🌹هن القوارير🌹 (في طور التنزيل )

part88

👑👑 هن القوارير 👑👑
شمس الغريب

الجزء 283:

وصلت للشركة لقاتها فالمكتب حاطة رجل على رجل وكترشف من قهوتها السيدة جات ودخلات وخدات راحتها وضايفات راسها وزايداها كتشوف فعايدة شوفات فهماتهم مزيان كتعبر نيشان على الكره والاستفزاز يعني انا جاية باش نكد عليك نهارك بكل بساطة ضحكات عايدة باستهزاء وحتى هي بشوية عليها دخلات كانت مبدلة حوايجها كما العادة ملابس انيقة وعملية حطات الصاك ديالها فوق المكتب جلسات بلاصتها بهدوء وهزات راسها مدوزة الخط للكاتبة لي جات طايرة

عايدة شافت فالكاتبة: كنظن هذا مكتب ليه حرمة ولي جا لشي مقابلة كينتاظر عند الباب لأنه ما عنديش زريبة
نيكول حطات الكاس: علاش هاد العصبية كاملة.. انا زبونة مهمة لشركتكم (دارت حركة بين صباعها السبابة والأبهم) الصغييييورة.. وطبعا فكرات فراحتي ممكن نكون جايبة ليكم مشروع يفرحك نتي والخدامة ديالك
هنا لا عايدة ولا الكاتبة حسو بأنها كتنقص من الشركة ديالهم علنا وقاصدة تجرحهم
عايدة: أولا حنا ما محتاجين حتى شي عرض عمل حاليا خصوصا منك.. ثانيا انا ولا المساعدين ديال شركتنا كنخدمو هنا كعائلة وكنفرحو بالمشاريع الصغرى قبل الكبرى.. ثالثا كنشكروك على زيارتك الغير مرغوب فيها وكنطلب منك بكل احترام تخرجي من شركتنا بكل أدب

نيكول هي الأخرى ما رضاتش أنها تطردها بهاد الطريقة وهي اصلا جات على موضوع آخر وصدقات هنا وقفات زادت خطوة ورجعات شافت فعايدة
نيكول: اذن غادي نقولك جوج كلمات اا صائدة الرجال المتزوجين.. غادي تبعدي من نوووه مزيان والى ما بعدتيش غادي تشوفي وجهي الثاني.. ونتي وديك الشارفة واخا هي ما تبغينيش نوووه كيبغيني مزيان ليك إلى فهمتيها ضغيا

خرجات نيكول وعايدة دارت إشارة للكاتبة باش تخرج وبقات مصمرة بلاصتها وكلام نيكول كيتعاود فدماغها وحسات براسها غادي دخل مرة ثانية فشي أزمة نفسية واش هي بصح كتخرب علاقة الزوجين ولا كيفاش واش من جلال وهناء لعماد ونهيلة لجلال وضياء ودبا نوح مع نيكول حسات براسها شيطانة واصعب حاجة فالتحليل النفسي هي أنه الإنسان يولي يرجع اللوم لراسه فحاجات دارهم وحاجات ما دارهمش تستاغل باش يكون وسيلة فقط ولكن هي ما تقدرش تفهم هاد المسألة

مر اليوم عسير عليها ولكن كانت فيه حاجة زوينة أنها خدات مشروع كبير ديال مؤسسة للرعاية الاجتماعية بغاو يعاودو ليها الترميم مجموعة من الجمعيات والشركات الكبار وقدرات تقنع الرؤساء بهم هما كشركة بتصميمهم لي كانو موجدينه وصلات للدار وجاها اتصال من صديقة قديمة من أيام الدراسة هنا ففرنسا
عايدة: الو نيفين لباس عليك؟
نيفين: أنا مقلقة منك نتي هنا وعمرك سولتي فيا
عايدة: على بالي بلي نتي فاسبانيا
نيفين: لا لا انا هنا.. اش بان ليك نتلاقاو اليوم فبواط ******* توحشتك
عايدة كانت فعلا محتاجة أنها تخرج: اوكي صافي مع 7 نتلاقاو تما بالحق خاص ندخل بكري للدار
نيفين: اوكي نتلاقاو
بعدات عليه شوية: لا لا بالعكس انت اصلا شاف كبير ومعروف فالعالم كله.. واش غادي ننافسك انا لي طيابي يمكن كيعجب غير ناس الدوار
كلامها كانت فيه نبرة ممزوجة بين الضعف والحزن والألم والخذلان حس بيها أنها مخنوقة وكتالم من الداخل
عتيق مشا كيدور ديك الحريرة: بالحق أنا ما قلتش على حريرتك خايبة.. انا قلت بلي عمري ذقت بحالها.. لذتها يمكن ما تكون فيد حتى بنت امرأة أخرى وقلت هاد الهضرة ماشي حيت شاف كبييير ومعروووف لا لا لا قلتها كشخص عادي اول مرة يذوق ديك الحريرة وقلتها كشاف عمره يقدر يوصل يصايب بحال ديك الحريرة.. حيت تابع غير أذواق الزبائن ديالو.. وكوني أكيدة كون كان شي مطعم آخر يقدر يصايب بحال حريرتك نمشي ليه ونشربها واخا نتلقى انتقاذات كثيرة