👑👑 هن القوارير 👑👑
شمس الغريب
الجزء 117:
كل وحدة ناضت تعلم راجلها فقنت وتشوف اش تلبس بقاو الخواتات الراس فالراس طبطبات فاطمة على جنبها وناضت زهور حداها
فاطمة: اش وليتي درتي؟
زهور حشمانة: ختي راني هضرت مع عبد العالي وكان قابل مسيكين.. وحتى تفاهمت انا وصاحب جلال
فاطمة: نعيط على امك بان ليا.. باش فالسابع ديال ضياء طيحو العقد انشاء الله
زهور خرجات عينيها كيفاش موجدة ليها حتى بانت ليها ضياء جايبة كأس ديال الما بارد مداتو ليها وغمزاتها عاد فهمات
زهور شيرات ليها: نتي يا شنيييولة
ضياء: أنا غير مرسول.. سي عتيق عيط على جلال قاليه قول لمرتك تطلب أمها تسرع ليا المسائل.. واش تبغيني نخسر مع الشاف ديالي فالخدمة؟ ونقول لراجلي لا؟
زهور بعفوية: لااااااا
ضياء ضحكات: ايوة داكشي لي درت
زهور كتجيب ليها ضياء التمام حيت كتجبد منها الهضرة غير بالتاويل: والله يا شنيييولة
ضياء: واا صافي اا خالتي زهور بغيتي ديك لوسيا طير ليك الراجل
فاطمة بقات غير كتشوف فيهم مبتاسمة الحمد لله لي فك ضياء وعوضها هو القادر انه يفك زهور ويعوضها وبوادر الخير بداو كيبانو مشات للبيت هي والتليفون ديالها وتجمعو ثاني البنات قولها وضحك عليها إلا زهور لي خايفة من رد أمها وضياء لي حاسة بخوفها ومصيرها لي كيتحدد فالداخل
صونا ثلاثة المرات وجاء الرد أخيرا صوت امرأة كبيرة ولكن مزال الحدة فصوتها: الو
فاطمة: خالتي فاطنة لباس عليك.. انا فاطمة ربيبتك
فاطنة: اايااه فاطمة كيدايرة اا بنيتي لباس والو باس؟ واحد زهيرو حداك؟
فاطمة بغات تدخل فالموضوع نيشان: عليها اتصلت اا خالتي فاطنة.. واحد السيد من خير الناس طالبها للزواج وانا ما بغيت نقولها والو حتى نشاورك
لوكان قالت لها راه شافتو وبغاتو غا ترفض فالبلاصة: شكون هذا وهي لاش دالعة باش يشوفها هاا حاااي
فاطمة بثبات عارفة المكالمة كيف غادي دوز والاسئلة: كنا خارجين مجموعين وبقا يسول حتى طاح علينا
فاطنة: واا هادي وحدة اخرى.. ايوة راه هجاالة وعندها الولد
فاطمة: يصحاب ليك ما قلناهاش ليه.. واا المهم جي جي شوفيه بعدا باش إلى تفاهمتو السيد راه خدمته نصها برا البلاد فالخاريج
فاطمة يا فاطمة عارفة الأسلوب والطريقة باش تخلي فاطنة تخمم.. وإلى تقنعات هي راه غادي تقنع أولادها خصوصا وأنه الطمع عامي عيون أولادها وغير يسمعو القضية فيها خارج البلاد غادي هما يضغطو على زهور بالزواج سوا بغات ولا لا
فاطنة: أنا نشوف الدراري والى كان فيه الرزق ما تكمل السيمانة حتى نكون عندك
فاطمة عرفات راسها قنعاتها: ايوة يدير الله خير انشاء الله
غير بان ليها فعلا كاين تبسمات: يصحاب ليا تفلاو عليا ملي قالو خليفة شرف المركز
شاف فيها بلا مبالاة: كون غير صدقتي أنها تفلية وبقيتي بلاصتك
الرئيس كيشوف فيهم تدريب يديه ومن يومهم قط وفأر.. هي تحبه بجنون وهو الحب ما عندوش اصلا فالقاموس وهادشي لي مفرح رئيسهم وزملائهم فالعمل لأنه نهار يبغي شي وحدة غادي تعاني ديك البنت من بطشها
الرئيس: رشا صيفط ليك شي خدمة ديريها
رشا عينيها غير على خليفة: داكشي ساهل.. الصعب هو نشوف خليفة ففرصة أخرى لأنه مانع عليا أي بلاصة هو فيها من غير مكتب الرئيس وقاعة الاجتماعات
شاف فيه هو لي مامسوقش: السبب؟
رشا: خايف يضعاااف قدامي.. وطبعا ما يرضاش وهو صرح انه والحب لا يلتقيان
أنت تقرأ
🌹هن القوارير🌹 (في طور التنزيل )
Humorمن بعد قصة بيان النصر وياقوت رجعت ليكم بقصة جديدة وحصرية على مجموعة مختلف اللهجات، قصتي الجديدة تحت عنوان 👑 هن القوارير 👑 من العنوان نقدرو نشوفو عدة قصص متنوعة كلهم مرتبطين بشيء واحد وهو المرأة. قصتنا غادي تتناول وتعالج قضايا وحالات مختلفة كيوقعو...
