🌹هن القوارير🌹 (في طور التنزيل )

part116

👑👑 هن القوارير 👑👑
شمس الغريب

الجزء 116:

يالاه غادي يتصل بالمحامي وصلو واحد الملف كامل مكمول ما يحتاج gااع المحامي إلى رفع الدعوة غير راسه يطلقو وما عرفش مصدرها ولكن شكه كبير غادي للتأكد انه زاك هو المرسل ولا المحامي دياله وملي اتصل فعلا اتضح انه محامي زاك أو عائلتهم كاملة تبسم نوح باستهزاء وصيفط داكشي للمحامي ووقف هضر معه وأمره باش الغد اول حاجة يديرها ملي يفيق هي يرفع دعوة الطلاق عليها

دار بانت ليه عايدة كتهامس الأم دياله والواضح أنها كتعاود ليها أدق التفاصيل على الواقعة والأخرى كتسمع باهتمام حتى ضرها راسها 
أم نوح: لا لا انا راسي زند عليا نطلع ننعس احسن
عايدة بدورها وقفات: عفاك اا خالتي حلي عليا نمشي
أم نوح حمرات فيها: ما عندك فين تمشي وديك الحمقة برا تمشي تلحق عليك واصلا الليل هذا.. خليت حتى هداك لي راجل يمشي بقا غير نتي.. سيري لبيتك
عايدة وقفات قدامها كطلب ونوح داير يديه فجيبه جابو ليه الضحك: خالتي راه دادا غادي تجي فالصباح بكري خاص نتلقالها
أم نوح مصرة: الصباح سيري نتي ونوح جيبوها هنا.. علاه الحاجة غادي تخفا عليا.. هي إلى عرفات هاد الفلم وعرفاتني خليتك مشيتي تقلق مني.. راني كنعرف داداك عماد كان ملي تكون عنده الخدمة كثيرة كيجيبها عندنا تبقا

ما بقاتش زادت الهضرة طلعات مع الدروج خلاتها متبعاها حتى غبرات ضارت باش تشكي ليه زعما لقات قدامها السواد وريحته هزات عينيها لقاته ما كيفصلها معه حتى سنتيم واحد ما كاملش شدات فالتيشورت باش ترجع خطوة للوراء لكن لقات الصد من يديه لي دارو على ظهرها ورجعوها لبلاصتها فين كانت
عايدة بدات كتفتف غير هي وجنابها: نوووح.. خليني نبعد
نوح كيشوف غير فعينيها: علاش تبعدي؟ فنظرك باقي غادي نخليك تبعدي
هزات فيه عينيها بتمرد: عارفة حيت انا بمثابة الاخت ديالك ما غاتبغينيش نبعد طبيعي
مع كملات جملتها مع تغرسو أصابعه فحوضها حتى تأوهت: أخت شكون ؟
رغم الألم ضغطات على الحروف: أختك

فغفلة منها هبط يد تحت ركابيها والثانية اسفل ظهرها وجمعها بين يديه طالع بيها فالدروج وهي كتخبط فصدره وتتنتر ولكن حاكمها مزيان وهي خايفة تغوت قربات راسها وهزات عضة فعنقه خلاتها تحس براسها كترعد بين يديه بسبب النشوة لي وصلاته ليها كانت نيتها تألمه ولكن صدقات فحاجة أكبر الماته ولكن بمستوى ثاني دخل بيها لنفس البيت لي ولفاته
هبطها ولكن لصقها معاه بيد والثانية كيسد بيها الباب وهز السوارت أما عينيها الفوق ولسانه كيلعب داخل فمه بحماقة هبط وجهه شوية حتى وصل لمستوى وجهها وهي مشات عينيها للعضة لي تطراسات ديالها والاحمرار لي فجوانبها صرطات ريقها وهزات عينيها فيه قرب نوح من فمها حتى ما بقا كيفصلهم والو وتكلم لدرجة حسات بملمس شفايفه على ديالها 

نوح بصوت مبحوح: دبا تشوفي الاحتجاز فالبيوت على أصوله

وأخيرا " زال الخطر " شحال وهما كيتسناو هاد الجملة تقال ليهم وأخيرا الطبيبة وبعد مرور خمس أشهر على حملها خبراتها انه زال الخطر ولكن خاص دائما الحيطة والحذر ولكن جلال ما ناسيش سؤاله طبعا على العلاقة لي تحرم منها والطبيبة ما كان ليها غير تبتاسم وتطلق سراحه وأخيرا ما كاين حتى شي خطر انه يكونو لبعض
خرجو علمو زهور لي كتسنى فالطموبيل بالخبر السعيد الجميل وجلال كان عنده بلاصة الفرحة ثلاثة وباينة عليه كلشي انتابه ليها جوج عرفناهم - الخطر عليها مشا ... عنده الضوء الأخضر فشأن العلاقة - ولكن الفرحة الثالثة اش تكون فنظركم؟