاها الفرج أما ما كانش يطلقها اليوم مصبر راسه بالقبلا
ملي دخلات للشركة وهي ما جالساش ما بغات تمشي حتى توصل المشروعين على الأقل للنصف ويكون الأساس تدار ما بغات يوقع حتى مشكل الشيء لي خلاها تعقد اجتماع وفين غير وسط المكاتب ديال الموظفين هما جالسين فأماكنهم وهي واقفة متوسطاهم بدلات الصورة لي كانت موخودة عليها رجعات الشركة كأنها بيت أسري جامعهم كعائلة ماشي مدير وعمال
صفقات عايدة جوج مرات حتى انتابه ليها الكل: أولا بغيت نشكركم مرة أخرى على العمل لي قدمنا كاملين مؤخرا.. وكما عرفتو بفضل داك العمل قدرنا ناخدو 2 ديال العروض من شركتين كبار وعندهم وزن ثقيل فالبلاد وخارج البلد.. لي بغيت نقول لكم هو إلى نجحنا فهاد جوج ديال الأعمال كونو متأكدين بلي غادي ندخلو لأبواب السوق الخارجية.. وشركتنا غادي تعرف خارج البلد وهادشي كله ما نقدرو نديروه إلا بتضافر الجهود ديالنا كاملين.. المهم انا غادي نكون فبداية المشاريع بالحق غادي نغيب بعض الأسابيع بالحق غادي نرجع قبل لا يكملو.. ولكن بغيت نمشي وبالي مرتاح والخدمة تستمر بنفس الجهد والمثابرة فاش كنكون