🌹هن القوارير🌹 (في طور التنزيل )

part78

👑👑 هن القوارير 👑👑
شمس الغريب

الجزء 77:

كل نهار مخوصمة ومصالحة بيناتهم يهزها بالهرابة وتحطو بالخائن ومن وراها بقسمين تلقايهم فحضن بعض وترجعي نتي لي مامزياناش رجعو لمدينتهم هي فدارها جديدة لي عاد شرات من بعد ديك لي باعت حاضية خدمتها من المصبنة للمحل ديال الملابس واقفة على رزقها بيدها مخدمة غير ذكائها وقراية الدنيا لي خرجات منها بشي سبعة الدكتورات لانها ما تلقاتش تعليمها من نهار تزوجت أمها يعني تكون حبست فالثاني هكاك ومن تما وهي فالمعاناة

حتى هو رجع مضغوط بالخدمة بين مشاريعه الخاصة وكيساعد الاب دياله لي تقال عليه الحمل وهما كيسمعو نجاحات شركتهم لي ففرنسا عماد فرحان ليها بزاف بالحق باغيها تزيد ترجع لعقلها أكثر وتبقى ظانة انه غضبان عليها مزال متبع أخبارها من عند بزاف ومن عند باه طبعا.. خرج راسه غادي يتفرق عليه بالخدمة والعياء

صونا عليها وهو محرك من تما: مممم فينك؟
نهيلة: أنا فالمحل يالاه كملنا تستاف السلعة جديدة
عض لسانه من الداخل: بغيت نشري لحبيبتي كاضو باش تنصحيني؟
لصقات مع الباب كتبتاسم غير هي وجنابها: كاين واحد الكاب ب 1000 درهم غزااااال
ضحك عماد بجهد: اهاااه حب وتجارة عندك هادي ولا اش.. تاخدي كاضو وطلعي المبيعات فالمحل.. ما حشمتيش وترزيني انا
ضحكات حتى هي: طخاvاي طخاvاي كمغاد ابخي
عماد عاض على شفته: واخا اا الحاجة.. يالاه ختاري لا كولوغ لي عجباتك وجيبي ليا لا فاكتيوغ على قلبي
نهيلة: عرفتي علاش ختاريت هاد الكاب بالضبط؟
عماد: علاش؟

بان ليها واقف برا وهي تهز صاشي اصلا كانت عوالة تدير هاد البلان غير سؤاله جا فالوقت المناسب توادعت مع 2 بنات و2 أولاد لي خدامين معها وخرجات غير بانت ليه هبط عندها مستقبلها بالاحضان حل ليها الباب ومشا بلاصته
عماد: فيا الموت ديال جوع.. اش بغيتي تغداي؟
نهيلة بلهفة: طاجين بالبرقوووق
شاف فيها بنص عين: هذا راه نتي لي خاص تولي طيبيه لينا وملي نخرجو برا خاص نطلبو شي حاجة اخرى

ميقات فيه وخبطها هو وقلبوها ثاني مداقة حتى وقفو قدام مطعم بلدي: اراي نشوف هاد الكاب لي غا نحط فيه رزقي
فرحات ملي تفكرات البلان وتحنات جبدات الصاشي: اممم ها هو الكاب (كان زوين ولكن ماشي ديال 1000 درهم) بالحق ماشي الكاب لي غالي
متكي على يديه وداير فيها شوفة ديال من نيتك: شفتي هذا هو وديك المسمومة لي عندك فلا كيس تبيعيهم ليا بالف درهم وما نقبلش
ضرباته بداك الكاب وتحنات ثاني جبدات صاشي آخر فيه شوميز رجالية واعرة وواحد الصديفات كيكونو غير عند رجال الأعمال الكبار مع ساعة رجالية حتى هي واعرة باك متكامل مداتو ليه

نهيلة: شفتي انت الرومانسية معك حرام.. انا بعدا ما كبرتش فيك كاضو زوين باقي gاعما حطيتو للبيع انت اول واحد تلبسو
جرها عنقها عارفاه اصلا مطلعها عليها لأنه داك الكاب شراته ب 150 درهم فاش كانو راجعين قتلها البرد وهو لي خلصو نيت ولقاوه قدامهم
عماد: يخلي ليا السقرامة ديالي.. ياكما كتخرجي الزكاة وقلتي فالمقربين أولى