🌹هن القوارير🌹 (في طور التنزيل )

part21

👑👑 هن القوارير 👑👑
شمس الغريب

الجزء 21:

جا خبارها ل لي باقيين فالدار بلي فكها الله وولدات ولله الحمد بخير وعلى خير عادية كانت مشات معها نعمة هي لي تنفعها مع خوها حكم ودازو هزو الأم والاخت ديالها والكل بقا فالدار حتى تتفك كيدعيو ويصليو حتى جاتهم خبارها عاد ارتاحو ما بغاوش يمشيو يبرزطوها حيت كان الليل خلاوها حتى للصباح اصلا غاتخرج الغد له إلى ما وقعش شي مشكل

نجاة مطيبة الرفيسة حيت غايبداو يجيو الناس يباركو وضياء وراحة كيقادو فليضغاجي وصايبو ليها بيفي زوين بالازرق والأبيض فالبيت لي قادو لها لتحت حيت ما تقدرش طلع لبيتها وباش لي دخل يبارك لها كادو من عندهم هما ونعمة ونجاة بيفي على حقه وطريقه مع بيجامة لها ولبسة ليه هو والفراش لي دارو لها حيت هداك حتى هو بيت نعاس للضياف مخصصينه لتحت كلشي بالازرق والأبيض

فعلا بداو الناس كيجيو طلعو البنات بثلاثة نجاة ضياء وراحة دوشو ولبسو قفيطنات جوهرة مختلفين فالالوان ونزلو كيستقبلو الناس لي اغلبيتهم جيران وعائلة بعاد جاو باش يبقاو تالسبوع دخل شرف الطيابات وطلعاتهم نجاة للسطح اصلا هي مطيبة الرفيسة للغداء بالحق يقد ما يكفيش خصوصا العائلة كيزفو على غفلة وكيجيو كثار

باقين جالسين مع لالة راضية وبنتها وعروستها مجمعين معهم وكيضحكو وتمناو لضياء تفك منهم على خير حتى تسمع صوتها هي وبنتها الكبيرة وصابرين
تاجة: واخا واقفين على الطلاق راه باقي جورة ولا لا اا فاطمة
فاطمة: زيدو مرحبا بكم حنا راه ما كنجريوش على لي دق بابنا
تاجة: قلنا نجيو نباركو لكم قبل ما تعمر عليكم الدنيا ونديرو الاحراج لضياا كلشي يبدا عليها بالعاقرة العاقرة
راضية ما كيدوزوش ليها: ايوة ضياء باش عرفتوها نتوما عاقرة كاين شي تحاليل شي حاجة كتبت هادشي ولا غير هضرة
ما لقات باش تجاوبها وصابرين عينيها غير عليهم وعلى راحة لي مجمعة مع لوستها ومع مرات لوسها حتى نطقات راضية خلات القرود يلعبو فوق رأس صابرين

راضية: نوض اا بنتي راحة راه لي كيموت عليك برا داير السبة بالكادو غير باش يشوفك
نجاة ضاحكة: وعلاش فين عمرنا جرينا عليه 
راضية غمزاتها: باغي يستاغل الفرصة حكم مع مراته وشرف ملاهي والحاج فجامع فرصة ومناسبة
حشمو راحة خلاوها ناضت تالفة على المشية أما صابرين ولات حمرة بالفقصة واختها كتنغز فيها حيت كلشي ولا حاضيها مالها تلونات ومقجووجة عاد وقفات مشات مستاذنة وهي غاديا تجسس عليهم باغيا تزيد تفقص

كانت الجلسة عندهم فالنهار لي قبل من السبوع واقف وكله شوق باش يشوفها جاي لابس مزيان وريحته كتشم منين ومنين واقفين معه تريكته كاملة إلا باه وواحد من خوتو وعيالات خوتو لي ما كاينينش ولي ضحك ضياء هي عمر وريحانة أخته لي واقفين بعيد عليهم شوية كيشوفو تبسمات وهمسات بها لخوتها لي بدورهم قالوها للمحامي

عكسها هي لي كانت جاية غير هي وخوتها بجوج ونعمة والمحامي فقط اصلا مامساليينش غير خوتها قالت لحكم يبقى هو ولكن رفض وحلف بحلوفه حتى يحضر تقدمو وهي غير ما زادت زوينة وجميلة أكثر من قبل بعدات من همهم وغمهم ولات باينة أكثر هو قال مع راسه راه غاتمشي لدارهم لتمارة والمحاين الساعة جات احسن من كيف كانت هي كانت كيف النوارة دبا ولات حديقة ديال النوار

جاو ليهم المحاميين ديالهم بجوج علموهم بلي الجلسة غادي تبدا من دبا نصف ساعة وخاص يدخلو باش يتسناو هيئة القضاة يدخلو عمرو ديك القاعة غير هما جلسات هي جنب المحامي ديالها وهو جنب المحامي دياله وبما انهم هما لي رافعين الدعوى كان عندهم الحق هما لي يبداو

محامي ع.الخالق بدا كيقنع القاضية بلي ضياء غادرت بيت الزوجية شحال من مرة وبلي مانعاه من حقه فالأبوة هي ما كتولدش وهو كيولد والدليل راه حاطو تما الورقة ديال الطبيب بلي الموكل دياله غير عقيم هو كيهضر والقاضية كتقلب فالملف وملامحها ما فيها والو ما كيوحيو بحتى حاجة
القاضية: علاش طالب الطلاق
المحامي: السيدة ضياء جابر غير راضية بالتعدد وهي لي طلبات من موكلي باش يطلقها إلى بغا يتزوج ولا يبقى معها بلا أولاد بالإضافة إلى أن السيدة ضياء طامعة فممتلكات موكلي وباغيا تقاسم معاه الممتلكات دياله (شاف ف عبد الخالق لي كياكد ليه بعينيه على كلامه)....ولمحكمتكم الموقرة واسع النظر

قيدات داكشي لي بغات وتشاورات مع النواب ديالها وهاد هزات عينيها فسي أحمد باش يدافع على موكلته وفعلا قدم ليها الملف ديالهم وبدا كينفي كلشي وكل حاجة كيقولها كاين الدليل وسط الملف عندها هي والنواب كيراقبوها

محامي ضياء سي احمد: كما كتشوفي اا سعادة القاضية والنواب المحترمين موكلتي على عكس ما قيل تماما هي طالبة طلاق وما باغيا حتى حاجة من سي عبد الخالق كما كيداعي.... هذا بالإضافة إلى أن موكلتي لي كيسبوها بالعاقر كما هو مبين عندك اا سعادة القاضية موكلتي عاملة التحاليل قبل من سي عبد الخالق بثلاث سنوات وهي ماشي عاقرة كما يدعون وكانت ناوية تبقى محافظة على بيت الزوجية وكان عندها أمل أنهم يحلو مشكل العقم بتطور الطب ولكن فور ما عرف انه هو ما عندوش مشكل قرر يجيب زوجة أخرى رافض بالقطع انه يمشيو للطبيب بجوج

شاف فوجههم الصدمة ودار كمل للقاضية: بالإضافة إلى أنه كيكذب ويقول بلي زوجته غادرت بيت الزوجية حرام وعيب تكذب على السيدة لي كانت لك زوجة مضحية طيلة خمس سنوات زوجتك خرجات من الدار وبعلمك المرة الأولى انت لي تجاهلتي اتصالاتها من بعد خصومة بسبب السيدة لي انت ناوي عليها الزواج ولي حاضرة هنا ما عرفتش الصراحة باش من صفة والمرة الثانية كنتي سديتي عليها الباب وحبستيها وهي فين هزات حوايجها وعيطات على خوها فور ما جيتي خرجات هي وانت السبب فيهم بجوج.. والدلائل وسط الملف وهادي راه جريمة فحق هاد السيدة ..... ولمحكمتكم الموقرة واسع