🌹هن القوارير🌹 (في طور التنزيل )

part106

👑👑 هن القوارير 👑👑
شمس الغريب

الجزء 106:

بدات كتلعب بديك القرعة حسات بكلامه ما فيهش الضحك ولا التفلية وأنه قاصد كلامه إلى قال يخطفها راه يديرها فعلا وشنو غادي يوقع إلى خبراته الى قالت انها من بعدما كتعاود كتحس بالراحة راه غير كتكذب عمرها حسات بالراحة

شافت فيه زينة وبدات كتبكي: كنت باقي صغيرة.. صغيرة بزاااف.. عندي غير أربع سنين.. وكان واحد المهرجان فجردة لي بعيدة على دارنا شوية.. داتني ماما حيت بقيت كنطلبها انا وحمزة خويا ودخلنا وسط الخيام والزحام بزاف وتلفت على ماما.. كانت كتقلب باش تشري لحمزة خويا وانا بعقلي الصغير عجبتني واحد اللعبة ومشيت ليها.. وما بقيت عرفت فين هي ماما.. بقيت كنقلب ونبكي بلاصتي ونعيط ماما ووالو زدت والناس كتشوف فيا ويقولو مسكينة تلفات ولي بغا يهضر معايا كنهرب منه بخوف.. خرجت وسط ساحة الالعاب لي قبل كانت كتبان ليا جنة ومن داك اليوم ولات بالنسبة ليا جحيم.. بان ليا وأخيرا شي حد كنعرفو الحسن البوليسي لي حدانا ساكنة أمه مشيت عنده كنجرو من سرواله.. شافني وتبسم ونطق اسمي gااع وانا فرحت حيت عقل عليا.. سولني وقلت له تلفت على ماما ديني للدار كان عقلي صغير ما عارفاش بلي راه ممكن يديرو غير نداء.. هزني بين يديه ورك.....

ما قدراتش باقي تهضر بقات غير كتبكي ويديها على وجهها وخليفة جامع يديه على شكل بونية وباغي يعرف لسبب ما الكمالة وواحد النقطة أخرى باغي يرجع ليها ما حنش فيها وقال لها براكة عليك لا كيشوف فيها بنظرة حادة بمعنى كملي مد ليها بكية ديال كلينيكس مسحات وجهها وبدا كينقر على الvولون بمعنى أنه كيتسنى

زينة حاولات تكمل: ركبني فالطموبيل وداني للبلاصة فين خدام.. كانت عامرة بالبوليس وهو كيقول ليا.. هادي اا زينة هي الكوميسارية وغادي نعيط على باباك يجي من وراك.. كنت فرحانة ما بقا والو ونرجع لماما.. دخلني للمكتب دياله وسد الباب كان كيقرب ليا بطريقة فالأول جاتني عادية كنت صغيرة.. ولكن من بعد حسيت بالخوف كان الشر كينقز من عينيه.. للحظة بديت كنبكي حيت خفت منه بزاف.. وهو قالي إلى بكيتي ولا قلتي هادشي لشي واحد ما غاديش تشوفي ماماك مزال.. بعقلي الصغير داك الوقت حطيت يدي على فمي باش ما نهضرش وحبست حتى النفس على راسي باش يديني عند ماما حتى سخفت
من بعدما كلاو منعت عليها خالتها أنها تهز معها الطبلة ومشات وهي كتغمز فيها تهضر معاه وجلال منتابه لتصرفاتهم وتوترهم وهو داير فيها مبوهل قربات منه ضياء وهزات دراعه بشوية وتخشات هي كتشوف فيه خدام بيد وحدة فالبيسي والثانية كيحركها على طول دراعها هزات راسها فيه متذكرة
ضياء: جلال صايبتي ليا التيلي ديالي
جلال مركز فخدمته: ممم.. ها هو فجيب لا فيست
كانت فالجهة الثانية تشبحات فوق رجليه حبساته على الخدمة بقا كيلعب فشعرها ويرسم بصباعه على ظهرها حتى جبدات التيلي ديالها من جيب لا فيست ورجعات ثاني لبلاصتها خلات راسها يستقر على صدره شعلات التيلي وبدات كتقلب حتى دخلات للواتساب ما لقاتش داك الميساج ولي زاد حمقها انه جميع المحادثات كاينة إلا هاديك بالضبط كتقلب وتعاود ووالو

هزات راسها بسرعة وفزع لعينيه: جلاااااال!!
شاف فيها بنظرة تفحص: بغيتي تقولي ليا شي حاجة!؟
صرطات ريقها وناضت جلسات على ركابيها فوق الكنابي: جلال والله الى بغيت نقول ولكن نسيت والله العظيم
جرها من عنقها خشاها فملاذها وهو عنقه خلاها تتنفس على خاطرها حيت بانت ليه غادي تخنق غير راسها وأحسن جهاز تنفس ليها ولي كيوالم رئتيها هو عنقه طبعا
جلال كيهديها: ششششش ما تعصبيش راسك مممم مفهوم؟ بالحق جمعي كلشي اا ضياء جمعي كلشي ونتفاهمو من هنا لخمس شهور ولا أقل
حطات يديها على قنات التيشورت دياله وزيرات عليه: مممم صافي.. ولكن سمح ليا دبا

بلا ما تشعر حطات شفايفها الباردين على عنقه الساخن وضغطات على البوسة بكل ما أوتيت من قوة حتى كانت غادي طيح أما جلال بلا ما يشعر تأوه ودور يديه على خصرها باش ما طيحش أو تميل لشي جهة عمرو ما جرب هاد البوسة منها وفديك البلاصة بالضبط حس براسه غادي يطير وهي هزات راسها فيه خصلات شعرها لصقو على لحيته بمشاكسة هز يديه كيقاد ليها شعرها وقرب خدا شفايفها بلهفة نساو بلي راه زهور معاهم وبلي جالسين فالصالون نساو العالم وبقا غير صوت التلفزة والتمطاق ديال البوسات
دخلات للكوزينة ورجعات فيديها كأس بارد ديال الماء مقطعة فيهم طريفات ديال الحامض والنعنع حطاته عفوا خبطاته على الطبلة وشافت فيه مزيان عاد توجهت للباب ديال الدار طرقاته وطلعات بجرية للبيت خبات الساروت وهبطات ثاني كدردك
مدات ليه يديها مسرحاها
نوح كيدعك جبينه بعياء: ااش كتحاولي ديري؟
عايدة بعيون متمردة: أنا درت جريمة.. كنحاول نمنعك حتى انت باش ما تديرش جريمة.. على الأقل واحد فينا يبقى خارج القضبان باش يجيب للثاني اللوازم لي يحتاج.. عطيني التليفون
نوح مد يديه لجيبه وطبطب على المكان لي حداه: اجي هنا نتي راه ما فيكش الثقة

قربات بكل ثقة وانفة وجلسات جنبه خدات التيلي وحلاته ومداته ليه بلا ما تدخل لحتى حاجة خداه هو كيتسركل وهي جرات داك الكاس حداها ومستعدة لأي ردة فعل منه وغير دخل ل انستغرام قلبها مشا وجا وفور ما حل مكان المحادثات وجهها حمار والنفس تحبسات فيها وفعلا قدر يلمح صورتها واسمها والاكونت ديالها بين داك الكم الهائل ديال الناس وغير دخل كانت صدمة عمره هز راسه فيها لقاها بديك الحالة هي اذن هو كيفاش خاص تكون حالته هي ما قدراتش تخمن
كيقرا ويعاود فكلامها مرة ومرتين وثلاثة ... كيشوف الطريقة لي تم الاستحمار دياله بيها وهو عاد كان بيها عند الطبيب لي أكد انها حاملة بخمس شهور ولكن شكون هو داك الطبيب هو طبيبها الخاص طبعا لانها رفضت تمشي لطبيب ليليا

وقف صاعر وتوجه للباب كيحاول يحله وهي من وراه حاطة يديها على فمها كتبكي بلا صوت قرب منها جاهل غير وصل حداها حط جبهته على ديالها ونيفه فوق نيفها وولا وديييع عكس الهيجان لي فيه الداخل
نوح صدره كيطلع وينزل بالعصاب: عاااايدة اراااي الساااروت الله يرضي عليك
حطات كفوفها على صدره: ما نقدرش نخليك تمشي بهاد الحالة
مشا اتجاه داك الكاس لي صايبات نزل عليه ورجع: ها أنا شربت وتهدنت يالاه اا الأميرة الصغيرة ما باغيش نغلط فيك ونندم
عايدة شدات يديه بجوج كتحرك راسها بالنفي: لأ لاا لأ ما نقدرش اا نووح ما غاتمشي فين غادي تبقا حتى تكالما ونمشيو بجوج

تنتر منها ومشا اتجاه الدروج يالاه فالدرجة الثانية سمع صوتها قالت ^ لاااا ^ ضار بانت ليه منشورة فالارض بحال الهيضورة جا هزها بين درعانه وطلع بيها للبيت عيا يفيقها ووالو كتقلب فعينيها وتنادي باسمه وبس ولا استجابة أخرى

               💣💣💣💣💣 توقاعتكم وآرائكم 💣💣💣💣💣

يا ربي السلامة