🌹هن القوارير🌹 (في طور التنزيل )

part120

👑👑 هن القوارير 👑👑
شمس الغريب

الجزء 120:

هما انساحبو وهو لي جرها هاد المرة لحضنه غادي بيها للطموبيل وأول مرة نشوفو حمورية خدودها كان يصحاب ليا ما كتحشمش حل ليها هاد المرة الباب بالخاطر عاد مشا لبلاصته وهي متعجبة فيه
عايدة: علاش تعنقني.. أأ أ ا ؤؤكيفاش تحل ليا الباب بهاد الطريقة؟
نوح دار غمزها: ما بقيتش باقي باغي نضيع الوقت اا حبيبة
ضربات الطم ورجعات ذاكرتها للوراء كتفكر نوح الخبيث ديال زمان كان كلامه تحته دائما رسائل مشفرة ليها
عايدة غوبشات: يسحاب ليك غادي نسمح ليك ضاغي؟
نوح بلا ما يشعر: وعلاش انا سامحت ليك على الماضي
عينيها غرغرو فالبلاصة حاسة انه هاد الماضي الجميل غادي يبقا وصمة فحياتها عند الناس لي كتبغي وصعيب عليها الحال بزاف تبقى تحارب هاد الشعور كل مرة

حس بيها نوح تزيرات ومد يديه ليها: خاصك تعرفي بلي عمري تقلقت منك.. عادي القلب ما كنقدروش نتحكمو فيه.. ولكن العقل اه كتعمريه بلي يفيد
عايدة: داكشي باش عمرك تقلقتي مني
نوح شاف لبعيد: العقل كان ديما كيتقلق منك بالحق القلب كان ديما مايل غير ليك
عايدة انهارت باكية: وانا القلب كان شاد فجلال بجحاد والعقل كان طاير بالمراهقة
نوح ضحك على راسه: وا شفتي.. بغيتك ونتي فأسوء الحالات.. كيفاش ما نبغيكش ونتي فاحسن حالاتك
عايدة هزات فيه عينيها: دبا انا فاحسن حالاتي ؟
نوح هز يديه كيشرح ليها: ماشي اااااحسن الحالات gااع ولكن بالمقارنة مع القديمة هادي أحسن
ما حسات على راسها غير وهي هازة يديها كضربو لكتفه وهو كيضحك عليها حتى ديمارا عاد حبسات.. كانو فاتجاه الدار ديالهم لأنه داداها باقي تما غا يتغداو عاد يمشيو
دخلو بجوج وداداها وأم نوح غير شافوهم قطعو الهضرة والواضح انهم كانو كيهضرو على شي موضوع ما باغيينوش يعرفوه يالاه بغاو يدخلو جرها لجردة بالواقف
نوح: بنتي ليا ما تفاجأتيش برجوع نهيلة
عايدة عاودات ليه كلشي كتلوم فراسها وتعاود.. نساو راسهم وهما فين وجرها للحضن دياله كيواسيها وهما فالداخل حاضيينهم
ماشي مدة طويلة باش قدرو يتعارفو بالحق الحب ما كيعرف لا مدة ولا مكان الحب كيبقى حب خصوصا إلى كان ديال ناس بعقلهم داو وجابو فالزمان اتصالها به فوقت لي هو اصلا مشغول فيه الصباح هذا وهو على رأس عمله فاش كيجي للمغرب كيبغي يوقف على خدمته بيديه أكثر من كل الدول لي عنده فيهم سلسلة فنادق ومطاعم والسبب هو وطنيته وحبه لبلاده

عتيق خدم ليربودز دياله كيهضر ويديه مشغولين: صباح النور.. باين اليوم غادي يدوز عندي فوووق المزيان هاد نهار
زهور حشمها وما عرفات باش ترد قدام فاطمة ورحيمة: الله يبارك فيك اا سي عتيق الحمد لله.. كيسلمو عليك ها هما حدايا.. انا عيطت عليك غير باش نقول ليك راه ختي فاطمة هضرات مع مي وراه وسط هاد السيمانة تجي مي وخويا هنا عند اختي
عتيق ضاغي فهم: ممممم حشمانة.. اصلا انا مزال ما قلت والو باش تحشمي.. احمم المهم هما يجيو وسط السيمانة وانا فوقاش نجي؟
فاطمة كدير ليها بيديها آخر السيمانة
زهور: اللخر ديال السيمانة مناسب؟
عتيق: انشاء الله.. كلشي مناسب بإذن الله نتي غير حددي الوقت والباقي عليا